ꓪꓴ-ꓢ ꓔꓯ ꓠꓲꓹ ꓠꓵ ꓠꓹ ꓟ

       ꓠꓵꓹ ꓠꓲ ꓐꓯ ꓟ ꓮ ꓫꓵꓽ ꓥ ꓡ? ꓠꓵꓹ ꓠꓲ ꓐꓯ ꓟ ꓢꓲ ꓒ ꓬꓰ-ꓢꓴ ꓡꓰ ꓣꓳꓽ ꓔꓯ ꓮ ꓡꓰ ꓐꓰ ꓟꓸ ꓖꓶꓽ ꓔꓲꓸ ꓡ ꓐꓯ ꓟ ꓔꓯ ꓡꓳꓸ ꓠꓬꓲ ꓗꓶ ꓠꓬ ꓢꓷꓸ ꓪ ꓓˍ ꓡꓳ= ꓬꓳ ꓦ ꓕꓳꓽ ꓶ 3ꓽ16 ꓗꓪ ꓮ ꓟ ꓥˍ ꓟꓲ ꓬꓲꓸ ꓔꓯ ꓙꓵˍ  ꓠꓬ ꓟꓽ ꓟꓶꓹ ꓬꓰ ꓢꓲꓸ ꓕꓲꓽ ꓞꓲꓼ ꓕꓲꓽ ꓑ ꓢꓯꓼ ꓟꓬꓺ ꓟꓶꓹ ꓠꓹ ꓟ꓾ ꓪꓴ-ꓢ ꓠꓬ ꓬꓲꓸ ꓤꓽ ꓔꓲꓸ ꓖꓶꓽ ꓗꓷ ꓗꓪ ꓛꓲ ꓟꓲ ꓠꓯ ꓞꓳ ꓤ ꓔꓯ ꓠꓲꓹ ꓠꓵˍ ꓡꓳ ꓐꓰ ꓐꓯ ꓔ ꓡꓳ= ꓖꓳ ꓡꓱ ꓠꓬꓲ ꓠꓵꓹ ꓠꓲ ꓐꓯ ꓟ ꓠꓬ ꓚꓲꓸ ꓛꓬ ꓐꓱ ꓶ ꓡꓰ ꓢ ꓟꓽ ꓓꓵ ꓙ= ꓥꓪ ꓕꓱ ꓟ ꓖꓶꓽ ꓗꓷ ꓠꓬ ꓥꓪ ꓮ ꓫꓵꓽ ꓪ ꓡ ꓐꓯ ꓟ ꓟꓽ ꓡꓳꓸ  ꓮ ꓙꓵꓽ ꓔꓯ ꓮ ꓫꓵ ꓟꓶ ꓠꓹ ꓟ ꓐꓱ ꓶ ꓐꓰ ꓟꓽ ꓓꓵꓽ ꓙꓽ ꓙ ꓐꓰ ꓢꓴ ꓔꓯ ꓬꓰ ꓖꓶꓽ ꓡꓳ= ꓢꓴ ꓔꓯ ꓖꓶꓽ ꓡꓳ= ꓕꓱ ꓟ ꓠꓬ ꓔꓱꓹ ꓚꓵˍ ꓟ ꓠꓵꓹ ꓠꓲ ꓥˍ ꓡꓳ= ꓠꓵꓹ ꓠꓲ ꓐꓯ ꓟ ꓠꓬ ꓖꓶꓽ ꓡꓰ ꓖꓶꓼ ꓡꓳ= ꓮ ꓫꓵꓽ ꓟꓶ ꓠꓹ ꓟ ꓟꓽ ꓓꓵ ꓙ= ꓖꓳ ꓡꓱ ꓠꓬꓲ ꓣꓳꓽ ꓥˍ ꓟꓲ ꓐꓲ ꓜꓲꓼˍ ꓟ ꓠꓵꓹ ꓠꓲ ꓕꓱ ꓟ ꓔꓯ ꓪꓳ ꓫꓳꓸ ꓡꓯ=

Add new comment

16 + 2 =