ꓪꓴ-ꓢ ꓗꓴꓷꓼ ꓠꓬ ꓣꓳ ꓗꓳ ꓡꓳ ꓗꓪ ꓓꓹ ꓡꓳ (ꓡꓴ-ꓘ = 17ꓽ20-25)

 ꓡꓴ-ꓘ 17:20-25

ꓕꓲꓽ ꓧꓪꓹ ꓙꓳˍ ꓠꓬ ꓒ-ꓡꓲ-ꓢꓷ ꓐꓴ ꓡꓰ꓾ ꓪꓴ-ꓢ ꓗꓴꓷꓼ ꓮ ꓕꓯꓽ ꓕꓲ ꓝꓲꓸ ꓗꓪ ꓛꓲ ꓡˍ ꓥꓳ ꓪ? ꓐꓰ ꓠ ꓠꓬꓲˍ ꓠꓬꓲ꓾ ꓬꓰ-ꓢꓴ ꓡꓰ ꓬꓲ ꓪ ꓔꓯ꓾ ꓪꓴ-ꓢ ꓗꓴꓷꓼ ꓛꓲ ꓡˍ ꓟ ꓠꓬ ꓟꓬ ꓢꓶꓽ ꓡꓰ ꓡꓳꓸ ꓓꓳ ꓡˍ ꓡꓳ ꓫꓵꓽ ꓟꓽ ꓥ= ꓢꓴ ꓡꓰ꓾ ꓠꓬꓲ ꓠꓹ꓾ ꓕꓱ ꓗꓪ ꓥ ꓡꓳ꓾ ꓥ ꓠꓬ ꓖꓳ ꓗꓪ ꓥ ꓡꓳ꓾ ꓐꓰˍ ꓟꓲ ꓟꓽ ꓐꓯ ꓖꓶ ꓡ= ꓮ ꓡꓲꓳ ꓐꓯ ꓠꓬ ꓪꓴ-ꓢ ꓗꓴꓷꓼ ꓠꓽ ꓠꓴ ꓪ ꓗꓳ ꓡꓳ ꓗꓪ ꓓꓹ ꓡꓳ꓾ ꓐꓯ ꓖꓶˍ ꓡꓳ=

ꓝꓮꓲ ꓠꓬ ꓬꓲ ꓡꓰ ꓛꓳꓽ ꓒꓯꓹ ꓐꓴ ꓔꓯ꓾ ꓠꓴ ꓪ ꓠꓬ ꓡ-ꓞꓳ-ꓮ-ꓐꓲ ꓬꓲ ꓦꓬꓼ ꓠꓬꓲ ꓕꓲ ꓠꓬꓲ ꓤ ꓔꓯ ꓟꓳ ꓠꓲꓹ ꓫꓵˍ ꓟꓲ ꓟꓳ ꓪ ꓟꓽ ꓓ ꓟ ꓦꓬꓼ ꓠꓬꓲ ꓛꓲ ꓡˍꓥꓳ= ꓖꓳ ꓕꓯ ꓢꓴ ꓡꓰ ꓠꓴ ꓪ ꓔꓯ꓾ ꓠꓬꓲ ꓠꓹ꓾ ꓖꓳ ꓗꓪ ꓥꓳ꓾ ꓥ ꓠꓬ ꓕꓱ ꓗꓪ ꓥꓳ꓾ ꓐꓰ ꓐꓯ ꓡˍ ꓟꓲ ꓠꓴ ꓪ ꓕꓽ ꓓꓳ ꓙꓰ= ꓬꓲ ꓪ ꓔꓯ ꓛꓳˍ ꓟꓲ ꓕꓽ ꓛꓳ ꓙꓰ= ꓮ ꓡꓲꓳ ꓐꓯ ꓠꓬ ꓡ-ꓞꓳ-ꓮ-ꓐꓲ ꓬꓯꓼ ꓡˍ ꓟ ꓦꓬꓼ ꓠꓬꓲ ꓗꓪ ꓠꓬ꓾ ꓟꓴ ꓗꓪ ꓕꓱ ꓕꓲ ꓛꓱꓽ ꓗꓪ ꓟꓲꓽ ꓐꓬꓱꓼ ꓤꓰꓽ ꓡ ꓟꓶꓽ ꓕꓯ꓾ ꓖꓳ ꓕꓲ ꓛꓱꓽ ꓗꓪˍ ꓟꓲ ꓡꓬꓸ ꓛꓲ ꓬꓰˍ ꓟˍ ꓡꓰ ꓐꓰ ꓗꓹ ꓥꓳ=

ꓖꓳ ꓡꓱ ꓥˍ ꓟꓲ ꓡ-ꓞꓳ-ꓮ-ꓐꓲ ꓠꓬ ꓫꓸ ꓙꓵˍ ꓟ ꓮꓽ ꓟꓬꓹ ꓫꓵꓽ ꓜꓲꓽ ꓢꓲ꓾ ꓕꓱ ꓕꓲ ꓤꓶꓻ ꓟ ꓡ ꓞꓳ ꓡꓰ ꓟꓽ ꓘꓳ ꓣꓴˍ ꓟ ꓧꓶꓸ ꓕꓯ ꓔꓳꓹ ꓜꓳꓽˍ ꓥꓳ=