Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓢꓲ ꓒ ꓡꓰ ꓟꓸ ꓔ ꓟ ꓪꓽ ꓘꓴ ꓓꓴ
Wednesday, October 11, 2023
ꓢꓲ ꓒꓽ ꓬꓰ-ꓢꓴ ꓡꓰ ꓝꓲ ꓓꓴ ꓐꓴ ꓔꓯ ꓪꓽ ꓘꓴ ꓘꓶꓽ ꓟꓸ ꓖꓶ_ ꓟ ꓚꓱꓹ ꓥ ꓡꓳ꓾ ꓪꓽ ꓘꓴ_ ꓟ ꓠꓬ ꓣꓳ ꓙꓲ ꓢꓴ ꓢꓲ ꓤ ꓐꓴ ꓠꓯꓼ ꓗꓪ ꓮ ꓘꓶꓸ ꓣꓳꓸ ꓚꓵ_ ꓟ ꓮ ꓘꓶꓸ ꓣꓱꓽ ꓬꓯꓼ ꓟ ꓕꓲ ꓟ ꓥꓳ꓾ ꓪꓴ-ꓢ ꓐꓰ ꓣꓳ ꓠꓬꓲꓸ ꓗꓳꓸ ꓚꓸ ꓗꓪ ꓙꓻ ꓡꓯꓼ ꓘꓳ_ ꓟ ꓝꓸ ꓖꓶ_ ꓟ ꓚꓱꓹ ꓥ ꓡꓳ꓾ ꓤ ꓠꓱ ꓤ ꓕꓲ ꓣꓳ ꓔꓯ ꓞꓳ ꓤ ꓐꓰ ꓙꓻ ꓡꓯꓼ ꓘꓳ ꓕꓯ ꓫꓸ ꓕꓱ ꓡꓯꓼ ꓘꓳ ꓕꓯ ꓮ ꓡꓰ ꓐꓰ ꓫꓸ ꓕꓱ ꓠꓹ ꓟ ꓬꓲꓸ ꓚꓱꓹ ꓢꓳꓺ ꓣꓴ ꓠꓹ ꓟ ꓣꓱꓽ ꓬꓯꓼ ꓟ ꓡꓰ ꓐꓰ ꓣꓳ ꓥ ꓟꓲ ꓪꓴ-ꓢ ꓐꓰ ꓮ ꓡꓰ ꓐꓰ ꓫꓸ ꓕꓱ ꓠꓹ ꓟ ꓙꓻ ꓡꓯꓼ ꓘꓳ ꓠꓹ ꓟ ꓢꓳꓺ ꓣꓴ ꓠꓹ ꓟ ꓣꓱꓽ ꓬꓯꓼ ꓡꓳ꓾ ꓮ ꓟꓶ ꓗꓴꓷꓼ ꓫꓵ ꓪꓴ ꓑꓶ ꓓꓴ ꓫꓸ ꓓꓴ ꓔꓳꓹ ꓜꓳ ꓔꓬ ꓟ ꓙꓵꓹ ꓗꓪ ꓪꓽ ꓘꓴ ꓠꓹ ꓟ ꓚꓱꓹ ꓔꓯ ꓢꓷꓸ ꓠꓹ ꓟ ꓟꓬ ꓠꓬꓲ ꓣꓱꓽ ꓬꓯꓼ ꓡꓳ= ꓦꓲ-ꓐꓱ-ꓣꓴ 4ꓽ16 “ꓣꓳ ꓠꓬ ꓫꓱꓸ ꓤ_ ꓟ ꓟꓶ ꓠꓹ ꓟ ꓐꓰ꓾ ꓣꓱꓽ ꓬꓯꓼ_ ꓟ ꓝꓲꓸ ꓗꓪ ꓬꓰ ꓙ ꓓꓴ ꓣꓱꓽ ꓛꓰ ꓧꓪ ꓟꓶ ꓠꓹ ꓟ꓾ ꓣꓳ ꓠꓬ ꓣꓱꓽ ꓛꓰ ꓙꓵꓽ ꓠꓬꓲꓸ ꓕꓲ ꓗꓪ ꓠꓲꓹ ꓪꓴꓽ ꓪꓴꓽ ꓡꓰ ꓕꓲꓺ ꓙꓰ ꓡꓯ=” ꓐꓰ ꓐꓯ ꓔ ꓡꓳ= ꓕꓱ ꓡꓱ ꓬꓰ ꓠꓹ ꓟ ꓠꓬ ꓣꓳ ꓠꓬ ꓮ ꓡꓰ ꓐꓰ ꓪꓽ ꓘꓴ ꓠꓹ ꓟ ꓢꓷꓸ ꓠ ꓔ ꓡꓳ= ꓪꓽ ꓘꓴ_ ꓟ ꓠꓬ ꓣꓳ ꓟꓷ ꓠꓷꓹ ꓘꓶꓽ ꓗꓪ ꓐꓰ ꓡꓰ ꓟꓽ ꓥ꓾ ꓣꓳ ꓠꓲꓹ ꓟ ꓘꓴꓽ ꓗꓪ ꓐꓰ ꓡ_ ꓟ ꓘꓶꓽ ꓔꓯ ꓪꓴ-ꓢ ꓐꓰ ꓙꓻ ꓡꓯꓼ ꓘꓳ ꓠꓹ ꓟ ꓥꓳ꓾
Subscribe
Sign up to our newsletter and get latest news and updates straight to your inbox!
Download RVA App
Add new comment