ꓪꓴ‐ꓢ ꓔꓯ ꓮ ꓙꓵꓽ ꓟ ꓕꓯ ꓢꓲ ꓠꓲ, ꓠꓵ ꓠ, ꓟ (13th Sunday Homily)

ꓢꓲꓽ ꓫꓬ ꓕꓳ ꓶ ꓗꓪ ꓢꓲ ꓒ ꓬꓰ‐ꓢꓴ ꓕꓱ ꓡꓱ ꓐꓯˍ ꓡꓳ꓿ ꓥꓪ ꓔꓯ ꓠꓲ ꓠꓵ ꓟ ꓢꓶ. ꓟꓽ ꓛꓲ ꓚꓲ. ꓛꓬ ꓮ ꓐꓽ ꓮ ꓟ ꓔꓯ ꓠꓲ, ꓠꓵ ꓢꓴ ꓠꓬ꓾ ꓥꓪ ꓢꓲ ꓤ ꓬꓰ ꓟꓽ ꓒꓵ꓿ ꓥꓪ ꓔꓯ ꓠꓲ, ꓠꓵ ꓟ ꓢꓶ. ꓟꓽ ꓛꓲ ꓚꓲ. ꓛꓬ ꓮ ꓐꓲ ꓮ ꓟꓲꓽ ꓔꓯ ꓠꓲ, ꓠꓵ ꓢꓴ ꓠꓬ ꓥꓪ ꓢꓲ ꓤ ꓬꓰ ꓟꓽ ꓒꓵꓽ ꓐꓰ ꓢꓲ ꓒ ꓬꓰ‐ꓢꓴ ꓐꓯ ꓔ ꓡꓳ꓿

ꓕꓱ ꓟ ꓮ ꓫꓵꓽ ꓔꓯ ꓐꓯ ꓠꓲ, ꓫꓵˍ ꓫꓵꓽ ꓥ ꓡ? ꓢꓲ ꓒ ꓬꓰ‐ꓢꓴ ꓢꓲꓺ ꓤ ꓒꓬꓱꓼ ꓠ, ꓟ ꓚꓲ. ꓛꓬ ꓦꓲꓻ ꓢꓴ ꓠ ꓠꓲ, ꓙꓳ ꓠ ꓗ ꓡ? ꓢꓲ ꓒ ꓬꓰ‐ꓢꓴ ꓠꓬ ꓕꓱ ꓡꓱ ꓐꓯ ꓫꓵꓽ ꓟꓽ ꓥ꓿

ꓣꓳꓽ ꓮ ꓙꓵꓽ ꓢꓴ ꓔꓯ ꓪꓴ‐ꓢ ꓡꓰ ꓚꓰꓼ ꓔ ꓫꓵꓽ ꓥꓳ꓿ ꓣꓳꓽ ꓔꓯ ꓥˍ ꓟꓲ꓾ ꓮ ꓟ ꓔꓯˍ ꓟꓲ ꓪꓴ‐ꓢ ꓡꓰ ꓚꓰꓼ ꓔ ꓫꓵꓽ ꓥꓳ꓿ ꓪꓴ‐ꓢ ꓕꓯ ꓢꓲ ꓪꓴˍ ꓫꓵꓽ ꓮ ꓟ ꓟꓲ ꓟꓽ ꓙꓳ꓿ ꓣꓳ ꓟꓲ ꓠꓯ ꓞꓳ ꓤ ꓠꓬ ꓓꓵꓽ ꓙ ꓟꓽ ꓛꓲ ꓡ ꓫꓵꓽ ꓮ ꓟꓬˍ ꓙꓳ ꓡꓳ꓿ ꓮ ꓡꓰ ꓫꓵꓽ ꓡ ꓞꓳ ꓥˍ ꓟꓲ ꓟꓽ ꓐꓲ ꓜꓲꓼ꓿

ꓣꓳꓽ ꓮ ꓐꓽ ꓥˍ ꓟꓲ ꓟꓽ ꓐꓲ ꓜꓲꓼ꓾ ꓣꓳꓽ ꓮ ꓟ ꓥˍ ꓟꓲ ꓟꓽ ꓐꓲ ꓜꓲꓼ꓾ ꓐꓲ ꓜꓲꓼ ꓟ ꓠꓬ ꓪꓴ‐ꓢ ꓡꓰ ꓥꓳ꓿ ꓖꓳ ꓡꓱ ꓟ ꓑꓶ. ꓓꓴ꓾ ꓪꓴ‐ꓢ ꓐꓰ ꓔꓯꓺ ꓡꓯ ꓘꓳˍ ꓕꓯ ꓠꓬ ꓮ ꓫꓵꓽ ꓥˍ ꓟꓲ ꓪꓴ‐ꓢ ꓕꓯ ꓢꓲ ꓪꓴˍ ꓫꓵꓽ ꓟꓽ ꓙꓳ ꓐꓯ ꓟ ꓐꓯ ꓠꓲ, ꓫꓵ ꓟ ꓥꓳ꓿