ꓢꓲ ꓒ ꓬꓰ-ꓢꓴ ꓠꓬ ꓢꓲ-ꓫꓬ-ꓟ-ꓦ ꓗꓪ ꓐꓰ ꓣꓳꓽˍ ꓐꓰ ꓔꓬꓹ ꓢꓲ ꓣꓳꓽ ꓔꓯ ꓬꓰ ꓙ ꓔꓬꓹ ꓡꓳ꓾

ꓠꓬꓲꓸ ꓠꓬꓲꓸ ꓟꓸ ꓟꓲꓽ ꓗꓪ ꓠꓬ ꓢꓲ ꓒ ꓬꓰ-ꓢꓴ ꓠꓬ ꓬꓲꓸ ꓐꓹ ꓐ ꓗꓪ ꓙꓰˍ ꓥꓳ= ꓕꓱ ꓟ ꓑꓶꓸ ꓓꓴ ꓬꓲꓸ ꓗ ꓠꓯꓸ ꓢꓲ ꓖꓼ ꓢꓴ ꓮ ꓙꓵꓽ ꓠꓲꓹ ꓟ ꓟꓽ ꓫ ꓠꓹ ꓟ ꓬꓲꓸ ꓡꓰ ꓢꓯꓼ ꓖꓶꓽ ꓡꓳ= ꓬꓲꓸ ꓪ ꓐꓱ ꓶ ꓪꓽ ꓘꓴ ꓙ ꓖꓶꓽ ꓡꓳ= ꓬꓲ ꓡꓰ ꓐꓹ ꓐ-ꓳ ꓥꓪ ꓬꓲꓸ ꓪ ꓐꓱ ꓶ ꓪꓽ ꓘꓴ ꓙ ꓖꓶꓽ ꓥꓳ= ꓬꓲꓸ ꓪ ꓠꓬ ꓥꓯ ꓔꓯ ꓟ ꓥˍ ꓡꓳ= ꓥꓪ ꓔꓯ ꓟ ꓠꓬ ꓠꓴ ꓔꓯ ꓟ ꓥ ꓢꓲ꓾ ꓥꓪ ꓔꓯ ꓟ ꓠꓬ ꓠꓴ ꓔꓯ ꓟ ꓥˍ ꓡꓳ= ꓬꓲꓸ ꓪ ꓗꓪ ꓟ ꓟꓽ ꓒꓲꓼ ꓬꓰ ꓠꓹ ꓟ ꓟꓽ ꓟꓶꓽ ꓬꓰ ꓠꓹ ꓟ ꓥꓪ ꓪꓽ ꓘꓴ ꓥꓳ꓾ ꓐꓰ ꓢꓲꓽ ꓫꓬ ꓕꓳ ꓶ ꓗꓪ ꓣꓳꓽ ꓔꓯ ꓢꓷꓸ ꓡꓰ ꓝꓲˍ ꓡꓳ=

            ꓣꓳꓽ ꓤꓶ ꓗꓪ ꓪꓴ-ꓢ ꓠꓬ ꓣꓳꓽ ꓐꓰ ꓔꓬ ꓡꓳ ꓐꓯ ꓟ ꓔꓯ ꓙꓵ ꓠ ꓗˍ ꓡꓳ= ꓢꓲ ꓒ ꓬꓰ-ꓢꓴ ꓠꓬ ꓟꓴ ꓗꓪ ꓗꓪ ꓓꓯꓺ ꓙꓰ ꓥˍ ꓟꓲ ꓬꓲꓸ ꓠꓬ ꓣꓳꓽ ꓐꓰ ꓔꓬꓹ ꓢꓲ ꓟꓬꓱꓽ ꓬꓰ ꓔꓬˍ ꓡꓳ ꓐꓯ ꓟ ꓔꓯ ꓢꓷꓸ ꓔ ꓠꓹ ꓗˍ ꓡꓳ= ꓡꓯ ꓠꓹ ꓟ ꓢꓲ ꓒ ꓦꓬꓼ ꓠꓬꓲ ꓥˍ ꓟꓲ ꓢꓲ ꓫꓬ ꓟ ꓦ ꓬꓯꓼ ꓡ ꓟ ꓑꓮꓲꓽ ꓥˍ ꓡꓳ= ꓕꓱ ꓟ ꓔꓯ ꓣꓳꓽ ꓙ ꓶ ꓡꓯ=

            ꓢꓲ ꓒ ꓬꓰ-ꓢꓴ ꓠꓬ ꓢꓲ-ꓫꓬ-ꓟ-ꓦ ꓗꓪ ꓐꓰ ꓣꓳꓽˍ ꓐꓰ ꓔꓬꓹ ꓢꓲ ꓣꓳꓽ ꓔꓯ ꓬꓰ ꓙ ꓔꓬꓹ ꓡꓳ= ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓛꓳ ꓫꓱꓽ ꓙꓰˍ ꓕꓯ ꓕꓱ ꓟ ꓔꓯ ꓮ ꓕꓶ ꓟꓲ ꓓꓵꓽ ꓙ ꓔ ꓓꓴ ꓬꓰ ꓡꓯ= ꓕꓲꓽ ꓠꓬꓲ ꓙꓳ ꓠꓬ ꓪꓴ-ꓢ ꓐꓰ ꓒꓬꓱꓽ ꓔꓳꓹ ꓟꓬꓺ ꓔꓳ ꓟꓳ ꓡꓯ ꓘꓳ ꓠꓹ ꓟ ꓥ ꓡꓳ= ꓕꓱ ꓟ ꓠꓬ ꓣꓳꓽ ꓟꓲꓹ ꓠꓯ ꓗꓪ ꓢꓯꓸ ꓔꓬꓹ ꓟ ꓬꓲꓸ ꓔꓶꓺ ꓙꓱꓼ ꓥˍ ꓡꓳ=

Add new comment

1 + 0 =