ꓪꓴ-ꓢ ꓐꓰ ꓕꓲꓽ ꓪꓼ ꓔꓬ ꓠꓬ ꓙꓳ ꓟꓽ ꓛꓲ ( ꓧꓳꓟꓲꓡꓬ)

ꓘꓴ-ꓜꓲꓼꓞꓳ ꓟꓶꓽ ꓘꓳꓼ 12 ꓫꓵꓽ ꓠꓽ

 

ꓬꓳ-ꓐꓰ ꓕꓳꓽ ꓶ 38: 1, 8-11

 ꓖꓳ ꓕꓯ ꓬꓰ-ꓧꓳ-ꓧꓪ ꓡꓰ ꓟꓲꓽ ꓦꓲ ꓪꓳ ꓡꓳ ꓗꓪ ꓐꓰ ꓬꓳ-ꓐꓰ ꓔꓯ ꓒꓳꓹ ꓖꓶ ꓢꓲ ꓕꓱ ꓡꓱ ꓐꓯ_ ꓡꓳ꓾ ꓤꓽ ꓘꓶ ꓗꓪ ꓐꓰ ꓓꓳ ꓡ_ ꓟ_ ꓡꓰ ꓐꓰ ꓬꓲꓻ ꓡꓴ ꓐꓱ ꓑꓳ ꓓꓳ ꓡ_ ꓕꓯ꓾ ꓗ ꓘꓶ ꓡꓰ ꓬꓲꓻ ꓡꓴ ꓐꓱ ꓔꓯ ꓚꓵꓸ ꓗꓷ ꓢꓴ ꓮ ꓟ ꓥ ꓡꓳꓺꓽ꓿ ꓥꓪ ꓠꓬ ꓟꓴ ꓗꓴ ꓡꓰ ꓬꓲꓻ ꓡꓴ ꓐꓱ ꓐꓱ ꓶ ꓐꓵ ꓞꓶ ꓫꓬꓹ ꓢꓲ꓾ ꓠꓯ ꓞꓲꓹ ꓠꓯ ꓕꓳ ꓟ ꓡꓰ ꓬꓲꓻ ꓡꓴ ꓐꓱ ꓐꓱ ꓶ ꓮꓸ ꓑꓱꓺ ꓬꓰ ꓢꓲ ꓠꓬꓲ꓾ ꓬꓲꓻ ꓡꓴ ꓐꓱ ꓐꓱ ꓶ ꓬꓲꓸ ꓚꓬꓸ ꓔꓳꓸ ꓝꓰꓹ ꓔ ꓢꓲ꓾ ꓗ ꓘꓶ_ ꓐꓰ ꓗꓺ ꓓꓴ ꓠꓳꓽ ꓢꓲ ꓠꓬꓲ꓾ ꓕꓱ ꓡꓱ ꓐꓯ_ ꓡꓳ꓾ ꓕꓱ ꓗꓪ ꓛꓲ_ ꓡꓰꓽ ꓡ ꓓ_ ꓡꓳ꓿ ꓘꓳꓻ ꓡ ꓟꓽ ꓓ꓿ ꓠꓴ ꓘꓶ ꓘꓹ_ ꓟ ꓬꓲꓻ ꓪ ꓡꓴꓸ ꓠꓬ꓾ ꓕꓱ ꓗꓪ ꓠꓽ ꓡꓰ ꓠ ꓗ_ ꓡꓳ꓾ ꓐꓰ ꓐꓯ_ ꓕꓯ ꓠꓴ ꓮ ꓡꓲ ꓗꓪ ꓔꓬ_ ꓡꓳꓺꓽ꓿

 

