ꓢꓷ. ꓠꓲ, ꓙꓳ ꓒꓽ ꓐꓴ ꓢꓲꓺ ꓒ ꓬꓰ‐ꓢꓴ ꓔꓯ ꓪꓴ. ꓓꓵ ꓕꓱꓼ ꓡˍ ꓟ (Sunday reflection)

ꓢꓷ. ꓠꓲ, ꓙꓳ ꓒꓽ ꓐꓴ ꓢꓲꓺ ꓒ ꓬꓰ‐ꓢꓴ ꓔꓯ ꓪꓴ. ꓓꓵ ꓕꓱꓽ ꓡ ꓟ 

ꓪ ꓔꓲ ꓡꓰ ꓕꓱ ꓡꓱ ꓐꓯ ꓖꓶꓽ ꓗꓷ ꓠꓬ ꓬꓲ ꓪꓽ ꓙꓰˍ ꓡꓳ꓿ ꓐꓶꓽ ꓓꓳ ꓟꓵꓽ ꓗꓪ ꓬꓲ ꓪꓽ ꓟꓳꓻˍ ꓟ ꓗꓴ ꓤ ꓖꓳ ꓕꓲ ꓢꓶꓽ ꓠꓬ ꓬꓲ ꓪꓽ ꓟꓲꓽ ꓕꓯꓽ ꓢꓲ ꓗꓪ ꓙꓰ ꓢꓲ꓾ ꓤ ꓠꓱ ꓤ ꓔꓬ ꓖꓴ ꓕꓯꓽ ꓢꓲ ꓗꓪ ꓛꓲ ꓬꓰ ꓠꓬ ꓠꓽ ꓡꓰꓳ꓿  ꓗꓴ ꓤ ꓖꓳ ꓟ ꓔꓯ ꓬꓲ ꓪꓽ ꓟꓳꓻ ꓗꓷ ꓠꓬ ꓮꓸ ꓓꓲꓽ ꓗꓹ ꓛꓲˍ ꓡꓳ꓿  ꓦꓲ ꓗꓪ ꓓꓵꓽ ꓡꓰ ꓢꓲ ꓤ ꓠꓱ ꓤˍ ꓐꓰ ꓬꓲ ꓟꓹ ꓟ ꓟ-ꓡꓲ ꓔꓯ ꓟꓳꓻ ꓗꓷ ꓠꓬ꓾ ꓟꓳꓼ ꓔ ꓢꓲ ꓬꓰ-ꓢꓴ ꓔꓯ ꓪꓴꓸ ꓓꓵ ꓕꓱꓼˍ ꓡꓳ꓿ ꓬꓲ ꓪꓽ ꓠꓬ ꓒꓵꓽˍ ꓟ ꓖꓴꓽ ꓙꓴ ꓟꓰꓹ ꓓꓳ ꓡ ꓢꓲ꓾ ꓫꓵꓺˍ ꓐꓰ ꓫꓳꓺ ꓠꓱ ꓟ ꓢꓲꓹ ꓜꓲꓽˍ ꓐꓰ ꓟꓴ-ꓬ ꓣꓴ ꓢꓲ ꓠꓬꓲ ꓬꓲ ꓔꓯ ꓡꓯꓼ ꓫꓴ ꓔꓲ ꓖꓶˍ ꓡꓳ꓿  ꓖꓳ ꓡꓱ ꓥ ꓟꓲ ꓩꓴ-ꓡꓲ ꓔꓯ ꓟꓽ ꓐꓯ ꓖꓶ ꓬꓰ ꓝꓲ ꓠꓹ ꓟ꓾ ꓬꓲ ꓪꓽ ꓬꓲꓼ ꓟꓬ ꓘꓳˍ ꓗꓪ ꓪꓴ-ꓢ ꓡꓰ ꓙꓳ ꓗꓽ ꓗꓷ ꓠꓬꓲ꓾ ꓢꓷꓸ ꓠꓲꓹ ꓙꓳ ꓒꓽ ꓐꓴ ꓠꓬ ꓠꓱꓸ ꓐꓯꓼ ꓕꓲ ꓚꓱꓹ ꓗꓪ ꓐꓰ ꓚꓲꓸ ꓛꓬ ꓟꓵꓽ ꓗꓪ ꓬꓲꓼ ꓙꓰˍ ꓡꓳ꓿

ꓠꓬꓲ. ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓣꓳ ꓔꓯ ꓟ. ꓖꓶ ꓡ ꓟ ꓠꓬ ꓪ ꓔꓲ ꓢꓽ ꓣꓳ ꓡꓰ ꓐꓰ ꓢꓲꓺ ꓒ ꓬꓰ‐ꓢꓴ ꓔꓯ ꓧꓪ ꓠ, ꓟ ꓣꓳ ꓔꓯ ꓟ. ꓖꓶ ꓡ ꓟ ꓥ ꓡꓳ꓿ ꓗꓳ. ꓟ ꓙꓵ, ꓔꓯ ꓣꓳ ꓘꓳ ꓣꓴ ꓟꓶ ꓔ ꓟ ꓣꓱ ꓚꓰ ꓡꓯ ꓫꓴꓻ ꓔꓯ ꓢꓲꓺ ꓒ ꓔꓯ ꓔꓲ ꓖꓶ ꓗꓷ ꓡ ꓐꓰ ꓣꓳ ꓓꓴ ꓙ ꓠ, ꓟ ꓣꓳ ꓔꓯ ꓟ. ꓖꓶ ꓡ ꓟ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓔꓯ ꓣꓳ ꓠꓯ ꓗꓪ ꓙꓳ ꓟ ꓮ ꓘꓶ. ꓒꓴ ꓟ ꓣꓱ ꓚꓰ ꓡꓯ ꓫꓴꓻ ꓔꓯ ꓬꓲ. ꓔꓯ ꓖꓶ ꓠ, ꓟ ꓐꓰ ꓢꓲꓺ ꓒ ꓬꓰ‐ꓢꓴ ꓔꓯ ꓧꓪ ꓠ, ꓟ ꓣꓳ ꓢꓯꓼ ꓕꓵꓼ ꓢꓲ ꓠꓬꓲ ꓢꓯ. ꓔꓬ ꓓꓴ ꓬꓰ ꓡꓯ꓿ ꓫ. ꓟꓳ꓿