ꓧꓪꓸ ꓛꓲ ꓢꓲ ꓡꓳꓸ ꓔꓬ

ꓥꓳ ꓡꓳꓸ ꓔ ꓟ ꓙꓵꓹ ꓬꓲꓸ ꓪꓴꓸꓕꓲꓽ ꓫꓵꓽ ꓠꓽ

 

ꓬꓲ-ꓢ-ꓬ ꓕꓳꓽ ꓶ 63: 16-17, 19 64: 2-7

ꓮ ꓡꓲꓳ ꓐꓯ ꓠꓬ ꓮ-ꓐ-ꓡ-ꓦ ꓥꓪ ꓠꓴ ꓔꓯ ꓟꓽ ꓢꓷ ꓥ_ ꓟꓲ꓾ ꓬꓲ-ꓢꓷ-ꓡꓰ ꓥꓪ ꓠꓴꓽ ꓔꓯ ꓟꓽ ꓣꓷꓠ ꓥ_ ꓟꓲ꓾ ꓠꓴ ꓠꓬ ꓥꓪ ꓠꓴ ꓐꓹ ꓐ ꓥ ꓡꓳ꓿ ꓬꓰ-ꓧꓳ-ꓧꓪꓳ꓾ ꓠꓴ ꓠꓬ ꓥꓪ ꓠꓴ ꓐꓹ ꓐ ꓥ ꓡꓳ꓿ ꓠꓴ ꓟꓬꓱꓺ ꓠꓬ ꓕꓲ ꓞꓲ ꓕꓲ ꓑ ꓟ ꓦꓬꓼ ꓠꓬꓲ ꓗꓪ_ ꓡꓰ꓾ ꓥꓪ ꓠꓴ ꓫꓴꓹ-ꓣꓴ-ꓢꓲ-ꓒ꓾ ꓐꓰ ꓟꓬꓱꓺ ꓔ_ ꓡꓳ꓿ ꓬꓲ-ꓢ-ꓬ ꓕꓳꓽ ꓶ 63: 17 ꓬꓰ-ꓧꓳ-ꓧꓪꓳ꓾ ꓠꓴ ꓮ ꓫꓵ ꓪꓴꓸ ꓠꓬꓲ ꓠꓴ ꓙ ꓖꓴ ꓗꓪ ꓐꓰ ꓥꓪ ꓠꓴꓽ ꓔꓯ ꓪꓴꓸ ꓙꓰ ꓝꓲ ꓢꓲ꓾ ꓠꓴ ꓔꓯ ꓟꓽ ꓙꓳꓺ ꓒꓵꓽ ꓠꓹ ꓟ꓾ ꓥꓪ ꓠꓴ ꓠꓲꓹ ꓟ ꓔꓯ ꓩꓴ ꓡꓰ ꓝꓲ_ ꓡꓳꓺꓽ꓿ ꓠꓴ ꓚꓳ ꓑ ꓐꓴ꓾ ꓠꓴ ꓡꓯꓼ ꓪ ꓞꓳ ꓪꓳꓼ ꓐꓴ ꓑꓶ ꓓꓴ ꓚꓱꓹ ꓬꓲꓼ ꓡꓯ ꓟꓴ꓿ ꓥꓪ ꓠꓴ ꓠꓬ ꓠꓴ ꓡꓰ ꓟꓽ ꓙꓵꓽ ꓠꓬꓲ ꓟ_ ꓡꓰ ꓐꓰ ꓒꓬꓱꓼ ꓡꓻꓳ꓿ ꓠꓴ ꓟꓬꓱꓺ ꓗꓪ ꓐꓰ ꓟꓽ ꓟꓬꓱ ꓠꓬꓲ ꓢꓴ_ ꓡꓰ ꓐꓰ ꓗꓷ ꓡꓰꓳ꓿ ꓮ ꓔꓳꓸ ꓡꓰ ꓢꓲꓹ ꓛꓬꓼ ꓡꓯꓼ ꓔꓯ ꓐꓬ ꓗꓷ_ ꓟ_ ꓡꓰ ꓐꓰ꓾ ꓮ ꓔꓳꓸ ꓠꓬ ꓬꓲ ꓙꓬ ꓔꓯ ꓚꓴ ꓡ ꓝꓲ_ ꓟ_ ꓡꓰ ꓐꓰ꓾ ꓠꓴ ꓔꓯ ꓔꓳꓹ ꓡꓯ ꓘꓳ ꓢꓴ ꓔꓯ ꓠꓬ꓾ ꓠꓴ ꓟꓬꓱꓺ ꓔꓯ ꓢꓷ ꓡꓰ ꓝꓲ ꓢꓲ꓾ ꓞꓳ ꓫꓵ ꓞꓳ ꓙꓰ ꓐꓴ ꓔꓯ_ ꓟꓲ ꓠꓴ ꓟꓲ ꓙꓬ ꓗꓪ ꓛꓱꓽ ꓛꓱꓽ ꓡꓰ ꓝꓲ ꓠꓹ ꓟ ꓬꓯꓼ ꓡꓯ ꓟꓴ꓿  ꓥꓪ ꓠꓴ ꓟꓽ ꓥꓳ ꓡꓳꓸ ꓔꓬ_ ꓟ ꓙꓳꓺ ꓠꓯ_ ꓡꓳ ꓫꓵ ꓠꓴ ꓬꓰ_ ꓕꓯ꓾ ꓠꓴ ꓬꓯꓼ ꓡꓻꓳ꓿ ꓪ ꓚꓲ_ ꓟꓲ ꓠꓴ ꓟꓲ ꓙꓬ ꓗꓪ ꓓꓵꓺ ꓡꓰꓳ꓿ ꓮ ꓡꓲꓳ ꓐꓯ ꓠꓬ ꓮ ꓠꓱ ꓠꓱ ꓕꓯ ꓡꓰ ꓠꓴ ꓟꓽ ꓥ ꓠꓬ ꓬꓲ ꓔꓯ ꓡꓳꓺ ꓠꓬ ꓢꓴ ꓐꓱ ꓶ ꓢꓯꓼ ꓕꓵ ꓙ ꓢꓴ ꓠꓱ ꓐꓯ ꓪꓴ-ꓢ ꓙꓳ_ ꓟ꓾ ꓮ ꓟ ꓟꓽ ꓑ ꓙ ꓠꓬꓲ꓾ ꓠ ꓑꓳ ꓗꓪ_ ꓟꓲ ꓟꓽ ꓓꓳ ꓙ ꓠꓬꓲ꓾ ꓟꓬ ꓢꓶ_ ꓟꓲ ꓟꓽ ꓟꓳ ꓠꓬꓲ꓿ ꓗꓹ ꓛꓲ ꓛꓲ_ ꓡꓰ ꓙꓲ ꓫꓬ_ ꓟ ꓬꓰ ꓢꓲ ꓠꓬꓲ꓾ ꓬꓲ ꓚꓱꓹ ꓗꓪ ꓠꓴ ꓔꓯ ꓓꓵ ꓙ ꓔꓬ ꓢꓴ ꓔꓯ ꓠꓴ ꓞꓵ ꓣꓴ_ ꓡꓳ꓿ ꓠꓬꓲ ꓠꓹ꓾ ꓠꓴ ꓠꓬ ꓥꓪ ꓠꓴꓽ ꓔꓯ ꓠꓲꓹ ꓟ ꓦꓶꓻ ꓗꓷꓳ꓿ ꓥꓪ ꓠꓴ ꓠꓽ ꓝꓴꓲ ꓬꓰ ꓗꓷꓳ꓿ ꓝꓴꓲ ꓠꓯꓸꓼ ꓗꓪ ꓟꓶ ꓤ ꓔꓬ ꓗꓷꓳ꓿ ꓖꓳ ꓡꓱ ꓠꓬꓲ ꓥꓪ ꓠꓴ ꓢꓯꓼ ꓟꓬ ꓝ ꓟꓶ ꓓ_ ꓢꓰꓽ ꓡꓺꓽ꓿ ꓮ ꓡꓲꓳ ꓐꓯ ꓠꓬ ꓥꓪ ꓠꓴꓽ ꓮ ꓙꓵ ꓠꓬ ꓟꓽ ꓫꓬ ꓢꓴ_ ꓡꓰ ꓐꓰ ꓒꓬꓱꓼ ꓡꓻꓳ꓿ ꓥꓪ ꓠꓴꓽ ꓙꓲ ꓫꓬ_ ꓟ ꓮ ꓙꓵ ꓠꓬ ꓠꓲꓹ ꓒꓳꓹ ꓠꓲ ꓙꓬ_ ꓟ ꓐꓵ ꓞꓶ_ ꓡꓰ ꓐꓰ ꓥ ꓡꓳ꓿ ꓥꓪ ꓠꓴꓽ ꓮ ꓙꓵ ꓠꓬ ꓢꓲꓹ ꓒꓬ_ ꓡꓰ ꓐꓰ ꓙꓴꓺ ꓬꓰ ꓔꓬ_ ꓡꓳ꓿ ꓥꓪ ꓠꓴ ꓟꓽ ꓙꓲ ꓟꓽ ꓜꓳ ꓟ ꓡꓰ ꓟꓲ ꓦꓲ_ ꓡꓰ ꓐꓰ ꓥꓪ ꓠꓴ ꓔꓯ ꓙꓱꓼ ꓔꓯꓹ ꓙꓰ_ ꓡꓳ꓿ ꓖꓳ ꓡꓱ ꓠꓬ ꓠꓴ ꓟꓬꓱꓺ ꓔꓯ ꓘꓴ ꓢꓴ ꓕꓲ ꓣꓳ_ ꓟꓲ ꓟꓽ ꓙꓳ꓾ ꓠꓴ ꓔꓯ ꓣꓴ ꓕꓶ ꓡꓰ ꓠꓹ ꓟ ꓚꓲ ꓛꓬ ꓔꓯ ꓡꓵꓹ ꓔꓴ ꓗꓷ ꓢꓴ ꓕꓲ ꓣꓳ_ ꓟꓲ ꓟꓽ ꓙꓳ꓿ ꓮ ꓡꓲꓳ ꓐꓯ ꓠꓬ ꓥꓪ ꓠꓴꓽ ꓔꓯ ꓐꓰ ꓠꓴ ꓒꓬꓱꓽ ꓚꓵ ꓗꓷ ꓢꓲ꓾ ꓥꓪ ꓠꓴꓽ ꓟꓽ ꓙꓲ ꓟꓽ ꓜꓳ ꓟ ꓡꓰ ꓥꓪ ꓠꓴ ꓔꓯ ꓙꓲꓻ ꓡꓰ ꓝꓲꓳ꓿

