Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓣꓳꓸˍ ꓟ ꓗ ꓘꓶꓽ ꓗꓪ ꓓꓵꓽ ꓙꓰ ꓠꓹ ꓟ ꓢꓯꓼ ꓕꓵꓼ
Saturday, August 20, 2022
ꓠꓲꓹ ꓠꓵ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓣꓳꓸˍ ꓟ ꓗ ꓘꓶꓽ ꓗꓪ ꓓꓵꓽ ꓙꓰ ꓠꓹ ꓟ ꓢꓯꓼ ꓕꓵꓼ ꓠ ꓗˍ ꓡꓳ= ꓢꓲ ꓒ ꓬꓰ-ꓢꓴ ꓔꓯ ꓡ ꓞꓳ ꓕꓲꓽ ꓣꓳ ꓕꓱ ꓡꓱ ꓠ ꓠꓬꓲˍ ꓡꓳ= ꓟꓴ ꓗꓪ ꓗꓴꓷꓼ ꓗꓪ ꓓꓵꓽ ꓙꓰ ꓢꓴ ꓟꓬꓽˍ ꓡ ꓠꓲꓸ ꓡ ꓐꓯ ꓠ ꓠꓬꓲꓸ ꓡꓳ= ꓢꓲ ꓒ ꓬꓰ-ꓢꓴ ꓡꓰ ꓣꓳꓸˍ ꓟ ꓗ ꓘꓶꓽ ꓗꓪ ꓓꓵꓽ ꓙꓰ ꓠꓹ ꓟ ꓢꓯꓼ ꓕꓵꓼ ꓐꓰ ꓐꓯ ꓖꓶꓽ ꓡꓳ= ꓢꓲ ꓒ ꓐꓯ ꓠꓲꓹ ꓫꓵˍ ꓟ ꓠꓬ ꓟꓴ ꓗꓪ ꓗꓴꓷꓼ ꓗꓪ ꓓꓵꓽ ꓙꓰ ꓢꓴ ꓠꓬ ꓮ ꓘꓶꓸ ꓟꓽ ꓙꓳ꓾ ꓖꓳ ꓡꓱ ꓠꓬꓲ ꓠꓴ ꓪ ꓐꓴ ꓢꓯꓼ ꓕꓵꓼ ꓐꓰ ꓐꓯ ꓟ ꓥ ꓡꓳ= ꓟꓴ ꓗꓪꓺ ꓗꓴꓷꓼ ꓠꓬ ꓚꓵꓺ ꓚꓵꓺ ꓣꓳꓸ ꓡꓳ= ꓖꓳ ꓡꓱ ꓠꓬꓲ ꓠꓲꓹ ꓟ ꓪꓴꓽˍꓟ꓾ ꓢꓴ ꓔꓯ ꓡꓳꓸ ꓟ ꓟꓵꓽ ꓬꓰ ꓟ꓾ ꓟꓽ ꓢꓲꓽ ꓟꓽ ꓫꓬ ꓟ꓾ ꓝꓮꓲ꓾ ꓦꓯꓸ ꓠꓲ ꓙꓵꓽˍ ꓟ ꓮ ꓙꓵꓽ ꓠꓬ ꓮ ꓟꓴ ꓟꓴ ꓗ ꓟ ꓑꓶꓸ ꓓꓴ ꓣꓳꓸ ꓟ ꓟꓴ ꓗꓪ ꓗꓴꓷꓼ ꓗꓪ ꓓꓵꓽ ꓙꓰ ꓟꓽ ꓐ ꓡ= ꓖꓳ ꓡꓱ ꓥˍ ꓟꓲ ꓣꓳꓽ ꓓꓵꓽ ꓙꓰ ꓟꓽ ꓐ ꓡ ꓐꓯ ꓟ ꓠꓬ ꓒꓬꓱꓼ ꓡ ꓟꓽ ꓓ ꓐꓰ ꓐꓯ ꓫꓵꓽ ꓟꓽ ꓥ ꓥ ꓐꓰ ꓪꓴ-ꓢ ꓣꓱꓽ ꓛꓰꓽ ꓗꓪ ꓐꓰ ꓠꓬ ꓒꓬꓱꓼ ꓡ ꓓ ꓡꓳ ꓐꓰ ꓐꓯ ꓟ ꓥ ꓡꓳ= ꓮ ꓙꓵꓽ ꓠꓬ ꓣꓱꓽ ꓛꓰꓽ ꓥˍ ꓡꓳ= ꓬꓮꓳꓸ ꓚꓲˍ ꓟ ꓠꓬ ꓙ ꓣꓳꓽ ꓟ ꓠꓲꓹ ꓟ꓾ ꓢꓲ ꓒ ꓔꓯ ꓠꓲꓹ ꓠꓵ ꓗꓴꓸ ꓟ ꓠꓲꓹ ꓟ꓾ ꓢꓲ ꓒ ꓔꓯ ꓦ ꓡꓱ ꓐꓳꓸ ꓟ ꓠꓲꓹ ꓟ ꓡꓰ ꓙꓳˍ ꓠꓬ ꓮ ꓙꓵꓽ ꓒꓬꓱꓼ ꓡ ꓓ ꓡꓳ ꓐꓰ꓾ ꓠꓬꓲꓸ ꓠꓬꓲꓸ ꓟꓸ ꓟꓲꓽ ꓗꓪ ꓐꓰ ꓣꓳꓽ ꓔꓯ ꓐꓯ ꓟꓳꓸ ꓖꓶꓽ ꓩꓴ ꓡ ꓟ ꓥ ꓡꓳ=
Subscribe
Sign up to our newsletter and get latest news and updates straight to your inbox!
Download RVA App
Add new comment