2 ꓘꓳ-ꓡꓴ-ꓕꓴ 5ꓽ 14-17

ꓮꓽ ꓙꓵ ꓢꓴ ꓐꓱ ꓶ ꓕꓲ ꓣꓳ ꓫꓵꓻ ꓗꓷ ꓠꓬꓲ꓾ ꓮꓽ ꓙꓵ ꓢꓴ ꓠꓬ ꓬꓲ ꓫꓵꓻˍ ꓟ ꓔꓯ ꓑꓯꓹ ꓟꓶ ꓡꓰꓳ꓾ ꓐꓰ ꓥꓪ ꓠꓴꓽ ꓢꓷꓸ ꓕꓶꓻ ꓡꓰ ꓠꓬꓲ꓾ ꓙꓲ-ꓢꓴ ꓠꓵ ꓠꓲꓹ ꓡꓰ ꓥꓪ ꓠꓴꓽ ꓔꓯ ꓠꓬꓲꓸ ꓞꓹ ꓡꓳ꓿ 15 ꓢꓯꓸ ꓔꓬ ꓢꓴ ꓠꓬ ꓕꓱ ꓡꓱ ꓖꓳ ꓑꓳ ꓚꓲ ꓛꓬ ꓐꓱ ꓶ ꓢꓯꓸ ꓔꓬ ꓟ ꓟꓽ ꓥ ꓥ꓾ ꓬꓲ ꓪꓽ ꓐꓱ ꓶ ꓫꓵꓻ ꓢꓲ ꓢꓯꓸ ꓬꓲꓼ ꓡ ꓢꓴ ꓖꓳ ꓕꓲ ꓣꓳ ꓐꓱ ꓶ ꓢꓯꓸ ꓔꓬ ꓠꓹ ꓟ꓾ ꓬꓲ ꓠꓬ ꓮꓽ ꓙꓵ ꓢꓴ ꓐꓱ ꓶ ꓫꓵꓻꓳ꓿ 16 ꓖꓳ ꓡꓱ ꓠꓬꓲ ꓕꓱ ꓡꓱ ꓖꓳ ꓑꓳ꓾ ꓥꓪ ꓠꓴꓽ ꓠꓬ ꓧꓪ ꓖꓳ ꓓꓱ ꓕꓲ ꓒꓳꓹ ꓓꓵꓽ ꓙ ꓚꓱꓹ ꓔꓯ ꓛꓳ ꓢꓲ ꓮꓸ ꓫꓵ ꓡ ꓞꓳ ꓔꓯˍ ꓟꓲ ꓟꓽ ꓦꓰꓽ꓿ ꓧꓪꓽ ꓖꓳ ꓓꓱ ꓚꓱꓹ ꓗꓪ ꓐꓰ ꓙꓲ-ꓢꓴ ꓔꓯ ꓥꓪ ꓠꓴꓽ ꓢꓷꓸ ꓠꓬꓲ ꓥ ꓟꓲ꓾ ꓕꓱ ꓡꓱ ꓖꓳ ꓑꓳ ꓠꓽ ꓖꓳ ꓡꓱ ꓟꓽ ꓥꓻꓳ꓿ 17 ꓖꓳ ꓡꓱ ꓠꓬꓲ ꓮꓽ ꓟ ꓥ ꓟꓲ ꓙꓲ-ꓢꓴ ꓠꓯꓸꓼ ꓗꓪ ꓔꓬ ꓐꓷˍ ꓠꓬ꓾ ꓬꓲ ꓠꓽ ꓡ ꓞꓳ ꓫꓵꓼ ꓒꓬꓱꓼ ꓡ ꓟ ꓥ ꓡꓳ꓿ ꓬꓲ ꓐꓰꓽ ꓠꓬ ꓗꓳꓸ ꓗꓷꓳ꓿ ꓠꓬꓲ ꓠꓹ꓾ ꓮꓽ ꓙꓵ ꓬꓲ ꓫꓵꓼ ꓒꓬꓱ ꓡ ꓟ ꓥ ꓡꓳ꓿ 

ꓟ_ꓘꓳ 4ꓽ 35- 41

 

