ꓬꓰ‐ꓢꓴ ꓬꓲ ꓒꓬꓱꓽ ꓑꓶ. ꓡꓰ ꓟ ꓑꓮꓲ꓿ (Transfiguration of Jesus)

ꓬꓰ‐ꓢꓴ ꓬꓲ ꓒꓬꓱꓽ ꓑꓶ. ꓡꓰ ꓟ ꓑꓮꓲ꓿

ꓠꓬꓲ. ꓠꓬꓲ ꓠꓬ ꓘꓴ ꓜꓲꓼ ꓞꓳ ꓟꓶ ꓘꓳꓼ ꓗꓪ ꓐꓰ 18 ꓫꓵꓽ ꓠꓽ ꓥ ꓢꓲ ꓠꓬꓲ ꓠꓬꓲ. ꓠꓬꓲ ꓵ ꓠ, ꓟ ꓢꓲꓽ ꓫꓬ ꓕꓳ  ꓶ ꓠꓬ  ꓟ‐ꓕꓲ ꓕꓳ ꓶ 17ꓽ 1‐9 ꓝꓲ ꓗꓪ ꓥ ꓢꓲ ꓠꓬꓲ ꓢꓲꓺ ꓒ ꓬꓰ꓿ꓢꓴ  ꓬꓲ ꓒꓬꓱꓽ ꓑꓶ. ꓡꓰ ꓟ ꓚꓱ, ꓔꓯ ꓡꓳ. ꓟꓳ ꓪ ꓡꓳ꓿ ꓛꓳꓼ ꓠꓬꓲ ꓗꓳ. ꓗꓷ ꓠꓬꓲ ꓬꓰ‐ꓢꓴ ꓠꓽ ꓒꓲ‐ꓕꓱ ꓐꓰ ꓬ‐ꓗꓴ ꓐꓰ ꓬꓲ‐ꓗꓴ ꓬꓲ ꓠꓬꓲ ꓤ ꓬꓳ‐ꓦ ꓔꓯ ꓧꓳꓽ ꓔ ꓢꓲ ꓟꓴˍ ꓟ ꓪꓽ ꓚꓲ ꓕꓲꓽ ꓚꓲ ꓗꓪ ꓓꓯ ꓙꓰˍ ꓡꓳ꓿ ꓕꓱ ꓡꓱ ꓐꓰ ꓢꓲꓺ ꓒ ꓬꓰ‐ꓢꓴ ꓠꓬ ꓟꓳ‐ꓫꓲ ꓐꓰ ꓬꓲ‐ꓡꓲ‐ꓬ ꓐꓴ ꓐꓰ ꓫ. ꓕꓱ ꓡꓯ ꓘꓳ ꓟ ꓥ ꓡꓳ꓿ ꓢꓲꓽ ꓫꓬ ꓕꓳ ꓶ ꓔꓯ ꓡꓳ. ꓠꓬꓲ ꓕꓯ ꓢꓲꓺ ꓒ ꓬꓰ‐ꓢꓴ ꓠꓬ ꓬꓲ ꓝꓲ ꓓꓴ ꓐꓴ ꓔꓯ ꓬꓲ ꓠꓬ ꓚꓬꓴ ꓢꓲꓺ ꓒ ꓥ ꓟ ꓔꓯ ꓟ. ꓖꓶ ꓟ ꓥ ꓡꓳ꓿ ꓝꓮꓲ ꓬꓲ ꓝꓲ ꓓꓴ ꓐꓴ ꓔꓯ ꓟꓴ ꓗꓪ ꓗꓴꓷꓼ ꓔꓯ ꓕꓲ ꓑ ꓤꓼ ꓡꓳ. ꓟꓳ ꓪ ꓟ. ꓖꓶ ꓟ  ꓥ ꓡꓳ꓿

