ꓢꓲ ꓫꓬ ꓕꓳꓽ ꓶ ꓝꓲꓸ (Gospel reading)

ꓬꓳ-ꓦ ꓕꓳꓽ ꓶ 1: 35-42

ꓗ ꓠꓯ ꓕꓲ ꓠꓬꓲ ꓗꓪ ꓬꓳ-ꓦ ꓠꓬ ꓛꓳ ꓒꓯꓹ ꓠꓬꓲꓽ ꓣꓳ_ ꓐꓰ ꓦꓰꓼ ꓞ ꓔꓬ_ ꓡꓳ꓿

ꓖꓳ ꓕꓯ ꓬꓰ-ꓢꓴ ꓙ ꓖꓴ ꓫꓱꓽ ꓗꓳꓸ ꓙꓰ_ ꓟ ꓔꓯ ꓬꓲ ꓡꓳꓸ ꓔ ꓢꓲ꓾ ꓠꓬꓲ ꓠꓹ꓾ ꓪꓴ-ꓢ ꓬꓲ ꓮ ꓣꓳ ꓤ꓾ ꓐꓯ_ ꓡꓳ꓿

ꓬꓲ ꓐꓯ_ ꓟ ꓔꓯ ꓛꓳ ꓒꓯꓹ ꓖꓳ ꓠꓬꓲꓽ ꓣꓳ ꓑ ꓙ ꓗꓷ ꓠꓬ ꓬꓰ-ꓢꓴ ꓔꓯ ꓛꓳ ꓙꓰ_ ꓡꓳ꓿

ꓬꓰ-ꓢꓴ ꓔꓲꓸ ꓒꓳꓹ ꓢꓲ꓾ ꓬꓲ ꓪ ꓛꓳꓻ ꓡ_ ꓟ ꓔꓯ ꓟꓳꓻ ꓗꓷ ꓠꓬ꓾ ꓠꓴ ꓪ ꓮ ꓫꓵꓽ ꓧꓪ_ ꓡꓳꓺꓽ꓾ ꓐꓯ_ ꓡꓳ꓿ ꓖꓳ ꓡꓱ ꓠꓬ ꓬꓲ ꓪ ꓡꓰ꓾ ꓣ-ꓐꓲꓳ꓾ ꓠꓴ ꓮ ꓡꓲ ꓗꓪ ꓔꓬ_ ꓡꓳꓺꓽ꓾ ꓐꓯ_ ꓡꓳ꓿ (ꓣ-ꓐꓲ ꓐꓯ_ ꓟ ꓡꓶꓸ ꓓꓳ ꓡ_ ꓠꓬ꓾ ꓟꓸ ꓒ ꓐꓯ_ ꓟ ꓥ ꓡꓳ)꓿

ꓬꓲ ꓡꓰ ꓬꓲ ꓪ ꓔꓯ꓾ ꓡꓯ꓾ ꓖꓳ ꓡꓱ ꓠꓬ ꓠꓴ ꓪ ꓟꓳ_ ꓥꓳ꓾ ꓐꓯ_ ꓡꓳ꓿ ꓬꓲ ꓪ ꓡ ꓢꓲ꓾ ꓬꓲ ꓔꓬ ꓖꓴ ꓟꓳ_ ꓡꓳ꓿ ꓖꓳ ꓕꓲꓽ ꓠꓬꓲ ꓠꓬ ꓬꓲ ꓪ ꓬꓲ_ ꓐꓰ ꓕꓲ ꓪꓺꓼ ꓔꓬ_ ꓡꓳ꓿ ꓖꓳ ꓕꓯ ꓠꓬ ꓮꓽ ꓡ ꓡꓲ ꓙꓵꓹ ꓛꓲ ꓙꓳ_ ꓡꓳ꓿

ꓬꓳ-ꓦ ꓫ ꓕꓱ_ ꓟ ꓑ ꓙꓽ ꓢꓲ ꓬꓲ ꓔꓯ ꓛꓳ ꓙꓰ_ ꓟ ꓖꓳ ꓠꓬꓲꓽ ꓣꓳ ꓗꓪ ꓟ ꓕꓲ ꓣꓳ ꓠꓬ꓾ ꓢꓲ-ꓟꓴ ꓒꓲ-ꓕꓱ ꓬꓲ ꓠꓬꓲ ꓤ ꓯꓹ-ꓓꓱ-ꓣꓴ ꓥ ꓡꓳ꓿

 

ꓬꓳ-ꓦ ꓕꓳꓽ ꓶ 1: 41 ꓬꓲ ꓠꓬ ꓬꓲ ꓮ ꓬꓲꓼ ꓢꓲ-ꓟꓴ ꓔꓯ ꓧꓶꓸ ꓕꓯ ꓧꓪ ꓟꓶ ꓢꓲ ꓬꓲ ꓔꓯ꓾ ꓥꓪ ꓠꓴꓽ ꓠꓽ ꓟꓲ-ꓢ-ꓬ ꓔꓯ ꓧꓪ ꓟꓶ ꓡꓰꓳ꓾ ꓐꓯ_ ꓡꓳ꓿ (ꓟꓲ-ꓢ-ꓬ ꓐꓯ_ ꓟ ꓡꓶꓸ ꓓꓳ ꓡ_ ꓠꓬ꓾ ꓙꓲ-ꓢꓴ ꓐꓯ_ ꓟ ꓥ ꓡꓳ)꓿

ꓬꓳ-ꓦ ꓕꓳꓽ ꓶ 1: 42 ꓬꓲ ꓠꓬ ꓬꓲ ꓮ ꓬꓲꓼ ꓢꓲ-ꓟꓴ ꓔꓯ ꓬꓰ-ꓢꓴ ꓔꓬ ꓗꓪ ꓧꓳꓽ ꓡ_ ꓡꓳ꓿ ꓬꓰ-ꓢꓴ ꓬꓲ ꓔꓯ ꓡꓳꓸ ꓔ ꓢꓲ꓾ ꓠꓴ ꓠꓬ ꓬꓳ-ꓦ ꓬꓲ ꓮ ꓐꓲ ꓢꓲ-ꓟꓴ ꓥ ꓡꓳ꓿ ꓠꓴ ꓔꓯ ꓠꓬ ꓗꓷ-ꓒ ꓟꓬꓱꓺ ꓖꓶ_ ꓥꓳ꓾ ꓐꓯ_ ꓡꓳ꓿ (ꓗꓷ-ꓒ ꓐꓯ_ ꓟ ꓡꓶꓸ ꓓꓳ ꓡ_ ꓠꓬ꓾ ꓒꓲꓹ-ꓕꓱ ꓐꓯ_ ꓟ ꓥ ꓡꓳ)꓿

Top of Form

Bottom of Form

 

 

Add new comment

2 + 18 =