ꓤ ꓟꓶ ꓝꓱ ꓑꓮꓲ ꓔꓯ ꓥꓳꓽ

ꓟ-ꓕꓲ ꓕꓳꓽ ꓶ 22: 1-15

ꓬꓰ-ꓢꓴ ꓠꓬ ꓝꓮꓲ ꓔꓯꓺ ꓥꓳ ꓣꓱꓽ ꓢꓲ ꓬꓲ ꓪ ꓔꓯ ꓐꓯ_ ꓡꓳ ꓟꓴ ꓗꓪ ꓗꓴꓷ ꓠꓬ꓾ ꓪ ꓔꓲ ꓕꓲ ꓣꓳ ꓡꓰ ꓬꓲ ꓤꓽ ꓐꓱ ꓶ ꓤ ꓟꓶꓻ ꓚꓱ_ ꓟ ꓑꓮꓲ ꓕꓲ ꓟ ꓬꓰ_ ꓟ_ ꓡꓰ ꓐꓰ ꓗ_ ꓡꓳ꓿

ꓤ ꓟꓶ ꓚꓱ_ ꓟ ꓑꓮꓲ ꓬꓰ_ ꓐꓰ ꓘꓴꓻ ꓔ_ ꓟ ꓖꓳ ꓕꓲ ꓧꓳꓽ ꓔꓯ ꓘꓴ ꓬꓰ ꓠꓹ ꓟ꓾ ꓬꓲ ꓚꓳ ꓑ ꓐꓴ ꓔꓯ ꓝꓲ ꓩꓴ ꓗꓷ ꓠꓬ꓾ ꓘꓴꓻ ꓔ_ ꓟ ꓖꓳ ꓕꓲ ꓧꓳꓽ ꓠꓽ ꓡ ꓠꓲꓹ ꓟꓽ ꓫꓵ꓿

ꓪ ꓔꓲ ꓠꓬ ꓚꓳ ꓑ ꓬꓲ ꓔꓱ ꓬꓲ ꓕꓲ ꓧꓳꓽ ꓔꓯ ꓝꓲ ꓩꓴ ꓗꓷ ꓢꓲ ꓕꓱ ꓡꓱ ꓐꓯ_ ꓡꓳ꓾ ꓠꓴ ꓪ ꓠꓬ ꓘꓴ ꓔ_ ꓟ ꓡ ꓞꓳ ꓔꓯ꓾ ꓠ ꓠꓹ ꓔ꓾ ꓥꓪ ꓑꓮꓲ ꓙꓽ ꓖꓶ ꓔ_ ꓡꓳ꓿ ꓥꓪ ꓮꓸ ꓠꓬꓲꓽ_ ꓐꓰ ꓞꓶꓻ_ ꓟ ꓙꓱꓽ ꓤ ꓢꓰꓼ ꓗꓷꓳ꓿ ꓮ ꓫꓵ_ ꓟꓲ ꓬꓰ ꓔ ꓖꓴ ꓡꓰꓳ꓿ ꓠꓴ ꓪ ꓠꓬ ꓤ ꓟꓶ ꓚꓱ_ ꓟ ꓑꓮꓲ ꓗꓪ ꓡꓯ꓾ ꓐꓯ ꓖꓶ꓾ ꓐꓯ_ ꓡꓳ꓿

ꓖꓳ ꓡꓱ ꓥ_ ꓟꓲ ꓬꓲ ꓪ ꓟꓽ ꓒꓵꓽ ꓢꓲ꓾ ꓟꓲ ꓚꓱꓹ ꓗꓪ ꓟꓲ ꓙꓰ_ ꓡꓳ꓿ ꓕꓲ ꓣꓳ ꓠꓬ ꓚꓲ ꓛꓬ ꓦꓻ ꓟꓲ ꓗꓪ ꓙꓰ_ ꓡꓳ꓿ ꓕꓲ ꓣꓳ ꓠꓬ ꓶꓻ ꓡꓯ ꓟꓴ ꓙꓰ_ ꓡꓳ꓿

ꓜꓰꓻ ꓡꓰ ꓢꓴ ꓠꓬ ꓚꓳ ꓑ ꓐꓴ ꓔꓯ ꓣꓴ ꓢꓲ꓾ ꓫꓸ ꓔꓳ ꓫꓸ ꓒꓯꓼ ꓬꓰ ꓖꓶ ꓢꓲ ꓠꓬꓲ꓾ ꓬꓲ ꓪ ꓔꓯ ꓢꓰꓼ ꓗꓷ_ ꓡꓳ꓿

ꓪ ꓔꓲ ꓠꓽ ꓠꓲꓹ ꓟ ꓦꓶꓻ ꓠꓬꓲ꓾ ꓟꓯꓼ ꓜꓴ ꓝꓲ ꓩꓴ ꓗꓷ ꓢꓲ ꓠꓬꓲ꓾ ꓞꓳ ꓤ ꓢꓰꓼ ꓢꓴ ꓖꓳ ꓕꓲ ꓧꓳꓽ ꓔꓯ ꓟꓶꓽ ꓬꓰ ꓝꓲ_ ꓡꓳ꓿ ꓬꓲ ꓪ ꓡꓳ ꓒꓱ_ ꓟꓲ ꓛꓴꓻ ꓗꓷꓳ꓿

