ꓬꓰ‐ꓢꓴ ꓡꓰ ꓬꓳ‐ꓦ ꓔꓯ ꓫꓱ. ꓖꓶˍ ꓟ 

ꓬꓰ‐ꓢꓴ ꓡꓰ ꓬꓳ‐ꓦ ꓔꓯ ꓫꓱ. ꓖꓶˍ ꓟ 

ꓠꓴ ꓪꓽ ꓠꓬ ꓮꓸ ꓫꓵ ꓪꓴꓸ ꓠꓬꓲ ꓓꓳ ꓙꓰˍ ꓡ? ꓟꓷꓽ ꓠꓷꓹ ꓝꓸ ꓢꓴ ꓔꓯ ꓟꓳꓻ ꓠꓹ ꓟ ꓙꓰˍ ꓡ? ꓠꓴ ꓪꓽ ꓔꓯ ꓥꓪ ꓐꓯ ꓖꓶˍ ꓠꓬꓲ꓾ ꓥ ꓡꓳ꓾ ꓬꓳ-ꓦ ꓠꓽ ꓟꓷꓽ ꓠꓷꓹ ꓝꓸ ꓢꓴ ꓕꓯꓽ ꓢꓲ ꓮꓽ ꓘꓶꓸ ꓪꓴꓽˍ ꓡꓳ꓿

 10 ꓕꓳ ꓶ ꓗꓪ ꓐꓳ ꓔ ꓟ꓾ ꓥꓪ ꓠꓬ ꓠꓴ ꓟꓲꓽ ꓕꓯꓽ ꓢꓲ ꓗꓪ ꓥꓪ ꓝꓲ ꓓꓴ ꓝꓲ ꓩꓴ ꓗꓷ ꓢꓲ꓾ ꓬꓲ ꓠꓬ ꓠꓴ ꓙꓻ ꓖꓴ ꓙꓽ ꓖꓶˍ ꓥꓳ꓾ ꓐꓯˍ ꓟ ꓠꓬ ꓕꓱ ꓕꓲ ꓣꓳ ꓔꓯ ꓐꓯˍ ꓟ ꓥꓳ꓿ 11 ꓠꓴ ꓪꓽ ꓔꓯ ꓥꓪ ꓔꓱꓹ ꓔꓱꓹꓼ ꓐꓯ ꓖꓶˍ ꓠꓬꓲ꓾ ꓤꓽ ꓟꓶ ꓤ ꓡꓰ ꓦꓵꓻ ꓔ ꓢꓴ ꓐꓴ ꓗꓳ ꓡꓳ ꓗꓪ꓾ ꓖꓳ ꓓꓱ ꓔꓲꓹ ꓢꓴ ꓬꓳ-ꓦ ꓕꓯꓽ ꓢꓲ ꓪꓴꓽˍ ꓟ ꓟꓽ ꓓꓳ ꓡ ꓠꓬꓲ꓿

ꓖꓳ ꓡꓱ ꓥ ꓟꓲ ꓟꓴꓽ ꓗꓪ ꓗꓴꓷꓼ ꓠꓯꓸꓼ ꓗꓪ ꓮꓽ ꓘꓶꓸ ꓣꓳꓺ ꓢꓴ ꓠꓬ꓾ ꓬꓲ ꓕꓯꓽ ꓢꓲ ꓪꓴꓽˍ ꓢꓰꓽ ꓡꓳ=

ꓠꓬꓲ. ꓠꓬꓲ ꓟ ꓢꓲꓽ ꓫꓬ ꓕꓳꓽ ꓶ ꓗꓪ ꓐꓰ ꓢꓲꓺ ꓒ ꓬꓰ‐ꓢꓴ ꓡꓰ ꓣꓳ ꓙꓵꓻ ꓠꓲ, ꓔꓯ ꓓꓶꓻ ꓡꓰ ꓝꓲ ꓠ, ꓟ ꓟ. ꓖꓶˍ ꓡ ꓟ ꓥ ꓡꓳ꓿ ꓝꓮꓲ ꓢꓲꓺ ꓒ ꓬꓰ‐ꓢꓴ ꓔꓯ ꓬꓲ. ꓙꓵ, ꓖꓶ ꓠ, ꓟ ꓐꓰ ꓪꓽ ꓘꓴ ꓠ, ꓟ ꓥ ꓡꓳ꓿ ꓣꓳ ꓠꓲ, ꓟ ꓗ ꓘꓶꓽ ꓔꓯ ꓒꓴ ꓢꓲ ꓠꓬꓲ ꓢꓲꓺ ꓒ ꓬꓰ‐ꓢꓴ ꓔꓯ ꓣꓳ ꓠꓲ, ꓟ ꓗꓪ ꓘꓳ ꓣꓴ ꓠ, ꓟ ꓟ. ꓖꓶ ꓡ ꓟ ꓥ ꓡꓳ꓿

ꓣꓳ ꓥꓳꓽ ꓡꓰ ꓟ ꓐꓰ ꓛꓬ ꓡꓰ ꓟ ꓝꓴꓲ. ꓔꓯ ꓓꓴ ꓙ ꓒꓳ, ꓡꓲꓼ ꓡ ꓠ, ꓟ ꓪꓴ‐ꓢ ꓠꓬ ꓣꓳ ꓔꓯ ꓡꓳ. ꓔꓬ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓢꓲꓺ ꓒ ꓬꓰ‐ꓢꓴ ꓦꓵꓻ ꓡ ꓟ ꓙꓵ, ꓔꓯ ꓡꓳ. ꓔꓬ ꓟ ꓙꓵ, ꓗꓪ ꓪꓴ‐ꓢ ꓠꓲ, ꓒꓴ ꓟ ꓚꓱ, ꓗꓪ ꓞꓳ ꓫꓱ ꓓꓴ ꓬꓰ ꓡꓯ꓿ ꓣꓳ ꓒ ꓕꓲ ꓗꓪ ꓔꓬ ꓢꓴ ꓫ. ꓢꓴ ꓔꓯ ꓬꓰ ꓙ ꓔꓳ, ꓙ ꓓꓴ ꓬꓰ ꓡꓯ ꓐꓰ ꓢꓯꓼ ꓖꓶˍ ꓩꓴ ꓡ ꓥꓳ꓿ ꓫ. ꓟꓳ ꓪ꓿