1 ꓘꓳ-ꓡꓱ-ꓕꓵ 1ꓽ 3-9

ꓣꓳꓽ ꓐꓹ ꓐ ꓪꓴ-ꓢˍ ꓐꓰ ꓢꓲ ꓒꓽ ꓬꓰ-ꓢꓴ ꓙꓲ-ꓢꓴ ꓗꓪ ꓐꓰ꓾ ꓣꓱꓽ ꓛꓰˍ ꓐꓰ ꓢꓲ ꓡꓲ ꓟ ꓠꓴ ꓪꓽ ꓟꓶ ꓝꓲ꓿ꓙꓲ-ꓢꓴ ꓬꓰ-ꓢꓴ ꓠꓯꓸꓼ ꓗꓪ ꓠꓴ ꓪꓽ ꓔꓯ ꓖꓶˍ ꓟ ꓪꓴ-ꓢ ꓬꓲ ꓣꓱꓽ ꓛꓰ ꓑꓶꓸ ꓓꓴ꓾ ꓥꓪ ꓠꓬ ꓮ ꓕꓯˍ ꓟꓲ ꓠꓴ ꓪꓽ ꓪꓴꓸ ꓠꓬꓲ ꓪꓴ-ꓢ ꓔꓯ ꓫꓸ ꓟꓳˍ ꓡꓳ꓿-ꓙꓲ-ꓢꓴ ꓐꓱ ꓶ ꓥꓪ ꓠꓴꓽ ꓡꓰ ꓢꓷꓸ ꓙ ꓟꓳ ꓙˍ ꓟ ꓠꓬ ꓠꓴ ꓪꓽ ꓠꓲꓹ ꓟ ꓠꓯꓸꓼ ꓗꓪ ꓢꓷꓸ ꓕꓶꓻ ꓡꓰ ꓠꓬꓲ꓾ ꓠꓴ ꓪꓽ ꓠꓬ ꓮꓸ ꓫꓵ ꓗꓪˍ ꓟꓲ ꓬꓲ ꓠꓯꓸꓼ ꓗꓪ ꓐꓳ ꓡꓰ ꓢꓲ꓾ ꓐꓯ ꓙꓻˍ ꓐꓰ ꓢꓷꓸ ꓠꓲꓹ ꓮꓽ ꓙꓵ ꓙꓳˍ ꓠꓬꓲ ꓬꓲ ꓔꓯ ꓫꓸ ꓟꓳ꓿ꓕꓱ ꓟ ꓗꓪ ꓐꓰ ꓠꓴ ꓪꓽ ꓠꓬ ꓣꓳꓽ ꓢꓲ ꓒꓽ ꓬꓰ-ꓢꓴ ꓙꓲ-ꓢꓴ ꓟꓳꓸ ꓖꓶ ꓡ ꓟ ꓔꓯ ꓢꓲꓼ ꓙꓬ ꓢꓲ ꓦꓴꓻ ꓠꓬꓹ ꓟ ꓗꓪ꓾ ꓦ ꓗꓪ ꓟ ꓣꓱꓽ ꓛꓰ ꓡꓯꓼ ꓫꓴ ꓮ ꓡꓲ ꓕꓲ ꓫꓵꓽ ꓗꓪˍ ꓟꓲ ꓟꓽ ꓡꓳꓼ ꓟꓽ ꓗꓷ ꓡꓰ꓿ꓣꓳꓽ ꓢꓲ ꓒꓽ ꓬꓰ-ꓢꓴ ꓙꓲ-ꓢꓴ ꓦꓬꓼ ꓠꓬꓲ ꓗꓪ ꓠꓴ ꓪꓽ ꓔꓯ ꓕꓼ ꓓꓴ ꓟꓽ ꓙꓳ ꓠꓹ ꓟ꓾ ꓬꓲ ꓠꓬ ꓡꓳꓹ ꓬꓰ ꓗꓪ ꓛꓲ ꓠꓴ ꓪꓽ ꓔꓯ ꓕꓶꓻ ꓡꓰ ꓝꓲˍ ꓥꓳ꓿ꓪꓴ-ꓢ ꓠꓬ ꓦ ꓡꓱ ꓐꓳˍ ꓟ ꓥ ꓢꓲ꓾ ꓠꓴ ꓪꓽ ꓔꓯ ꓠꓬ ꓬꓲ ꓮ ꓐꓲ꓾ ꓣꓳꓽ ꓢꓲ ꓒꓽ ꓬꓰ-ꓢꓴ ꓙꓲ-ꓢꓴˍ ꓐꓰ ꓙꓻ ꓡꓯꓽ ꓘꓳˍ ꓟ ꓗꓪ ꓓꓵꓽ ꓡꓰ ꓠꓹ ꓟ ꓘꓴ ꓔ ꓟ ꓥ ꓡꓳ꓿

