ꓢꓴ ꓡꓰ ꓠꓴ ꓪ ꓔꓯ ꓮ ꓡꓲ ꓬꓰ ꓖꓶ ꓡ ꓝꓲ ꓠꓲꓹ ꓫꓵˍ ꓠꓬ꓾ ꓠꓴ ꓪˍ ꓟꓲ ꓬꓲ ꓪ ꓔꓯ ꓖꓳ ꓡꓱ ꓬꓰ ꓖꓶ=

ꓟ-ꓕꓲ 7ꓽ6ꓹ12-14

ꓢꓲ ꓒ ꓬꓰ-ꓢꓴ ꓡꓰ ꓬꓲ ꓝꓲ ꓓꓴ ꓐꓴ ꓔꓯ ꓕꓱ ꓡꓱ ꓐꓯ ꓡꓳ= ꓚꓰꓸ ꓔ ꓡꓳ ꓫꓵꓽ ꓠꓬ ꓮ ꓠꓽ ꓔꓯ ꓕꓽ ꓖꓶ= ꓠꓴ ꓪ ꓡꓳ ꓒꓴ ꓡꓴꓸ ꓢꓶꓽˍ ꓟꓲ ꓮ ꓪꓯꓼ ꓟꓲ ꓙꓬ ꓗꓪ ꓕꓽ ꓡꓳ ꓔ= ꓖꓳ ꓡꓱ ꓬꓰˍ ꓠꓬ ꓮ ꓪꓯꓼ ꓠꓽ ꓡꓳ ꓒꓴ ꓡꓴ ꓢꓶꓽ ꓔꓯ ꓕꓳꓼ ꓑꓬꓼ ꓗꓷ ꓢꓲ ꓠꓴ ꓪ ꓔꓯ ꓘꓳꓼ ꓚꓵꓹ ꓡˍ ꓥꓳ=

ꓖꓳ ꓡꓱ ꓠꓬꓲ ꓢꓴ ꓡꓰ ꓠꓴ ꓔꓯ ꓮ ꓡꓲ ꓬꓰ ꓖꓶ ꓡ ꓝꓲ ꓠꓲꓹ ꓫꓵˍ ꓠꓬ ꓠꓴ ꓪˍ ꓟꓲ ꓬꓲ ꓪ ꓔꓯ ꓖꓳ ꓡꓱ ꓬꓰ ꓖꓶ= ꓕꓱ ꓡꓱ ꓬꓰˍ ꓟ ꓠꓬ ꓙꓵꓽ ꓗˍ ꓐꓰ ꓟꓷ ꓠꓷꓹ ꓝꓸ ꓢꓴ ꓟꓸ ꓟꓲꓽ ꓬꓲ ꓧꓷꓹ ꓚ ꓥ ꓡꓳ= 

ꓠꓴ ꓪ ꓠꓬ ꓣꓳꓻˍ ꓟ ꓗ ꓘꓶꓽ ꓗꓪ ꓓꓵꓽ ꓙꓰ= ꓟꓶꓽ ꓬꓰ ꓖꓴ ꓗꓪ ꓙꓰˍ ꓟ ꓗ ꓘꓶꓽ ꓖꓳ ꓕꓲ ꓒꓰꓼ ꓠꓽ ꓦꓲꓺˍ ꓡꓳ= ꓙ ꓖꓴˍ ꓟ ꓪꓴꓽˍ ꓡꓳ= ꓓꓵ ꓙꓰ ꓢꓴˍ ꓟꓲ ꓟꓬꓽ ꓡꓳ= ꓢꓯꓼ ꓟꓬ ꓟꓶ ꓓꓴ ꓗꓪ ꓓꓵꓽ ꓙꓰˍ ꓟ ꓗꓪ ꓗ ꓘꓶ ꓖꓳ ꓕꓲ ꓒꓰꓼ ꓠꓽ ꓣꓳꓺˍ ꓟꓲ ꓣꓳꓺ꓾ ꓙ ꓖꓴˍ ꓟꓲ ꓫꓸ ꓠꓬꓲ꓾ ꓧꓪ ꓟꓶ ꓓꓴ ꓮꓽ ꓟꓬꓹ ꓟꓽ ꓙꓳ꓾ ꓐꓯ ꓡꓳ=