ꓬꓰ-ꓢꓴ ꓔꓯ ꓢꓲ ꓫꓬ ꓦꓲ ꓗꓪ ꓧꓳꓽ ꓙꓰ_ ꓟ

ꓡꓴ-ꓘ 2ꓽ22-40

ꓟꓳ-ꓫꓲ ꓙꓵꓽ ꓗ ꓔꓯ ꓛꓳ ꓢꓲ꓾ ꓢꓲꓽ ꓫꓬ ꓡꓰ ꓝꓲˍ ꓟ ꓦꓬꓼ ꓠꓬꓲ ꓐꓲ ꓡ ꓕꓯ꓾ ꓬꓲ ꓪꓽ ꓠꓬ ꓤ ꓠꓱ ꓤ ꓔꓯ ꓟꓯꓻ ꓔ ꓢꓲ꓾ ꓪꓴ-ꓢ ꓔꓯ ꓔꓲ ꓚꓰꓸ ꓖꓶ ꓠꓹ ꓟ ꓙꓱ-ꓣꓴ-ꓢ-ꓡꓱ ꓗꓪ ꓓꓯ ꓙꓰˍ ꓡꓳ꓿ꓬꓲ ꓪꓽ ꓠꓬ ꓢꓲ ꓒꓽ ꓙꓵꓽ ꓗ ꓗꓪ꓾ ꓮꓸ ꓖꓴꓽ ꓕꓲ ꓜꓱꓻ꓾ ꓥ ꓠꓬ ꓓꓱꓽ ꓑꓶ ꓤꓽ ꓠꓬꓲꓽ ꓟ꓾ ꓐꓯ ꓔ ꓟ ꓡꓰ ꓐꓰ ꓪꓴ-ꓢ ꓔꓯ ꓔꓲ ꓖꓶ ꓬꓰˍ ꓡꓳ꓿ 40ꓸ ꓤ ꓠꓱ ꓤ ꓠꓬ ꓪꓴꓽ ꓡ ꓢꓲ ꓢꓯꓼ ꓙꓳ ꓡ ꓡꓳ꓿ ꓙꓽ ꓜꓲꓼ ꓠꓲꓹˍ ꓟꓲ ꓟꓬꓽ ꓡ ꓢꓲ꓾ ꓪꓴ-ꓢ ꓣꓱꓽ ꓛꓰ ꓬꓲ ꓔꓯ ꓛꓳ ꓞꓹ ꓡꓳ꓿

ꓬꓰ-ꓢꓴ ꓠꓬ ꓦꓵꓸꓹ ꓡ ꓟ ꓕꓲ ꓠꓬꓲ ꓗꓪ ꓐꓰ ꓪꓴ-ꓢ ꓠꓲꓹ ꓡꓶꓽ ꓔꓯ ꓛꓳ ꓠꓹ ꓟ ꓬꓲ ꓚꓲ ꓛꓬ ꓙꓽ ꓖꓶ_ ꓟ ꓥꓳ= ꓟꓹ ꓟ ꓟ-ꓡꓲ ꓐꓰ ꓬꓳ-ꓢꓷ ꓥ ꓟꓲ ꓪꓴ-ꓢ ꓔꓯ ꓮ ꓘꓶꓸ ꓙꓵꓸꓹ ꓢꓲ-ꓸ ꓟꓳ-ꓫꓲ ꓙꓵꓽ ꓗ ꓔꓯ ꓥ ꓟꓲ ꓛꓳ ꓢꓴ ꓥ ꓟ ꓔꓯ ꓢꓲ ꓫꓬ ꓕꓳ ꓶ ꓗꓪ ꓟꓳ ꓪ ꓡꓳ= ꓖꓳ ꓓꓱ ꓔꓲꓹ ꓟꓶ_ ꓟ ꓠꓬ ꓣꓳ ꓔꓯ ꓪꓴ-ꓢ ꓤ ꓠꓱ ꓗꓷ ꓡꓰ_ ꓟ ꓥꓳ= ꓖꓳ ꓟ ꓡꓰ ꓟ ꓞꓲ ꓘꓴ ꓜꓲꓼ ꓞꓳ ꓗꓪ ꓐ ꓡꓰ_ ꓟ ꓶ ꓤ ꓫꓱꓸ ꓤ ꓥ ꓟꓲ ꓪ ꓟꓶ_ ꓟ ꓥꓳ= ꓮ ꓟꓶ ꓕꓲ ꓤꓶꓸꓹ ꓗꓪ ꓚꓬꓴ ꓙ_ ꓟ ꓟꓬꓱꓽ ꓔꓯ ꓣꓳ ꓮ ꓡꓲ ꓐꓯ ꓠꓯ_ ꓡ? ꓡꓳꓹ ꓬꓰ_ ꓟ ꓦꓬꓼ ꓠꓬꓲ ꓗꓪ ꓐꓰ ꓡ ꓞꓳ ꓐꓴ ꓠꓬ ꓚꓬꓴ ꓙ_ ꓟ ꓔꓯ ꓥꓳ ꓡꓳꓸ ꓓꓴ ꓗꓪ ꓐꓰ ꓟꓸ ꓔ ꓡꓳ= ꓮ ꓟꓶ ꓕꓲ ꓤꓶꓸꓹ ꓗꓪ ꓠꓬ ꓬꓰ-ꓢꓴ ꓠꓬꓲ ꓧꓪꓹ ꓕꓲ ꓧꓪ ꓬꓯꓼ ꓡ ꓥꓳ ꓐꓰ ꓙꓵꓸꓹ ꓥ ꓟꓲ ꓦꓬꓼ ꓠꓬꓲ ꓒꓬ ꓡꓰ ꓓꓴ ꓔꓯ ꓥ ꓟꓲ ꓙꓳ ꓔꓬ ꓟ-ꓸ ꓙꓬ ꓫꓸ ꓔꓬ ꓟ ꓥ ꓡꓳ= ꓬꓰ-ꓢꓴ ꓙꓲ ꓢꓴ ꓬꓯꓼ ꓡ_ ꓟ ꓠꓬ ꓦꓬꓼ ꓠꓬꓲ ꓖꓴ ꓡꓰ_ ꓟ ꓟꓽ ꓥ-ꓸ ꓟꓲ ꓠꓯ ꓕꓱ ꓟ ꓗꓪ ꓔꓬ ꓟ ꓣꓳ ꓕꓲ ꓣꓳ ꓡꓲ ꓕꓲ ꓣꓳ ꓕꓯ ꓢꓲ ꓟꓬ ꓠꓬꓲ ꓐꓲ ꓜꓲꓼ_ ꓟ ꓶ ꓤ ꓫꓱꓸ ꓤ ꓔꓯ ꓖꓶ ꓠꓹ ꓟ ꓥ ꓡꓳ= ꓣꓳ ꓥ ꓟꓲ ꓣꓳ ꓛꓳ ꓠꓹ ꓟ ꓙꓵꓽ ꓗ ꓔꓯ ꓔꓱ ꓔꓱꓹ ꓐꓰ ꓛꓳ ꓠꓹ ꓟ ꓥ ꓟꓲ ꓣꓱ ꓬꓯꓼ_ ꓡꓳ=

Add new comment

2 + 1 =