ꓢꓲ ꓫꓬ ꓕꓳꓽ ꓶ ꓝꓲ.

#creditphoto #John the Baptism #rvalisu

                                   ꓬꓳ-ꓦ ꓕꓳꓽ ꓶ 1: 6-8, 19-28

 ꓪꓴ-ꓢ ꓡꓰ ꓝꓲ ꓩꓴ ꓡ_ ꓟ ꓡ ꓞꓳ ꓕꓲ ꓣꓳ ꓛꓲ ꓡ_ ꓡꓳ꓿ ꓬꓲ ꓟꓬꓱꓺ ꓠꓬ ꓬꓳ-ꓦ ꓥ ꓡꓳ꓿

ꓮ ꓙꓵ ꓢꓴ ꓠꓬ ꓬꓲ ꓐꓯ ꓘꓶ ꓗꓪ ꓐꓰ ꓙꓵꓻ ꓠꓹ ꓟ꓾ ꓬꓲ ꓠꓬ ꓗꓸ ꓚꓵ ꓬꓰ ꓢꓲ꓾ ꓠꓬꓲ-ꓟꓳ-ꓓꓴ ꓐꓱ ꓶ ꓢꓷ ꓙ ꓟꓳ ꓙ_ ꓐꓰ ꓡ_ ꓡꓳ꓿

ꓬꓲ ꓠꓽ ꓠꓬꓲ-ꓟꓳ-ꓓꓴ ꓖꓳ ꓟ ꓟꓽ ꓥ꓿ ꓖꓳ ꓡꓱ ꓥ_ ꓟꓲ ꓠꓬꓲ-ꓟꓳ-ꓓꓴ ꓖꓳ ꓟ ꓐꓱ ꓶ ꓢꓷ ꓙ ꓟꓳ ꓙ ꓠꓹ ꓟ ꓡ_ ꓡꓳ꓿

ꓬꓴ-ꓔ ꓡ ꓞꓳ ꓐꓴ ꓡꓰ ꓙꓱ-ꓣꓴ-ꓢ-ꓡꓱ ꓗꓪ ꓐꓰ ꓔꓲ ꓒ ꓐꓴ_ ꓐꓰ ꓡꓱ-ꓬꓲ ꓡ ꓞꓳ ꓐꓴ ꓔꓯ ꓬꓳ-ꓦ ꓔꓬ ꓗꓪ ꓝꓲ ꓩꓴ ꓡ ꓢꓲ꓾ ꓠꓴ ꓠꓬ ꓮ ꓟ ꓥ ꓡꓳꓺꓽ꓾ ꓐꓰ ꓬꓲ ꓔꓯ ꓠ ꓠꓬꓲ_ ꓕꓯ꓾ ꓬꓳ-ꓦ ꓕꓱ ꓡꓱ ꓢꓷ ꓙ ꓟꓳ ꓙ_ ꓡꓳ꓾

ꓬꓲ ꓠꓬ ꓟꓽ ꓑꓲꓸ ꓑꓲꓸ ꓔꓱꓹ ꓔꓱ_ ꓐꓰ ꓣꓷꓠꓸ ꓢꓲ꓾ ꓥꓪ ꓠꓽ ꓙꓲ-ꓢꓴ ꓟꓽ ꓥ꓾ ꓐꓰ ꓢꓷ ꓙ ꓟꓳ ꓙ_ ꓡꓳ꓿

ꓬꓲ ꓪ ꓡꓰ꓾ ꓖꓳ ꓡꓱ ꓥ ꓠꓬ ꓠꓴ ꓮ ꓟ ꓥ ꓡꓳꓺꓽ꓾ ꓬꓲ-ꓡꓲ-ꓬ ꓥ ꓡꓺꓽ꓾ ꓐꓰ ꓬꓲ ꓔꓯ ꓠ ꓠꓬꓲ_ ꓡꓳ꓿ ꓬꓲ ꓡꓰ꓾ ꓟꓽ ꓥ꓾ ꓐꓯ_ ꓡꓳ꓿ ꓠꓴ ꓠꓬ ꓥꓪ ꓠꓴ ꓡꓳꓸ ꓔꓬ_ ꓟ ꓟꓷ ꓠꓷꓹ ꓝ ꓢꓴ ꓖꓳ ꓕꓲ ꓣꓳ ꓥ ꓡꓺꓽ꓾ ꓐꓯ_ ꓡꓳ꓿ ꓬꓲ ꓠꓬ꓾ ꓟꓽ ꓥ꓾ ꓐꓰ ꓒꓳꓹ ꓖꓶ_ ꓡꓳ꓿

