ꓥꓪ ꓔꓯ ꓘꓳ ꓣꓴ ꓢꓴ ꓠꓬ꓾ ꓥꓪ ꓔꓯ ꓝꓲ ꓩꓴ ꓡ ꓢꓴ ꓔꓯ ꓘꓳ ꓣꓴˍ ꓟ ꓥ ꓡꓳ꓾

"ꓥꓪ ꓔꓯ ꓘꓳ ꓣꓴ ꓢꓴ ꓠꓬ꓾ ꓥꓪ ꓔꓯ ꓝꓲ ꓩꓴ ꓡ ꓢꓴ ꓔꓯ ꓘꓳ ꓣꓴˍ ꓟ ꓥ ꓡꓳ꓾" (YO-V 13:16-20)

ꓥꓪ ꓔꓱ, ꓔꓱ,ˍ ꓠꓴ ꓪ ꓔꓯ ꓐꓯ ꓖꓶˍ ꓠꓬꓲ꓾ ꓚꓳ ꓑ. ꓠꓬ ꓬꓲ ꓢꓲ ꓒꓽ ꓕꓯꓽ ꓢꓲ ꓟꓽ ꓪꓴꓽ꓿ ꓕꓱ ꓟꓬ ꓙꓰꓽ ꓠꓴ ꓪ ꓢꓷ. ꓢꓲ ꓬꓰˍ ꓠꓬ ꓶꓼ ꓙꓳ ꓫꓱ, ꓙꓳˍ ꓥꓳ꓿

ꓠꓴ ꓪ ꓮ ꓙꓵꓽ ꓡꓱꓸꓼ ꓔꓯ ꓐꓯˍ ꓟ ꓠꓽ ꓟꓽ ꓥ꓿ ꓥꓪ ꓡꓰ ꓢꓲ ꓔ ꓢꓴ ꓔꓯ ꓥꓪ ꓢꓷ.ˍ ꓡꓳ꓿ ꓖꓳ ꓡꓱ ꓥˍ ꓟꓲ ꓢꓲ ꓫꓬ ꓕꓳ ꓶ ꓗꓪ꓾ ꓥꓪ ꓜ ꓜꓽ ꓢꓴ ꓬꓲ ꓛꓲ ꓔ ꓠꓳ ꓡꓰ ꓥꓪ ꓔꓯ ꓑꓰ, ꓡˍ ꓡꓳ꓾ ꓐꓰ ꓐꓳ ꓔ ꓟ ꓐꓲ ꓡ ꓠ, ꓟ ꓥ ꓡꓳ꓿ ꓖꓳ ꓡꓱ ꓗꓷ ꓡꓰ ꓕꓯ꓾ ꓥꓪ ꓠꓽ ꓙꓲ‐ꓢꓴ ꓥ ꓟ ꓠꓴ ꓪ ꓙꓵꓻ ꓠ, ꓟ꓾ ꓟꓽ ꓒꓬꓱꓼ ꓡ ꓕꓯˍ ꓡꓰ ꓠꓴ ꓪ ꓔꓯ ꓐꓯ ꓖꓶˍ ꓟ ꓥ ꓡꓳ꓿

ꓥꓪ ꓔꓱ, ꓔꓱ,ˍ ꓠꓴ ꓪ ꓔꓯ ꓐꓯ ꓖꓶˍ ꓠꓬꓲ꓾ ꓥꓪ ꓡꓰ ꓝꓲ ꓩꓴ ꓗꓷ ꓢꓴ ꓔꓯ ꓘꓳ ꓣꓴ ꓢꓴ ꓠꓽ ꓥꓪ ꓔꓯ ꓘˍ ꓣꓴˍ ꓟ ꓥ ꓡꓳ꓿ ꓥꓪ ꓔꓯ ꓘꓳ ꓣꓴ ꓢꓴ ꓠꓬ ꓥꓪ ꓔꓯ ꓝꓲ ꓩꓴ ꓡ ꓢꓴ ꓔꓯ ꓘꓳ ꓣꓴˍ ꓟ ꓥ ꓡꓳ꓿