ꓪꓴ‐ꓢ ꓫꓱ. ꓤ ꓠꓲ, (Divine Mercy Sunday)

     ꓮ ꓠꓱ ꓕꓯ ꓘꓶꓽ ꓫꓵꓽ ꓡꓵꓺ ꓗ ꓪ ꓠꓬ ꓪꓴ‐ꓢ ꓠꓬ ꓙꓳꓺ ꓓꓴ ꓧ. ꓟ ꓡꓰ ꓐꓰ ꓣꓳꓽ ꓟꓳˍ ꓥ ꓟꓲ ꓢꓲ ꓒ ꓬꓰ‐ꓢꓴ ꓠꓬ ꓪꓴ‐ꓢ ꓐꓯ ꓟ ꓠꓵ ꓠꓲ, ꓪꓴ‐ꓢ ꓥˍ ꓟ꓾ ꓣꓳꓽ ꓓꓵꓽ ꓙˍ ꓟ ꓡꓰ ꓐꓰ ꓟꓽ ꓗˍ ꓟ ꓔꓯ ꓟꓳ. ꓖꓶꓽ ꓡ‐ꓳ꓿ ꓪꓴ‐ꓢ ꓠꓬ ꓐ, ꓐ ꓕꓲꓽ ꓣꓳˍ ꓡꓰ ꓐꓰ ꓣꓳꓽ ꓔꓯ ꓠꓲ, ꓠꓵ ꓢꓲ ꓣꓳꓽ ꓔꓯ ꓠꓬꓲ ꓡꓳ. ꓗꓪꓽ ꓫꓵꓼ ꓔꓬ, ꓟ ꓣꓳꓽ ꓔꓯ ꓢꓷ. ꓡꓰ ꓝꓲˍ ꓟ ꓥ ꓡꓳ꓿ ꓣꓳꓽ ꓠꓬ ꓕꓲꓽ ꓫꓵꓽ ꓟꓽ ꓥ ꓕꓲꓽ ꓫꓵꓽ ꓠꓬ ꓕꓲꓽ ꓙꓰꓽ ꓙꓰꓽ ꓔꓯ ꓠꓲ, ꓠꓵ ꓔꓬ, ꓫꓵꓽ ꓡꓰ ꓥꓳ꓿ ꓠꓵ ꓠꓲ, ꓟꓽ ꓙꓳ ꓠꓬ ꓣꓳꓽ ꓢꓯ. ꓔꓬ, ꓟꓽ ꓐ, ꓡ꓿ ꓮ ꓡꓲꓳ ꓐꓯ ꓠꓬ ꓠꓵ ꓠꓲ, ꓠꓬ ꓣꓳꓽ ꓔꓯ ꓗ, ꓛꓲ ꓟ ꓖꓶꓽ ꓐ ꓡ ꓡꓳ꓿ ꓖꓳ ꓡꓱ ꓐꓯ ꓥˍ ꓟꓲ ꓣꓳꓽ ꓠꓬ ꓠꓱ. ꓐꓯ ꓟꓽ ꓥ ꓗꓪ ꓡꓰ ꓗ, ꓛꓲ ꓓꓴ ꓔꓯ ꓧꓪ, ꓔꓬ, ꓗꓴ. ꓡꓳ꓿

    ꓪꓴ‐ꓢ ꓠꓬ ꓣꓳꓽ ꓔꓯ ꓠꓲ, ꓠꓵ ꓡ ꓕꓯ ꓣꓳꓽ ꓥˍ ꓟꓲ ꓬꓲ. ꓠꓵ ꓠꓲ, ꓔꓯ ꓬꓲ. ꓪꓴ. ꓘꓳ ꓣꓴ ꓠ, ꓮ ꓘꓶ. ꓬꓮꓳ ꓚꓲ ꓡꓳ꓿ ꓣꓳꓽ ꓔꓯ ꓟꓽ ꓙꓳ ꓟ ꓣꓳꓽ ꓢꓴ ꓔꓯ ꓖꓶꓽ ꓟ ꓠ꓿ ꓣꓳ ꓔꓯ ꓙꓳˍ ꓕꓯ ꓢꓲ ꓡꓰ ꓣꓳꓽ ꓢꓴ ꓔꓯ ꓖꓶꓽ ꓠ. ꓡꓳ꓿ ꓣꓳꓽ ꓠꓬ ꓪꓴ‐ꓢ ꓣꓳꓽ ꓔꓯ ꓠꓲ, ꓠꓵ ꓔꓬ, ꓡꓳ ꓐꓯ ꓟ ꓔꓯ ꓙꓵˍ ꓕꓯ꓾ ꓘꓳ ꓣꓴ, ꓟꓶ ꓕꓯ ꓣꓳꓽ ꓥˍ ꓟꓲ ꓢꓴ ꓔꓯ ꓠꓲ, ꓠꓵ ꓐ, ꓡ ꓥꓳ꓿ ꓟꓲ ꓠꓯꓺ ꓕꓱ ꓟ ꓗꓪ ꓪꓴ‐ꓢ ꓣꓳꓽ ꓔꓯ ꓖꓶꓽ ꓡˍ ꓟ ꓠꓵ ꓠꓲ, ꓡꓰ ꓐꓲ ꓜꓲꓼˍ ꓫꓵꓽ ꓟꓽ ꓙꓳ꓿ 

   ꓕꓱ ꓟ ꓔꓯ ꓠ ꓠ, ꓟ ꓐꓱ ꓶ ꓬꓲ. ꓠꓯ.ꓼ ꓘꓪ ꓗꓪ ꓬꓲ. ꓢꓯꓼ ꓧꓳꓽ ꓔ ꓡꓳ꓿