ꓬꓰ‐ꓢꓴ ꓟꓴ ꓗꓪ ꓗꓴꓷꓼ ꓗꓪ ꓓꓯ ꓙꓰˍ ꓟ (The Ascension Homily)

ꓬꓲ ꓠꓬ ꓬꓲ ꓪꓽ ꓔꓯ꓾ ꓠꓴ ꓪꓽ ꓠꓬ ꓟꓵꓽ ꓗꓳꓹ ꓓꓵ ꓓꓵꓽ ꓙꓰ ꓢꓲ꓾ ꓞꓳ ꓫꓵꓽ ꓞꓳ ꓙꓰꓽ ꓥ ꓕ ꓑꓳꓸ ꓔꓯ ꓶꓼ ꓓꓳ ꓫꓱꓹ ꓓꓳ ꓚ ꓟꓸ ꓖꓶ꓿ꓙꓵꓻ ꓢꓲ ꓖꓳ ꓓꓱ ꓔꓲꓹ ꓟꓶ ꓢꓴ ꓠꓽ ꓢꓯꓼ ꓟꓬ ꓝ ꓟꓶˍ ꓥꓳ꓿ ꓟꓽ ꓙꓵꓻ ꓢꓴ ꓠꓽ ꓛꓬꓻ ꓒꓵꓽ ꓟꓶˍ ꓥꓳ꓿ꓙꓵꓻ ꓢꓴ ꓔꓯ ꓠꓽ ꓢꓷꓸ ꓡꓰ ꓓꓴ ꓕꓱ ꓟꓬ ꓙꓰꓽ ꓛꓳ ꓡ ꓥꓳ꓿ ꓬꓲ ꓪꓽ ꓠꓬ ꓥꓪ ꓟꓬꓱ ꓗꓪ ꓐꓰ ꓠꓲꓽ ꓖꓼˍ ꓥꓳ꓿ ꓬꓲ ꓪꓽ ꓠꓬ ꓥꓳꓽ ꓬꓲ ꓫꓵꓼ ꓫꓸ ꓕꓱˍ ꓥꓳ꓿ꓩꓴꓺ ꓔꓯˍ ꓟꓲ ꓬꓲ ꓪꓽ ꓣꓴˍ ꓥꓳ꓿ ꓬꓲ ꓪꓽ ꓮ ꓡꓲ ꓫꓵꓽ ꓓꓳꓼ ꓓꓳꓻ ꓪˍ ꓟꓲ ꓮ ꓡꓲ ꓟꓽ ꓗꓷ ꓡꓰ꓿ ꓬꓲ ꓪꓽ ꓡꓰ ꓠꓻ ꓢꓴ ꓒꓬꓼ ꓢꓴ ꓔꓯ ꓡꓯꓼ ꓒꓯꓹ ꓚꓰꓹ ꓖꓶˍ ꓠꓬ ꓓꓻ ꓡꓰˍ ꓥꓳ꓾ ꓐꓯˍ ꓡꓳ꓿ꓢꓲ ꓒꓽ ꓬꓰ-ꓢꓴ ꓬꓲ ꓪꓽ ꓔꓯ ꓫꓸ ꓕꓱ ꓓꓳ ꓡꓰ ꓠꓬ꓾ ꓬꓲ ꓔꓯ ꓟꓴꓽ ꓗꓪ ꓗꓪ ꓔꓯꓹ ꓓꓯ ꓙꓰ ꓢꓲ꓾ ꓪꓴ-ꓢ ꓡꓯꓼ ꓙ ꓕꓲ ꓛꓱꓽ ꓗꓪ ꓠꓬꓲꓸ ꓠꓸ ꓡꓰꓳ꓿ꓖꓳ ꓡꓱ ꓠꓬ ꓬꓲ ꓪꓽ ꓓꓳ ꓙꓰ ꓢꓲ꓾ ꓮ ꓡꓲ ꓗꓪˍ ꓟꓲ ꓟꓸ ꓟꓲꓽ ꓚ ꓟꓸ ꓖꓶꓽ ꓙꓰˍ ꓡꓳ꓿ ꓢꓲ ꓒꓽ ꓠꓬ ꓬꓲ ꓪꓽ ꓐꓰ ꓕꓲ ꓪꓺꓼ ꓟꓬꓱꓽ ꓬꓰ ꓢꓲ꓾ ꓬꓲ ꓪꓽ ꓚ ꓟꓸ ꓖꓶˍ ꓟ ꓐꓯ ꓘꓶꓽ ꓔꓯ ꓢꓷꓸ ꓡꓰ ꓓꓴ ꓛꓳ ꓩꓴ ꓡ ꓟ ꓗꓪ ꓐꓰ ꓗꓸ ꓚꓵ ꓬꓰ ꓢꓲ꓾ ꓕꓶꓻ ꓡꓰ ꓝꓲˍ ꓡꓳ꓿