ꓖꓳ ꓡꓱ ꓠꓬꓲ ꓬꓲ ꓪ ꓡꓰ ꓬꓲ ꓔꓯ꓾ ꓥꓪ ꓠꓴꓽ ꓔꓯ ꓝꓲ ꓩꓴ ꓡ ꓢꓴ ꓔꓯ ꓕꓲ ꓘꓶꓽ ꓐꓯ ꓒꓳꓹ ꓖꓶ ꓠꓹ ꓟ꓾ ꓠꓴ ꓠꓬ ꓮꓽ ꓟ ꓥ ꓡꓳꓺꓽ꓿ ꓠꓴ ꓚꓲ ꓛꓬ ꓔꓯ ꓠꓴ ꓮ ꓡꓲ ꓐꓯ ꓡꓳꓺꓽ꓾ ꓐꓯ_ ꓡꓳ꓿

ꓬꓲ ꓡꓰ꓾ ꓥꓪ ꓠꓽ ꓟꓷ ꓠꓷꓹ ꓝ ꓢꓴ ꓬꓲ-ꓢ-ꓬ ꓐꓯ_ ꓟ_ ꓡꓰ ꓐꓰ꓾ ꓢꓲꓺ ꓒ ꓙ ꓖꓴ ꓠꓴ ꓪ ꓔꓱꓹ ꓔꓱꓹꓼ ꓐꓰ ꓫꓬꓹ꓾ ꓐꓰ꓾ ꓡꓲ ꓛꓲ ꓗꓪ ꓡ ꓞꓳ ꓕꓲ ꓣꓳ ꓘꓴꓻ ꓔꓬ ꓟ ꓢꓯꓼ ꓥ ꓡꓳ꓾ ꓐꓯ_ ꓡꓳ꓿

ꓕꓱ ꓕꓲ ꓧꓳꓽ ꓟ ꓠꓽ ꓒ-ꓡꓲ-ꓢꓷ ꓐꓴ ꓡꓰ ꓝꓲ ꓩꓴ ꓡ_ ꓟ ꓥ ꓡꓳ꓿

ꓖꓳ ꓡꓱ ꓠꓬ ꓬꓲ ꓪ ꓬꓲ ꓔꓯ ꓠꓺ ꓠꓬꓲ ꓢꓲ꓾ ꓠꓴ ꓠꓬ ꓙꓲ-ꓢꓴ_ ꓟꓲ ꓟꓽ ꓥ꓾ ꓬꓲ-ꓡꓲ-ꓬ ꓟꓲ ꓟꓽ ꓥ꓾ ꓟꓷ ꓠꓷꓹ ꓝ ꓢꓴ ꓖꓳ ꓕꓲ ꓣꓳ_ ꓟꓲ ꓟꓽ ꓥ ꓠꓬ꓾ ꓠꓴ ꓮ ꓫꓵ ꓪꓴ ꓠꓬꓲ ꓖꓳ ꓓꓱ ꓔꓲꓹ ꓖꓶ_ ꓡꓳꓺꓽ꓾ ꓐꓯ_ ꓡꓳ꓿

ꓬꓳ-ꓦ ꓬꓲ ꓪ ꓔꓯ ꓒꓳꓹ ꓖꓶ ꓢꓲ꓾ ꓥꓪ ꓠꓬ ꓬꓲ ꓙꓬ ꓡꓰ ꓖꓳ ꓓꓱ ꓔꓲꓹ ꓖꓶ_ ꓡꓳ꓿ ꓠꓴ ꓪ ꓟꓽ ꓢꓷꓸ ꓟ ꓕꓲ ꓣꓳ ꓠꓽ ꓠꓴ ꓪ ꓗꓳ ꓡꓳ ꓗꓪ ꓦꓰꓼ ꓞ ꓔꓬ_ ꓡꓳ꓿

ꓬꓲ ꓠꓬ ꓥꓪ ꓗ ꓠꓯ ꓢꓲ ꓗꓪ ꓡ ꓢꓴ ꓥ ꓡꓳ꓿ ꓬꓲ ꓛꓲ ꓠꓲ ꓦꓲ ꓚ ꓒꓶꓻ ꓙ ꓠꓹ ꓟ_ ꓟꓲ ꓥꓪ ꓟꓽ ꓒꓵꓽ꓾ ꓐꓯ_ ꓡꓳ꓿

ꓕꓱ ꓟꓬ ꓙꓰꓽ ꓟ ꓠꓬ ꓬꓳ-ꓔꓹ ꓬꓲꓽ ꓟ ꓖꓳ ꓐꓽ ꓢꓲ ꓐꓱ-ꓕ-ꓠꓲ ꓗꓪ꓾ ꓬꓳ-ꓦ ꓖꓳ ꓓꓱ ꓔꓲꓹ ꓖꓶ ꓖꓴ ꓗꓪ ꓗꓷ ꓡꓰ_ ꓟ ꓥ ꓡꓳ꓿

 

 

Add new comment

1 + 0 =