ꓟ-ꓘꓳ 13ꓽ 33-37

ꓠꓴ ꓪꓽ ꓤꓻ ꓟꓳ꓾ ꓧꓪꓸ ꓛꓲꓽ ꓐꓰ ꓔꓬ ꓢꓲ ꓪꓽ ꓘꓴ꓿ ꓮ ꓡꓲꓳ ꓐꓯ ꓠꓬ ꓦꓬꓼ ꓠꓬꓲ ꓖꓳ ꓟ ꓮ ꓕꓯꓽ ꓕꓲ ꓝꓲꓸ ꓥ ꓟ ꓠꓴ ꓪꓽ ꓟꓽ ꓢꓷ꓿ꓢꓲ ꓒꓽ ꓦꓬꓼ ꓠꓬꓲ ꓛꓲ ꓡ ꓟ ꓠꓬ꓾ ꓡꓽ ꓞꓳ ꓕꓲ ꓣꓳ ꓡꓰ ꓬꓲ ꓚꓳ ꓑꓸ ꓐꓴ ꓔꓯ ꓬꓲ ꓦꓲ ꓡꓯꓼ ꓙꓱ ꓔ ꓬꓰ ꓢꓲ꓾ ꓬꓲ ꓪꓽ ꓕꓲ ꓣꓳ ꓡꓰ ꓕꓲ ꓣꓳ ꓔꓯ ꓟꓬꓱꓽ ꓐꓱꓻ ꓖꓶ ꓔ ꓬꓰ ꓢꓲ ꓠꓬꓲ꓾ ꓗ ꓘꓶꓽ ꓦꓴ ꓠꓬꓹ ꓢꓴ ꓔꓯˍ ꓟꓲ ꓧꓪꓸ ꓛꓲꓽ ꓛꓲ ꓐꓰ ꓔꓬ ꓠꓹ ꓟ ꓕꓵꓼ ꓪ ꓖꓶ ꓔ ꓬꓰ ꓠꓬ꓾ ꓠꓱꓸ ꓐꓯꓼ ꓕꓲ ꓗꓴꓷ ꓗꓪ ꓕꓲ ꓝꓲꓸ ꓔꓬ ꓬꓰ ꓟˍ ꓡꓰ ꓐꓰ ꓗꓹ ꓡꓳ꓿ꓖꓳ ꓡꓱ ꓠꓬꓲ ꓧꓪꓸ ꓛꓲꓽ ꓐꓰ ꓔꓬ꓿ ꓮ ꓡꓲꓳ ꓐꓯ ꓠꓬ ꓦꓲ ꓢꓲ ꓒꓽ ꓮ ꓕꓯꓽ ꓕꓲ ꓝꓲꓸ ꓗꓪ ꓛꓲ ꓡ ꓟ ꓠꓴ ꓪꓽ ꓟꓽ ꓢꓷꓸ꓿ ꓟꓶꓼ ꓘꓶꓼ꓾ ꓦꓬꓼ ꓔꓱ ꓫꓵꓺ꓾ ꓥ ꓠꓬ꓾ ꓮꓸ Bꓸ ꓒ ꓐꓵꓻ ꓝꓲꓸ꓾ ꓥ ꓠꓬ꓾ ꓠꓯꓼ ꓝꓲꓸ ꓗꓪ ꓥ ꓟ ꓠꓴ ꓪꓽ ꓟꓽ ꓢꓷ꓿ꓟꓽ ꓥ ꓠꓬ ꓬꓲ ꓞꓼ ꓐꓰ ꓛꓲ ꓡ ꓢꓲ꓾ ꓠꓴ ꓪꓽ ꓬꓲꓼ ꓟꓶ ꓔꓬ ꓟ ꓔꓯ ꓬꓲ ꓟꓳꓻˍ ꓥꓳ꓿ꓠꓴ ꓪꓽ ꓔꓯ ꓥꓪ ꓐꓯˍ ꓟ ꓠꓬ ꓮꓽ ꓙꓵ ꓢꓴ ꓔꓯˍ ꓟꓲ ꓐꓯˍ ꓟ ꓥꓳ꓾ ꓧꓪꓸ ꓛꓲꓽ ꓐꓰ ꓔꓬ꓾ ꓐꓯˍ ꓡꓳ꓿

Add new comment

5 + 0 =