ꓢ-ꓚꓬ-ꓡꓲ-ꓬ ꓠꓬ ꓪꓴ-ꓢ ꓔꓯ ꓫꓱꓸ ꓖꓶˍ ꓟ

ꓖꓳ ꓡꓱ ꓠꓬ ꓬꓲ ꓐꓹ ꓐ ꓢ-ꓚꓬ-ꓡꓲ-ꓬ ꓔꓯ ꓢꓲ-ꓫꓬ-ꓟ-ꓦ ꓡꓰ ꓐꓲꓺ ꓡꓰ ꓢꓲ꓾ ꓟꓷ ꓠꓷꓹ ꓝꓸ ꓢꓲ ꓠꓬꓲ ꓕꓱ ꓡꓱ ꓐꓯ ꓡꓳ꓾
ꓬꓲ-ꓢꓷ-ꓡꓰ ꓐꓴ ꓣꓳ ꓢꓲꓺ ꓒ ꓪꓴ-ꓢ ꓔꓯ ꓫꓱꓸ ꓖꓶ꓾ ꓮ ꓡꓲꓳ ꓐꓯ ꓠꓬ ꓬꓲ ꓠꓽ ꓬꓲ ꓑ ꓫꓬ ꓐꓴ ꓔꓯ ꓔꓱꓹ ꓠꓬꓲ ꓡꓻꓳ꓿ ꓬꓲ ꓪ ꓐꓱ ꓶ ꓫꓴꓹ ꓣꓴ_ ꓟ ꓟꓬꓱꓽ ꓬꓰ ꓗꓷꓳ꓿
ꓮ ꓠꓱ ꓕꓯ ꓡꓰ ꓢꓲꓺ ꓒ ꓬꓲ ꓢꓲ ꓫꓬ_ ꓟ ꓟꓷ ꓠꓷꓹ ꓝ ꓢꓴ ꓗꓪ ꓐꓰ ꓐꓯ_ ꓟ_ ꓡꓰ ꓐꓰ꓾ ꓣꓳ ꓔꓯ ꓛꓴꓽ ꓙꓳ ꓢꓴ ꓡꓯ ꓒꓯꓹ ꓗꓪ ꓐꓰ ꓣꓳ ꓔꓯ ꓚꓬꓴ ꓓꓳ ꓡ ꓠꓹ ꓟ꓾ ꓣꓳ ꓔꓯ ꓠꓲꓹ ꓜꓳ ꓢꓴ ꓔꓯ ꓐꓰ ꓣꓴ ꓓꓳ ꓡ ꓠꓹ ꓟ꓾ ꓣꓳ ꓒꓵꓽ ꓒ ꓐꓴ ꓔꓯ ꓖꓶ ꓙ ꓟꓳ_ ꓟ ꓫꓱꓸ ꓤ_ ꓟ ꓔꓯ ꓬꓰ ꓐꓲ ꓡ ꓠꓹ ꓟ꓾ ꓬꓲ ꓢꓲ ꓫꓬ_ ꓟ ꓘꓶꓽ ꓫꓵ ꓔꓯ ꓓꓵ ꓙ ꓛꓲ ꓡ ꓝꓲ ꓠꓹ ꓟ꓾ ꓬꓲ ꓔꓯ ꓣꓱꓽ ꓙ ꓢꓴ ꓓ-ꓪꓵ ꓦꓲꓻ ꓗꓪ꓾ ꓣꓳ ꓐꓱ ꓶ ꓢꓯꓼ ꓟꓬ ꓝꓸ ꓓꓴ ꓪꓴꓸ ꓛꓲ ꓕꓲ ꓗꓸ ꓓꓳ ꓡ ꓝꓲ_ ꓡꓳ꓿
ꓮ ꓡꓲꓳ ꓐꓯ ꓠꓬ ꓬꓲ ꓡꓰ ꓣꓳ ꓒꓵꓽ ꓒ ꓮ-ꓐ-ꓡ-ꓦ ꓔꓯ ꓬꓲ ꓖꓳ ꓡꓱ ꓖꓶ ꓙ ꓟꓳ_ ꓡꓳ꓿ ꓣꓳ ꓔꓯ ꓛꓴꓽ ꓙꓳ ꓢꓴ ꓡꓯ ꓒꓯꓹ ꓗꓪ ꓐꓰ ꓣꓳ ꓔꓯ ꓚꓬꓴ ꓓꓳ ꓡ ꓢꓲ꓾ ꓣꓳ ꓙꓳꓻ ꓔꓬ_ ꓟ ꓦꓬꓼ ꓠꓬꓲ ꓥ ꓕ ꓑꓳ ꓗꓪ꓾ꓢꓲ ꓫꓬ ꓠꓲꓹ_ ꓐꓰ ꓙꓲ ꓫꓬ ꓠꓲꓹ ꓡꓰ ꓬꓲ ꓟꓲꓽ ꓙꓬ ꓗꓪ ꓟꓽ ꓙꓳꓺ ꓙꓳꓺ ꓬꓲ ꓔꓯ ꓣꓱꓽ ꓙ ꓝꓲ ꓠꓹ ꓟ꓾ ꓬꓲ ꓡꓰ ꓮ-ꓐ-ꓡ-ꓦ ꓔꓯ ꓙ ꓟꓳ_ ꓡꓳ꓿