ꓢꓲꓺ ꓒ ꓬꓰ‐ꓢꓴ ꓝꓲ ꓓꓴ ꓢꓽ ꓣꓳ ꓠꓬ ꓟꓴ ꓗꓴ ꓗꓴꓷꓼ ꓗꓪ ꓮ ꓡꓰ ꓫꓵꓽ ꓥ ꓟ ꓔꓯ ꓕꓲ ꓑ ꓤ ꓡꓳ. ꓟꓳ ꓪ ꓡꓰ ꓗ. ꓠꓯ ꓪꓽ ꓚꓲ. ꓗꓪ ꓦꓲꓻ ꓫꓬ, ꓠ, ꓟ ꓢꓲꓺ ꓒ ꓬꓰ‐ꓢꓴ ꓔꓯ ꓓꓰꓽ ꓗꓷ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓢꓲꓺ ꓒ ꓬꓰ‐ꓢꓴ ꓝꓲ ꓓꓴ ꓐꓴ ꓔꓯ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓟꓲ ꓠꓯ ꓗꓪ ꓐꓰ ꓫꓵꓻ ꓡꓰ ꓢꓲ ꓠꓬꓲ ꓣꓳ ꓦꓻ ꓟꓴ    ꓗꓪ ꓗꓴꓷꓼ ꓗꓪ ꓛꓲ ꓡꓰ ꓟ ꓕꓯ ꓮ ꓟꓬ, ꓗ, ꓛꓲ ꓟ ꓔꓯ ꓝꓲ ꓓꓴ ꓐꓴ ꓔꓯ ꓢꓲꓺ ꓒ ꓬꓰ‐ꓢꓴ ꓠꓬ ꓕꓲ ꓑ ꓤ ꓟ. ꓖꓶ ꓗꓷ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓟꓴ ꓗꓪ ꓗꓴꓷꓼ ꓗꓪ ꓛꓲ ꓡꓰ ꓟ ꓙꓵ, ꓔꓯ ꓗ, ꓛꓲ ꓠ, ꓟ ꓮ ꓟꓶ ꓣꓳ ꓔꓬ ꓟ ꓙꓵ, ꓕꓯ ꓫ. ꓓꓴ ꓟꓶ ꓓꓴ ꓔꓳ, ꓜꓳ ꓡꓰ ꓟ ꓫ. ꓔ ꓟ ꓐꓰ ꓢꓲꓺ ꓒ ꓬꓰ‐ꓢꓴ ꓡꓯ ꓐꓳ ꓔꓲ. ꓓꓴ ꓔꓯ ꓑꓱ. ꓔ ꓢꓲ ꓠꓬꓲ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓬꓲ. ꓗ. ꓠꓯ ꓛꓳꓽ ꓠ, ꓟ ꓣꓳ ꓔꓯ ꓘꓴꓽ ꓔꓬ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓥ ꓟꓲ ꓣꓳ ꓠꓯ ꓗꓪ ꓟꓽ ꓙꓲˍ ꓟ ꓚꓱ, ꓮ ꓙꓵꓽ ꓔꓯ ꓡꓳ. ꓗꓷ ꓛ ꓗꓷ ꓢꓲ ꓠꓬꓲ ꓢꓲꓺ ꓒ ꓗ. ꓠꓯ ꓛꓳꓽ ꓫꓪ ꓓꓴ ꓬꓰ ꓡꓯ꓿ ꓣꓳ ꓟꓴ ꓗꓪ ꓗꓴꓷꓼ ꓙꓽ ꓖꓴ ꓗꓪ ꓛꓳꓽ ꓫꓱ ꓓꓴ ꓬꓰ ꓡꓯ꓿ ꓢꓲꓺ ꓒ ꓠꓲ, ꓒꓴ ꓟ ꓚꓱ, ꓔꓯ ꓛꓳꓽ ꓫꓪ ꓓꓴ ꓬꓰ ꓡꓯ꓿

ꓠꓬꓲ. ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓢꓲꓺ ꓒ ꓬꓰ‐ꓢꓴ ꓠꓬ ꓪꓴ‐ꓢ ꓚꓵ ꓥ ꓟ ꓬꓲ. ꓝꓲ ꓓꓴ ꓐꓴ ꓔꓯ ꓟ. ꓖꓶ ꓔ ꓟ ꓡꓰ ꓐꓰ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓥ ꓟꓲ ꓢꓲꓺ ꓒ ꓐꓯ ꓘꓶꓽ ꓔꓯ ꓛꓳꓽ ꓓꓴ ꓬꓰ ꓡꓯ꓿ ꓣꓳ ꓝꓴꓲ ꓔꓯ ꓡꓳ. ꓗꓷ ꓛ ꓗꓷ ꓢꓲ ꓠꓬꓲ ꓢꓲꓺ ꓒ ꓠꓲ, ꓒꓴ ꓟ ꓚꓱ, ꓗꓪ ꓛꓳꓽ ꓫꓪ ꓓꓴ ꓬꓰ ꓡꓯ꓿

