ꓫꓵꓻ ꓢꓴ ꓔꓯ ꓢꓯ. ꓬꓲꓼ ꓡ ꓝꓲˍ ꓟ

Saturday, March 25, 2023

    ꓣꓳꓽ ꓢꓲ ꓒ ꓬꓰ‐ꓢꓴ ꓠꓬ ꓥꓪ ꓠꓬ ꓪꓴ‐ꓢ ꓥꓳ꓾ ꓥꓪ ꓔꓯ ꓙꓵ ꓢꓴ ꓮ ꓟ ꓥˍꓟꓲ ꓕꓲꓽ ꓞꓲꓼ ꓕꓲꓽ ꓑ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓮ ꓡꓰ ꓫꓵꓽ ꓦ ꓡꓱ ꓚꓱ, ꓗꓪ ꓥˍ ꓟꓲ ꓥꓪ ꓐꓯ ꓘꓶꓽ ꓔꓯ ꓠꓻ ꓠꓻ ꓡꓰ ꓐꓯˍ ꓡꓳ꓿ ꓣꓳꓽ ꓢꓲ ꓒ ꓬꓰ‐ꓢꓴ ꓠꓬ ꓥꓪ ꓠꓬ ꓙ ꓖꓴ ꓥ ꓡꓳ꓿ ꓥꓪ ꓔꓯ ꓡꓯ ꓐꓰ ꓐꓯ ꓡꓳ꓿ ꓝꓮꓲ.꓾ ꓮ ꓡꓰ ꓫꓵꓽ ꓦ ꓡꓱ ꓚꓱ, ꓗꓪˍ ꓥˍ ꓟꓲ ꓫꓵꓻ ꓗꓪ ꓐꓰ ꓢꓯ. ꓬꓲꓼ ꓡ ꓐ, ꓡ ꓫꓵꓽ ꓟꓽ ꓙꓳ꓿ ꓠꓬꓲ. ꓠꓬꓲ ꓣꓳꓽ ꓑ ꓙ ꓪ. ꓟ ꓢꓲꓽ ꓫꓬ, ꓕꓳ ꓶ ꓠꓬ ꓢꓲ ꓒ ꓬꓰ‐ꓢꓴ ꓠꓬ ꓡ‐ꓢ‐ꓣꓴ ꓔꓯ ꓢꓯ. ꓬꓲꓼ ꓡ ꓝꓲˍ ꓟ ꓣꓳꓽ ꓑ, ꓙ ꓡꓳ꓿ ꓢꓲ ꓒ ꓬꓰ‐ꓢꓴ ꓠꓬ ꓢꓯꓼ ꓟꓬꓺ ꓢꓲꓺ ꓒ ꓥꓳ꓾ ꓫꓵˍ ꓟ ꓢꓯ.ˍꓟ  ꓮ ꓙꓵꓽ ꓠꓬ ꓬꓲ. ꓔꓯ ꓟ ꓥꓳ ꓐꓰ ꓐꓯ ꓟ ꓥ ꓡꓳ꓿ ꓖꓳ ꓡꓱ ꓥˍ ꓟꓲ ꓣꓳꓽ ꓢꓷ. ꓠ, ꓟ ꓠꓬ ꓡ‐ꓢ‐ꓣꓴ ꓢꓯꓼ ꓬꓲ ꓡ ꓟ ꓠꓬ ꓕꓲꓽ ꓑ, ꓤ ꓡꓰ ꓥꓳ꓿

ꓕꓲꓽ ꓞꓲꓼ ꓢꓯ. ꓬꓲꓼ ꓡˍ ꓟ ꓠꓬ ꓠꓬꓲꓽ ꓧꓪ, ꓕꓲꓽ ꓧꓪ, ꓢꓲ ꓒ ꓛꓲ ꓡ ꓕꓯ ꓥꓳ꓿ ꓕꓱ ꓟ ꓔꓯ ꓠ ꓠ, ꓠ ꓟ ꓬꓲ. ꓢꓯꓼ ꓧꓳꓽ ꓔ ꓖꓶꓽ ꓥꓳ꓿ ꓡꓯ ꓫꓵꓺ ꓠ ꓠ ꓓꓴ ꓬꓰ ꓡꓯ꓿

Add new comment

1 + 8 =

Quick Links