ꓢꓲ ꓡꓲ ꓟ ꓣꓱꓽ ꓛꓰꓽ ꓡꓯꓼ ꓫꓴ

“ꓠꓴ ꓪ ꓔꓯ ꓥꓪ ꓢꓲ ꓡꓲ ꓟ ꓖꓶ ꓔ ꓬꓰˍ ꓥꓳ= ꓥꓪ ꓢꓲ ꓡꓲ ꓟ ꓠꓴ ꓪ ꓔꓯ ꓖꓶˍ ꓥꓳ=” ꓐꓰ ꓬꓳ-ꓦ 14ꓽ27 ꓗꓪ ꓢꓲꓺ ꓒ ꓬꓰ-ꓢꓴ ꓡꓰ ꓐꓯ ꓔ ꓡꓳ= ꓐꓯ ꓘꓶꓽ ꓕꓱ ꓟ ꓠꓬ ꓮ ꓔꓲꓸ ꓤ ꓥ ꓐꓯ ꓥ ꓟꓲ꓾ ꓣꓳ ꓐꓴ ꓠꓬ ꓬꓰ-ꓢꓴ ꓗꓪ ꓐꓰ ꓪꓽ ꓠꓬꓲˍ ꓟ ꓐꓯ ꓘꓶꓽ ꓐꓰ ꓠꓵꓻ ꓠꓲꓹ ꓡꓯꓼ ꓫꓴ ꓕꓲ ꓟ ꓘꓳ ꓣꓴ ꓟꓶ ꓡꓰ ꓟ ꓥ ꓡꓳ= ꓢꓲ ꓡꓲ ꓟ ꓐꓯ ꓟ ꓐꓯ ꓘꓶꓽ ꓠꓬ ꓓꓴꓸ ꓓꓴ ꓤ꓾ ꓠꓱꓸ ꓠꓱꓸ ꓤ ꓗꓹ ꓐꓯ ꓥˍ ꓟꓲ꓾ ꓢꓲ ꓡꓲ ꓟ ꓬꓲ ꓣꓱꓽ ꓛꓰꓽ ꓡꓯꓼ ꓫꓴ ꓠꓬ ꓪꓴꓽ ꓓꓰ ꓡꓰˍ ꓟ ꓒꓵꓽ ꓶ ꓕꓲ ꓟ ꓥ ꓡꓳ=

ꓖꓳ ꓡꓱ ꓠꓬꓲ ꓬꓲ ꓙꓵꓹ ꓕꓲ ꓙꓵꓹ ꓣꓴ ꓢꓲ ꓣꓳ ꓤꓶꓻ ꓠꓯꓸꓼ ꓗꓪ ꓟꓽ ꓓ ꓢꓲ ꓡꓲˍ ꓟ ꓙꓵꓹ ꓔꓯ ꓓꓵꓽ ꓙ ꓠꓬꓲ ꓡꓯ= ꓣꓳ ꓤꓶꓻ ꓮ ꓙꓵꓽ ꓢ ꓡꓰˍ ꓟ ꓙꓵꓹ ꓕꓲ ꓙꓵꓹ ꓒꓬꓱꓼ ꓗꓴꓸˍ ꓥꓳ= ꓣꓳ ꓬꓰ ꓟꓽ ꓐ ꓡ ꓥ ꓟꓽ ꓢꓷꓸ꓾ ꓐꓰ ꓓꓵꓽ ꓙ ꓔ ꓟ ꓠꓬ ꓢ ꓢ ꓡꓰꓽ ꓬꓰ ꓐ ꓡ ꓗꓷ ꓗ ꓠꓯꓸ ꓣꓳ ꓠꓯꓸꓼ ꓗꓪ ꓒꓬꓱꓼ ꓡˍ ꓟ ꓠꓲꓹ ꓟ ꓢꓲ ꓡꓲ ꓐꓰ ꓗꓷ ꓡꓰ ꓟ ꓬꓲ ꓙꓵꓹ ꓔꓯ ꓓꓵꓽ ꓙ ꓠꓬꓲ ꓡꓯ= ꓤꓶꓻ ꓗꓪ ꓙꓽ ꓫꓸ ꓓꓴ ꓔꓳꓹ ꓜꓳꓽ ꓔꓬ ꓕꓯˍ ꓟꓲ ꓢꓲꓺ ꓡꓲˍ ꓟ ꓕꓲ ꓙꓵꓹ ꓔꓯ ꓣꓳ ꓘꓳꓹ ꓣꓴ ꓐ ꓡˍ ꓢꓰꓽ ꓡꓳ= ꓸꓸꓸ

ꓢꓲ ꓡꓲ ꓟ ꓠꓬ ꓣꓳ ꓟꓲ ꓠꓯ ꓞꓳ ꓤ ꓚꓲꓸ ꓛꓬ ꓡꓰ ꓫꓬꓹ ꓐ ꓡˍ ꓟ ꓟꓽ ꓥ= ꓢꓲ ꓡꓲ ꓟ ꓠꓬ ꓬꓰ-ꓢꓴ ꓗꓪ ꓐꓰ ꓡˍ ꓟ ꓡꓯꓼ ꓫꓴ ꓕꓲ ꓟ ꓥ ꓡꓳ= ꓣꓱꓽ ꓛꓰꓽ ꓡꓯꓼ ꓫꓴ ꓔꓯ ꓘꓳ ꓣꓴꓹ ꓟ꓾ ꓟꓽ ꓘꓳ ꓣꓴ ꓟ꓾ ꓕꓱ ꓟ ꓔꓯ ꓣꓳ ꓢꓲꓺ ꓣꓴ ꓐ ꓡˍ ꓡꓳ= ꓢꓲ ꓒ ꓬꓰ-ꓢꓴ ꓠꓬ ꓣꓳ ꓐꓴ ꓔꓯ ꓢꓲ ꓡꓲ ꓟ ꓣꓱꓽ ꓛꓰꓽ ꓖꓶ ꓠꓹ ꓟ ꓠꓲꓹ ꓡꓶꓽ ꓙꓳˍ ꓡꓳ=  ꓠꓬꓲꓸ ꓠꓬꓲ ꓣꓳ ꓐꓴ ꓠꓬ ꓢꓲꓺ ꓒ ꓡꓰ ꓖꓶ ꓡˍ ꓟ ꓣꓱꓽ ꓛꓰꓽ ꓡꓯꓼ ꓫꓴ ꓔꓯ ꓘꓳꓹ ꓣꓴˍ ꓡ? ꓣꓱꓽ ꓛꓰꓽ ꓡꓯꓼ ꓫꓴ ꓕꓱ ꓟ ꓐꓱ ꓶ ꓣꓳ ꓠꓲꓹ ꓟ ꓔꓯ ꓒꓴ ꓔ ꓡ? ꓐꓯ ꓟ ꓔꓯ ꓓꓵꓽ ꓙ ꓠꓬꓲ ꓠꓹ ꓟ ꓥ ꓡꓳ= ꓬꓰ-ꓢꓴ ꓠꓬ ꓣꓳ ꓐꓴ ꓔꓯ ꓡꓳꓸ ꓠꓬꓹ ꓔꓬ ꓡꓳ꓾ ꓦꓴ ꓠꓬꓹ ꓔꓬ ꓡꓳ=