ꓖꓳ ꓕꓲ ꓠꓬꓲ ꓟꓰꓻ ꓬꓰ ꓠꓬ ꓬꓰ-ꓢꓴ ꓡꓰ ꓬꓲ ꓛꓳꓽ ꓒꓯꓹ ꓐꓴ ꓔꓯ꓾ ꓣꓳ ꓖꓳ ꓐꓽ ꓢꓲ ꓗꓪ ꓙꓰ ꓡꓯ꓾ ꓐꓯˍ ꓡꓳ꓿ 36 ꓖꓳ ꓡꓱ ꓠꓬ ꓬꓲ ꓪꓽ ꓠꓽ ꓞꓳ ꓜꓴ ꓔꓯ ꓧꓹ ꓔ ꓬꓰ ꓢꓲ꓾ ꓬꓰ-ꓢꓴ ꓠꓬꓲꓸ ꓠꓸ ꓔꓬ ꓟ ꓡꓲ ꓖꓳ ꓕꓲ ꓟ ꓗꓪ ꓬꓲ ꓔꓯ ꓬꓲ ꓖꓳ ꓡꓱ ꓧꓳꓽ ꓗꓳꓸ ꓙꓰˍ ꓡꓳ꓿ ꓠꓱꓸ ꓐꓯꓼ ꓡꓲˍ ꓟꓲ ꓛꓳ ꓙꓰˍ ꓡꓳ꓿ 37 ꓖꓳ ꓕꓯ ꓕꓳꓽ ꓥꓳꓽ ꓓꓽ ꓟ ꓙꓱꓼ ꓡ ꓢꓲ ꓬꓲ ꓡꓯꓼ ꓟꓰꓼ ꓓꓶꓽ ꓡ ꓠꓬꓲ꓾ ꓡꓲ ꓗꓪ ꓬꓲꓻ ꓙꓬ ꓓꓵꓽ ꓐꓲꓺ ꓡ ꓔꓬ ꓡꓳ꓿ 38 ꓬꓰ-ꓢꓴ ꓠꓽ ꓡꓲ ꓟꓶꓸ ꓗꓪ ꓪꓴꓸ ꓖꓳꓼ ꓡꓳ ꓖꓳꓼ ꓢꓲ ꓬꓲꓼ ꓟꓶ ꓔꓬ ꓡꓳ꓿ ꓬꓲ ꓪꓽ ꓡꓰ ꓬꓲ ꓔꓯ ꓡꓵꓹ ꓖꓶ ꓢꓲ꓾ ꓟꓸ ꓒꓽꓳ꓾ ꓥꓪ ꓠꓴꓽ ꓫꓵˍ ꓟ ꓔꓯ ꓠꓴ ꓟꓽ ꓗꓳ ꓚꓱ ꓡ?꓾ ꓐꓯ ꓖꓶˍ ꓡꓳ꓿ 39 ꓖꓳ ꓡꓱ ꓠꓬ ꓬꓲ ꓔꓴ ꓡ ꓢꓲ꓾ ꓟꓲꓽ ꓦꓲ ꓔꓯ ꓕꓼ ꓢꓲ ꓠꓬꓲ꓾ ꓬꓲꓻ ꓡꓴ ꓐꓱ ꓔꓯ꓾ ꓢꓲ ꓡꓲ ꓐꓰ ꓠꓽ ꓡꓰ Gꓽ꓾ ꓐꓯ ꓗꓷ ꓠꓬ꓾ ꓢꓲ ꓡꓲ ꓐꓰ ꓗꓷ ꓡꓰꓳ꓿ 40 ꓬꓲ ꓡꓰ ꓬꓲ ꓪꓽ ꓔꓯ꓾ ꓠꓴ ꓪꓽ ꓮꓸ ꓫꓵ ꓪꓴꓸ ꓠꓬꓲ ꓙꓳꓺˍ ꓡ? ꓠꓴ ꓪꓽ ꓙꓵꓻ ꓠꓲꓹ ꓟꓽ ꓙꓳ ꓢꓰꓽ ꓡ?꓾ ꓐꓯˍ ꓡꓳ꓿ 41 ꓬꓲ ꓪꓽ ꓠꓽ ꓮꓽ ꓘꓶꓸ ꓙꓳꓺ ꓡꓰ ꓢꓲ꓾ ꓟꓲꓽ ꓦꓲˍ ꓐꓰ ꓬꓲꓻ ꓡꓴꓽ ꓐꓱˍ ꓟꓲ ꓬꓲ ꓔꓯ ꓠ ꓡꓳꓹˍ ꓟ ꓕꓱ ꓕꓲ ꓣꓳ ꓠꓬ ꓮꓽ ꓟ ꓥ ꓡ?꓾ ꓐꓰ ꓐꓯ ꓡꓯꓽ ꓘꓳˍ ꓡꓳ꓿

Add new comment

2 + 0 =