ꓦ ꓗꓪ ꓟꓬꓺ ꓢꓲꓽ ꓕ ꓔꓶꓺ ꓡꓰ ꓠꓯˍ ꓟ (4th Lent Sunday Homily )

   ꓬꓲꓼ ꓤ ꓠꓬꓲ ꓤ ꓐꓴ‐ꓳ ꓣꓳꓽ ꓥˍ ꓟꓲ ꓣꓳꓽ ꓠꓯ.ꓼ ꓘꓴ ꓗꓪ ꓫ ꓢꓴ꓾ ꓫ ꓙꓵ ꓟꓷ ꓙꓵˍ ꓢꓴ ꓔꓯ ꓟꓳ ꓡꓰ ꓕꓯ ꓖꓳ ꓟ ꓮ ꓟ ꓝꓴꓲ. ꓥ ꓐꓰ ꓠꓻ ꓠꓬꓲ ꓗꓴ. ꓡꓳ꓿ ꓙꓰ ꓢꓲ ꓬꓰ ꓙ ꓙꓰ ꓠꓯ, ꓟ ꓮ ꓡꓰ ꓐꓰ ꓬꓰ, ꓠꓯ ꓟ ꓟꓽ ꓓꓵꓽ ꓙ ꓙ ꓐꓰ ꓝꓴꓲ. ꓧꓶ. ꓕꓯ ꓧꓪ ꓗꓴ. ꓡꓳ꓿ ꓢꓲ ꓒ ꓬꓰ‐ꓢꓴ ꓠꓬ ꓮ ꓟꓽ ꓝꓴꓲ. ꓥ ꓐꓰ ꓬꓲ. ꓟꓽ ꓐꓯ ꓐꓯ ꓐꓰ ꓟꓬꓺ ꓔꓶꓺ ꓢꓴ ꓖꓳ ꓕꓲꓽ ꓣꓳ ꓟ ꓔꓯ ꓬꓲ. ꓡꓰ ꓫꓬ, ꓖꓶꓽ ꓟ ꓣꓳ ꓑ, ꓙ ꓡꓳ꓿ ꓣꓳꓽ ꓔꓯꓺ ꓢꓳ ꓓꓴ ꓬꓰ ꓡꓯ꓿ ꓟꓬꓺ ꓔꓶ ꓖꓳ ꓟ ꓟꓬꓺ ꓢꓲ ꓠꓬꓲ ꓟꓳ ꓡˍ ꓕꓯ ꓮ ꓡꓰ ꓗꓷ ꓡꓰ ꓡ? ꓣꓳꓽ ꓔꓯ ꓢꓲ ꓫꓬ ꓕꓳ ꓶ ꓕꓱ ꓟ ꓗꓪ ꓐꓰ ꓮ ꓫꓵꓽ ꓟ. ꓖꓶꓽ ꓔꓬ, ꓡ ꓐꓯ ꓟ ꓢꓷ. ꓡꓰ ꓠ ꓟ ꓬꓲ. ꓠꓯ. ꓘꓴ ꓗꓪ ꓢꓯꓼ ꓧꓳ ꓔ ꓖꓶꓽ ꓡꓳ꓿ ꓮ ꓙꓵꓽ ꓢꓴ ꓠ ꓠ ꓓꓴ ꓬꓰ ꓡꓯ꓿ ꓫ ꓟꓳ꓿