 ꓖꓳ ꓕꓯ ꓪ ꓔꓲ ꓡꓰ ꓬꓲ ꓚꓳ ꓑ ꓐꓴ ꓔꓯ ꓕꓱ ꓡꓱ ꓐꓯ_ ꓡꓳ꓾ ꓤ ꓟꓶ ꓚꓱ_ ꓟ ꓑꓮꓲ ꓠꓬ ꓙꓽ ꓖꓶ ꓔ_ ꓡꓳ꓾ ꓬꓲ_ ꓡꓰꓽ ꓘꓴꓻ ꓔ_ ꓟ ꓡ ꓞꓳ ꓠꓽ ꓟꓽ ꓒꓵꓽ꓿

 

ꓖꓳ ꓡꓱ ꓠꓬꓲ ꓠꓴ ꓪ ꓠꓬ ꓙꓻ ꓫꓬꓸ ꓗꓪ ꓙꓰ ꓢꓲ꓾ ꓔꓳꓹ ꓜꓳꓽ_ ꓟ ꓡ ꓞꓳ ꓥ ꓕ ꓑꓳ ꓔꓯ ꓤ ꓟꓶ ꓚꓱ_ ꓟ ꓑꓮꓲ ꓗꓪ ꓘꓴꓻ ꓔꓯ ꓡꓯ꓾ ꓐꓯ_ ꓡꓳ꓿

10 ꓚꓳ ꓑ ꓖꓳ ꓕꓲ ꓧꓳꓽ ꓠꓬ ꓙ ꓖꓴ ꓗꓪ ꓓꓳ ꓙꓰ ꓢꓲ꓾ ꓔꓳꓹ ꓜꓳꓽ_ ꓟ ꓥ ꓕ ꓑꓳ꓾ ꓥꓶ_ ꓟ ꓥ_ ꓟꓲ꓾ ꓙꓲ_ ꓟ ꓥ_ ꓟꓲ ꓮ ꓙꓵ ꓘꓴ ꓜꓲꓼ ꓡ ꓢꓲ ꓠꓬꓲ꓾ ꓑꓮꓲ ꓗꓪ ꓗꓳꓺ ꓢꓴ ꓐꓲ ꓡꓰ_ ꓡꓳ꓿

ꓪ ꓔꓲ ꓓꓵꓽ ꓡ ꓢꓲ ꓪꓰ ꓤꓽ ꓔꓯ ꓡꓳꓸ ꓠꓬꓲ ꓠꓬ꓾ ꓖꓳ ꓗꓪ ꓑꓮꓲ ꓐꓵ ꓞꓶ ꓟꓽ ꓖꓪꓽ ꓔ ꓟ ꓡ ꓞꓳ ꓕꓲ ꓣꓳ ꓟꓳ_ ꓡꓳ꓿

ꓬꓲ ꓡꓰ ꓬꓲ ꓔꓯ꓾ ꓗꓪ ꓛꓳꓽꓳ꓾ ꓠꓴ ꓠꓬ ꓑꓮꓲ ꓐꓵ ꓞꓶ ꓟꓽ ꓖꓪꓽ ꓖꓪ ꓮ ꓡꓲ ꓕꓱ ꓗꓪ ꓓꓵ ꓡ_ ꓡꓳꓺꓽ꓾ ꓐꓯ_ ꓡꓳ꓿ ꓬꓲ ꓠꓬ ꓒꓳꓹ ꓖꓶ ꓓꓴ ꓟꓽ ꓙꓳ꓿

: ꓮ ꓡꓲ ꓕꓱ ꓗꓪ ꓓꓵ ꓡ_ ꓡꓳꓺꓽ꓾ ꓐꓯ_ ꓡꓳ꓿ ꓬꓲ ꓠꓬ ꓒꓳꓹ ꓖꓶ ꓓꓴ ꓟꓽ ꓙꓳ꓿

 

: 13 ꓖꓳ ꓕꓯ ꓪ ꓔꓲ ꓠꓬ ꓬꓲ ꓔꓯ ꓣꓱꓽ ꓙ ꓢꓴ ꓔꓯ ꓕꓱ ꓡꓱ ꓐꓯ_ ꓡꓳ꓾ ꓬꓲ ꓔꓯ ꓛꓲꓺ ꓛꓵꓼ ꓡꓯ ꓛꓵꓼ ꓢꓲ ꓠꓬꓲ꓾ ꓠꓱ ꓫꓱꓸ ꓟꓸꓼ ꓠꓯ ꓞꓲꓹ ꓟ ꓗꓪ ꓡꓳꓺ ꓩꓴ ꓗꓷ꓾ ꓐꓯ_ ꓡꓳ꓿ ꓖꓳ ꓗꓪ ꓥꓴꓻ ꓠꓬꓲ ꓢꓶꓽ ꓛꓲꓽ ꓠꓬꓲ ꓗꓷ ꓡꓰ_ ꓥꓳ꓿

ꓮ ꓡꓲꓳ ꓐꓯ ꓠꓬ ꓘꓴ ꓔ_ ꓟ ꓠꓽ ꓟꓬꓽ_ ꓡꓳ꓿ ꓢꓲꓺ ꓔ_ ꓟ ꓠꓽ ꓠꓲꓸ_ ꓡꓳ꓾ ꓐꓯ_ ꓡꓳ꓿

ꓖꓳ ꓕꓯ ꓒ-ꓡꓲ-ꓢꓷ ꓐꓴ ꓠꓬ ꓬꓰ-ꓢꓴ ꓐꓯ ꓘꓶ ꓗꓪ ꓐꓰ ꓬꓲ ꓔꓯ ꓮ ꓡꓲ ꓐꓰ ꓪꓴꓻ ꓡꓰ ꓝꓲ ꓠꓹ ꓟ ꓓꓳ ꓙꓰ ꓢꓲ ꓖꓪ ꓙꓱ_ ꓡꓳ꓿

Add new comment

13 + 3 =