ꓢꓶ, ꓒꓬ ꓑꓶꓺ ꓖꓶˍ ꓟ ꓢꓲ ꓒ ꓦꓬꓼ ꓠꓬꓲ (Palm Sunday Homliy)

         ꓪꓴ‐ꓢ ꓠꓵ ꓠꓲ, ꓠꓬ ꓕꓱ ꓗꓪ ꓫꓬꓽ ꓫꓬ ꓡꓰ ꓟꓳ ꓓ ꓡꓳ꓿ ꓬꓲ. ꓠꓬ ꓣꓳꓽ ꓔꓯ ꓠꓲ, ꓠꓵ, ꓟ ꓑꓶ. ꓓꓴ ꓬꓲ. ꓚꓲ. ꓛꓬ ꓠꓲ, ꓡꓶꓽ ꓐꓰ ꓣꓳꓽ ꓔꓯ ꓫꓴ ꓣꓴ ꓠ, ꓟ ꓐꓱ ꓶ ꓗ, ꓛꓲ ꓛꓲ ꓡꓰ ꓡˍ ꓡꓳ꓿ ꓬꓲ. ꓙꓰ‐ꓣꓴ‐ꓢ‐ꓡꓱ ꓗꓪ ꓓꓵꓽ ꓙꓰˍ ꓕꓯ ꓞꓳ ꓤ ꓮ ꓟꓬ, ꓠꓬ ꓬꓲ. ꓔꓯ ꓧꓳ‐ꓢ‐ꓠ ꓐꓯ ꓢꓲ ꓛꓵ ꓣꓴˍ ꓡꓳ꓿ ꓞꓳ ꓤ ꓮ ꓟꓬ ꓠꓬ ꓬꓲ. ꓔꓯ ꓡꓯ ꓗꓪꓺ ꓓꓶꓽ ꓢꓲ ꓘꓳ ꓣꓴˍ ꓡꓳ꓿ ꓖꓳ ꓡꓱ ꓐꓯ ꓥˍ ꓟꓲ ꓖꓳ ꓡꓱ ꓘꓳ ꓣꓴˍ ꓟ ꓠꓬ ꓮ ꓘꓶ. ꓟꓽ ꓟꓶ ꓫꓵꓺ ꓕꓯ ꓠꓬ ꓬꓲ. ꓔꓯ ꓡꓯ ꓐꓳ ꓔꓶ. ꓓꓴ ꓕꓯ ꓢꓰꓼ ꓗꓷ ꓠ, ꓟ ꓬꓲ. ꓢꓯꓼ ꓒꓬꓱꓼ ꓙꓰˍ ꓟ ꓔꓯ ꓣꓳꓽ ꓢꓷ. ꓡꓳ꓿ ꓞꓳ ꓤ ꓠꓲ, ꓟ ꓠꓬ ꓕꓲꓽ ꓑ, ꓤ ꓡꓰ ꓥꓳ꓿ ꓝꓮꓲ꓾ ꓢꓲ ꓒ ꓠꓬ ꓣꓳꓽ ꓔꓯ ꓮ ꓡꓰ ꓘꓶ ꓛꓲ ꓠꓲ, ꓠꓵˍ ꓥ ꓐꓯ ꓟ ꓣꓳꓽ ꓓꓵꓽ ꓙ ꓡꓰ. ꓓꓵꓽ ꓙ ꓟꓽ ꓐ, ꓡ꓿ ꓬꓲ. ꓠꓬ ꓣꓳ ꓐꓱ ꓶ ꓫꓵꓻ ꓠ, ꓟ ꓙꓰ ꓡꓳ꓿ ꓬꓲ. ꓠꓬ ꓬꓲ. ꓙꓳˍ ꓟ ꓮ ꓙꓵꓽ ꓔꓯ ꓖꓶꓽ ꓗꓷꓳ꓿ ꓕꓱ ꓟ ꓕꓯ ꓢꓲ ꓗꓪ ꓬꓲ. ꓣꓳ ꓔꓯ ꓖꓶꓽ ꓠ. ꓫꓵ ꓟꓽ ꓙꓳ꓿ ꓬꓲ. ꓠꓬ ꓬꓲ. ꓙꓳˍ ꓟ ꓮ ꓙꓵꓽ꓾ ꓬꓲ. ꓖꓳ ꓓꓱ ꓣꓳ ꓔꓯ ꓖꓶꓽ ꓗꓷꓳ꓿ ꓖꓳ ꓡꓱ ꓠꓬꓲ ꓣꓳꓽ ꓥˍ ꓟꓲ ꓕꓱ ꓘꓶ ꓛꓲ ꓪꓴˍ ꓟ ꓠꓵ ꓠꓲ, ꓔꓯ ꓮ ꓡꓰ ꓐꓰ ꓒꓳ, ꓖꓶꓽ ꓠꓯ ꓡ? ꓣꓳꓽ ꓠꓬ ꓬꓲ. ꓔꓯ ꓟꓽ ꓠꓲ, ꓠꓵ ꓕꓯ ꓣꓳꓽ ꓟꓽ ꓙꓲ ꓠꓯ ꓟ ꓗꓷ ꓡꓰ ꓥꓳ ꓟꓽ ꓥ ꓡ?꓿ ꓖꓳ ꓡꓱ ꓠꓬꓲ ꓣꓳꓽ ꓓꓵꓽ ꓙ ꓠꓬꓲ ꓡ? ꓣꓳꓽ ꓬꓲ. ꓔꓯ  ꓮ ꓡꓰ ꓐꓰ ꓠꓲ, ꓠꓵ ꓡ?