ꓢꓲꓺ ꓒ ꓬꓰ‐ꓢꓴ ꓝꓲ ꓓꓴ ꓢꓽ ꓣꓳ ꓠꓬ ꓟꓴ ꓗꓴ ꓗꓴꓷꓼ ꓗꓪ ꓮ ꓡꓰ ꓫꓵꓽ ꓥ ꓟ ꓔꓯ ꓕꓲ ꓑ ꓤ ꓡꓳ. ꓟꓳ ꓪ ꓡꓰ ꓗ. ꓠꓯ ꓪꓽ ꓚꓲ. ꓗꓪ ꓦꓲꓻ ꓫꓬ, ꓠ, ꓟ ꓢꓲꓺ ꓒ ꓬꓰ‐ꓢꓴ ꓔꓯ ꓓꓰꓽ ꓗꓷ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓢꓲꓺ ꓒ ꓬꓰ‐ꓢꓴ ꓝꓲ ꓓꓴ ꓐꓴ ꓔꓯ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓟꓲ ꓠꓯ ꓗꓪ ꓐꓰ ꓫꓵꓻ ꓡꓰ ꓢꓲ ꓠꓬꓲ ꓣꓳ ꓦꓻ ꓟꓴ    ꓗꓪ ꓗꓴꓷꓼ ꓗꓪ ꓛꓲ ꓡꓰ ꓟ ꓕꓯ ꓮ ꓟꓬ, ꓗ, ꓛꓲ ꓟ ꓔꓯ ꓝꓲ ꓓꓴ ꓐꓴ ꓔꓯ ꓢꓲꓺ ꓒ ꓬꓰ‐ꓢꓴ ꓠꓬ ꓕꓲ ꓑ ꓤ ꓟ. ꓖꓶ ꓗꓷ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓟꓴ ꓗꓪ ꓗꓴꓷꓼ ꓗꓪ ꓛꓲ ꓡꓰ ꓟ ꓙꓵ, ꓔꓯ ꓗ, ꓛꓲ ꓠ, ꓟ ꓮ ꓟꓶ ꓣꓳ ꓔꓬ ꓟ ꓙꓵ, ꓕꓯ ꓫ. ꓓꓴ ꓟꓶ ꓓꓴ ꓔꓳ, ꓜꓳ ꓡꓰ ꓟ ꓫ. ꓔ ꓟ ꓐꓰ ꓢꓲꓺ ꓒ ꓬꓰ‐ꓢꓴ ꓡꓯ ꓐꓳ ꓔꓲ. ꓓꓴ ꓔꓯ ꓑꓱ. ꓔ ꓢꓲ ꓠꓬꓲ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓬꓲ. ꓗ. ꓠꓯ ꓛꓳꓽ ꓠ, ꓟ ꓣꓳ ꓔꓯ ꓘꓴꓽ ꓔꓬ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓥ ꓟꓲ ꓣꓳ ꓠꓯ ꓗꓪ ꓟꓽ ꓙꓲˍ ꓟ ꓚꓱ, ꓮ ꓙꓵꓽ ꓔꓯ ꓡꓳ. ꓗꓷ ꓛ ꓗꓷ ꓢꓲ ꓠꓬꓲ ꓢꓲꓺ ꓒ ꓗ. ꓠꓯ ꓛꓳꓽ ꓫꓪ ꓓꓴ ꓬꓰ ꓡꓯ꓿ ꓣꓳ ꓟꓴ ꓗꓪ ꓗꓴꓷꓼ ꓙꓽ ꓖꓴ ꓗꓪ ꓛꓳꓽ ꓫꓱ ꓓꓴ ꓬꓰ ꓡꓯ꓿ ꓢꓲꓺ ꓒ ꓠꓲ, ꓒꓴ ꓟ ꓚꓱ, ꓔꓯ ꓛꓳꓽ ꓫꓪ ꓓꓴ ꓬꓰ ꓡꓯ꓿

ꓠꓬꓲ. ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓢꓲꓺ ꓒ ꓬꓰ‐ꓢꓴ ꓠꓬ ꓪꓴ‐ꓢ ꓚꓵ ꓥ ꓟ ꓬꓲ. ꓝꓲ ꓓꓴ ꓐꓴ ꓔꓯ ꓟ. ꓖꓶ ꓔ ꓟ ꓡꓰ ꓐꓰ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓥ ꓟꓲ ꓢꓲꓺ ꓒ ꓐꓯ ꓘꓶꓽ ꓔꓯ ꓛꓳꓽ ꓓꓴ ꓬꓰ ꓡꓯ꓿ ꓣꓳ ꓝꓴꓲ ꓔꓯ ꓡꓳ. ꓗꓷ ꓛ ꓗꓷ ꓢꓲ ꓠꓬꓲ ꓢꓲꓺ ꓒ ꓠꓲ, ꓒꓴ ꓟ ꓚꓱ, ꓗꓪ ꓛꓳꓽ ꓫꓪ ꓓꓴ ꓬꓰ ꓡꓯ꓿