ꓪꓴ‐ꓢ ꓠꓬ ꓬꓲ. ꓚꓲ. ꓛꓬ ꓬꓲ. ꓔꓯ ꓟꓳ. ꓖꓶꓽ ꓟ (Catechism of the Catholic Church)

ꓕꓯ ꓢꓲ ꓓꓵꓽ ꓙ ꓟꓶ ꓓꓴ ꓥꓳ꓿ ꓢꓷ. ꓡꓰ ꓓꓴ ꓥꓳ꓿ ꓢꓲ ꓒ ꓬꓰ‐ꓢꓴ ꓞꓳ ꓤ ꓒꓬꓱꓼ ꓡˍ ꓟ ꓗꓪ ꓐꓰ ꓪꓴ‐ꓢ ꓠꓬ ꓮ ꓡꓰ ꓫꓵꓽ ꓪꓴ‐ꓢ ꓥ ꓟ꓾ ꓬꓲ. ꓠꓬ ꓮ ꓫꓵꓽ ꓠꓲ, ꓫꓵˍ ꓟ ꓔꓯ ꓣꓳꓽ ꓢꓷ. ꓡꓰꓳ꓿ ꓪꓴ‐ꓢ ꓠꓬ ꓞꓳ ꓤ ꓗꓪ ꓐꓰ ꓚꓵꓺ ꓔ ꓫꓵꓽ ꓕꓲꓽ ꓫꓵꓽˍ ꓟꓲ ꓟꓽ ꓙꓳ꓿ ꓮ ꓙꓵꓽ ꓠꓬ ꓬꓲ. ꓤ ꓤ ꓔꓲ. ꓗꓪ ꓐꓰ ꓐꓯ ꓓꓳ ꓡ‐ꓳ꓿ ꓖꓳ ꓡꓱ ꓠꓬ ꓙꓲ ꓫꓬ ꓢꓴ ꓢꓔ.ꓙꓳꓧꓠ ꓚꓧꓣꓲꓢꓔꓳꓣꓟ ꓡꓰ ꓮ ꓡꓰ ꓐꓯ ꓔ ꓐꓯ ꓠꓬ꓾ "ꓮ ꓟ ꓥˍ ꓟꓲ ꓪꓴ‐ꓢ ꓮ ꓐꓲ ꓥ ꓟ ꓬꓰ‐ꓢꓴ ꓬꓲ. ꓢꓷ. ꓡꓰ ꓓꓴ ꓡꓰ ꓟꓽ ꓥ ꓥ ꓐꓰ ꓠꓱ. ꓐꓯ ꓢꓷ. ꓡꓰ ꓓꓴ ꓧꓪ ꓢꓴ ꓥꓳ ꓐꓯ ꓠꓬ ꓝꓴꓲ. ꓙꓳ ꓟ ꓡꓰ ꓟꓽ ꓞꓲ꓾ ꓞꓳ ꓪꓴ.ˍ ꓟꓲ ꓥꓳ" ꓐꓰ ꓬꓲ. ꓡꓰ ꓐꓯ ꓔ ꓡꓳ꓿ ꓥ ꓡꓳ ꓬꓲꓼ ꓤ ꓠꓬꓲ ꓤ ꓐꓴ‐ꓳ꓿ ꓪꓴ‐ꓢ ꓠꓬ ꓬꓲ. ꓚꓲ. ꓛꓬ ꓬꓲ. ꓔꓯ ꓮ ꓠꓱ ꓕꓯ ꓟꓷ ꓠꓷ ꓝ ꓢꓴ ꓗꓪ ꓐꓰ ꓮ ꓔꓲ. ꓤ ꓟꓳ. ꓖꓶꓽ ꓗꓷˍ ꓟꓲ꓾ ꓠꓬꓲ. ꓠꓬꓲ ꓟ ꓦꓬꓼ ꓠꓬꓲ ꓗꓪ ꓠꓬ ꓬꓲ. ꓠꓬ ꓫꓬꓽ ꓫꓬꓽ ꓡꓰ ꓟꓳ. ꓖꓶ ꓗꓷꓳ꓿ ꓖꓳ ꓡꓱ ꓠꓬꓲ ꓣꓳ ꓢꓲ ꓒ ꓬꓰ‐ꓢꓴ ꓔꓯ ꓢꓷ. ꓡꓰ ꓢꓴ꓾ ꓬꓰ‐ꓢꓴ ꓠꓬ ꓪꓴ‐ꓢ ꓤ ꓮ ꓐꓲ ꓥꓳ ꓐꓯ ꓟ ꓢꓷ. ꓡꓰ ꓢꓴ ꓣꓳꓽ ꓠꓬ ꓠꓱ. ꓐꓯ ꓟꓽ ꓢꓷ. ꓢꓴ ꓔꓯ ꓥˍ ꓟꓲ ꓐꓯ ꓟꓳ. ꓖꓶꓽ ꓙꓰ ꓡꓯ꓿ ꓪꓴ‐ꓢ ꓠꓬ ꓠꓴ ꓐꓰ ꓥꓪ ꓔꓯꓼ ꓶ ꓥꓳꓽ ꓙꓱ ꓖꓶꓽ ꓥꓳ꓿ ꓢꓲ ꓒ ꓬꓰ‐ꓢꓴ ꓠꓬ ꓪꓴ‐ꓢ ꓬꓲ. ꓮ ꓐꓲ ꓥꓳ꓿ ꓠꓴ ꓐꓰ ꓥꓪ ꓐꓱ ꓶ ꓬꓲ. ꓢꓯ. ꓟꓬꓺ ꓖꓶ ꓗꓷꓳ꓿ ꓬꓲ. ꓔꓯ ꓙꓵ ꓢꓲ ꓬꓲ. ꓐꓱ ꓶ ꓣꓳꓽ ꓟꓬꓱꓽ ꓬꓰ ꓡꓯ꓿ ꓫ ꓟꓳ ꓪ꓿