ꓤ ꓠꓱ ꓤꓽꓳ꓾ ꓠꓴ ꓔꓯ ꓠꓬ ꓟꓴ-ꓡꓳꓹ-ꓬꓰ-ꓢꓴ ꓬꓲ ꓟꓷ ꓠꓷꓹ ꓝꓸ ꓢꓴ꓾ ꓐꓰ ꓘꓴ_ ꓥꓳ꓿ ꓠꓴ ꓠꓬ ꓢꓲꓺ ꓒ ꓙ ꓖꓴ ꓙꓽ ꓖꓶ ꓠꓹ ꓟ ꓬꓲ ꓟꓲꓽ ꓕꓯ ꓢꓲ ꓗꓪ ꓙꓰ_ ꓥꓳ꓿

ꓝꓮꓲ ꓠꓬ ꓬꓲ ꓑ ꓫꓬ ꓐꓴ ꓝꓴꓲ ꓖꓽ ꓖꓶ ꓟꓶ_ ꓟ ꓗꓪ ꓐꓰ꓾ ꓬꓲ ꓪ ꓔꓯ ꓢꓯꓼ ꓟꓬ ꓝ_ ꓟ ꓣꓱ ꓛꓰ ꓢꓷ ꓡꓰ ꓝꓲ_ ꓥꓳ꓿

ꓮ ꓡꓲꓳ ꓐꓯ ꓠꓬ ꓣꓳ ꓪꓴ-ꓢ ꓬꓲ ꓠꓲꓹ ꓙ ꓟꓬ ꓗꓳ_ ꓟ ꓗꓪ ꓐꓰ꓾ ꓟꓲꓽ ꓕꓯ ꓫꓬꓽ_ ꓟ ꓠꓬꓲ ꓟꓳ ꓓꓴ ꓠꓬ ꓠꓯ ꓞꓲ_ ꓟ_ ꓐꓰ ꓫꓵꓻ ꓶꓻ ꓥꓳ ꓗꓪ ꓠꓬꓲꓸ ꓠꓸ ꓔꓬ ꓢꓴ ꓔꓯ ꓡꓬꓸ ꓖꓶ ꓡ ꓠꓹ ꓟ꓾ ꓣꓳ ꓛꓲ ꓒꓯ ꓔꓯ_ ꓟꓲ ꓢꓲ ꓡꓲ_ ꓟ ꓙ ꓖꓴ ꓗꓪ ꓧꓳꓽ ꓙꓰ ꓖꓶ ꓠꓹ ꓟ꓾ ꓟꓴ ꓗꓪ ꓗꓪ ꓐꓰ ꓣꓳ ꓔꓯ ꓣꓳꓺ ꓖꓶ ꓡ_ ꓡꓳ꓾ ꓐꓯ_ ꓡꓳ꓿

Add new comment

4 + 1 =