ꓬꓰ-ꓢꓴ ꓙꓱ-ꓣꓴ-ꓢ-ꓡꓱ ꓗꓪ ꓓꓵꓽ ꓡꓰˍ ꓟ ꓟ-ꓘꓳ ꓕꓳꓽ ꓶ 11ꓽ 1-11

#credit photo #rvalisu

ꓬꓰ-ꓢꓴ ꓙꓱ-ꓣꓴ-ꓢ-ꓡꓱ ꓗꓪ ꓓꓵꓽ ꓡꓰˍ ꓟ

 ꓟ-ꓘꓳ ꓕꓳꓽ ꓶ 11ꓽ 1-11

 

ꓙꓱ-ꓣꓴ-ꓢ-ꓡꓱ ꓗꓪ ꓬꓲ ꓪꓽ ꓠꓶꓽ ꓡ ꓕꓯ꓾ ꓮꓽ-ꓛꓬ-ꓪꓽ-ꓚꓲ ꓗꓪ ꓟ ꓐꓱ-ꓒ-ꓖꓶˍ ꓐꓰ ꓐꓱ-ꓕ-ꓠꓲ ꓗꓪ ꓛꓲ ꓡ ꓠꓬ꓾ ꓬꓰ-ꓢꓴ ꓡꓰ ꓛꓳꓽ ꓒꓯꓹ ꓠꓬꓲꓽ ꓣꓳ ꓔꓯ ꓝꓲ ꓩꓴ ꓗꓷ ꓢꓲ꓾ 2 ꓠꓴ ꓪꓽ ꓠꓬ ꓔꓱꓹ ꓞꓹ ꓟ ꓘꓹ ꓗꓪ ꓓꓵꓽ ꓙꓰ꓿ ꓖꓳ ꓗꓪ ꓒꓻ ꓓꓵꓽ ꓡꓰ ꓟꓶꓽ ꓕꓯ꓾ ꓞꓳ ꓤ ꓮꓽ ꓟˍ ꓟꓲ ꓟꓽ ꓜꓶꓽ ꓠꓬꓲ ꓢꓰꓽ ꓟ ꓕꓳꓽ ꓡ ꓟꓴꓽ ꓤ ꓕꓲ ꓛꓲ ꓞꓳꓹ ꓔ ꓟ ꓠꓴ ꓪꓽ ꓟꓳꓻˍ ꓥꓳ꓿ ꓒꓶꓻ ꓢꓲ ꓢꓲꓺ ꓔꓯꓹ ꓖꓶ ꓡꓯ꓿ 3 ꓮꓽ ꓟ ꓡꓰ ꓠꓴ ꓪꓽ ꓔꓯ꓾ ꓮꓸ ꓫꓵ ꓪꓴꓸ ꓠꓬꓲ ꓕꓱ ꓡꓱ ꓬꓰˍ ꓡ?꓾ ꓐꓰ ꓐꓯ ꓡ ꓠꓬ꓾ ꓢꓲ ꓒꓽ ꓣꓱꓽ ꓬꓯꓼˍ ꓡꓳ꓾ ꓐꓯ ꓖꓶ꓿ ꓖꓳ ꓡꓱ ꓠꓬ ꓬꓲ ꓡꓰ ꓞꓼ ꓐꓰ ꓕꓱ ꓗꓪ ꓢꓲꓺ ꓡ ꓝꓲˍ ꓥꓳ꓾ ꓐꓯˍ ꓡꓳ꓿ 4 ꓬꓲ ꓪꓽ ꓙꓰ ꓗꓷ ꓠꓬ꓾ ꓘꓹ ꓙ ꓖꓴ ꓐ ꓢꓲꓺ ꓗ ꓘꓶꓽ ꓓꓴꓽ ꓗꓪ꓾ ꓕꓳꓽ ꓡ ꓟꓴꓽ ꓤ ꓕꓲ ꓛꓲ ꓞꓳꓹ ꓔ ꓟ ꓔꓯ ꓟꓳꓻ ꓢꓲ ꓒꓶꓻ ꓔꓬ ꓕꓯ꓾ 5 ꓖꓳ ꓗꓪ ꓦꓰꓼ ꓞꓹ ꓢꓴ ꓕꓲ ꓐꓱ ꓡꓰ ꓬꓲ ꓪꓽ ꓔꓯ꓾ ꓮꓸ ꓫꓵ ꓪꓴꓸ ꓠꓬꓲ ꓕꓳꓽ ꓡ ꓟꓴꓽ ꓤ ꓔꓯ ꓒꓶꓻˍ ꓡ?꓾ ꓐꓯˍ ꓡꓳ꓿ 6 ꓬꓲ ꓪꓽ ꓠꓬ ꓬꓰ-ꓢꓴ ꓟꓸ ꓔ ꓟ ꓡꓰ ꓐꓰ ꓐꓯ ꓖꓶ ꓗꓷ ꓠꓬ꓾ ꓢꓲꓺ ꓙꓰ ꓝꓲˍ ꓡꓳ꓿ 7 ꓬꓰ-ꓢꓴ ꓔꓬ ꓗꓪ ꓢꓲꓺ ꓛꓲ ꓡ ꓢꓲ꓾ ꓬꓲ ꓪꓽ ꓚꓲꓸ ꓛꓬ ꓐꓵ ꓞꓶꓽ ꓕꓳ ꓡ ꓟꓴ ꓤ ꓕꓯ ꓢꓲ ꓗꓪ ꓘꓳꓽ ꓗꓷ ꓠꓬ ꓬꓰ-ꓢꓴ ꓜꓶꓽˍ ꓡꓳ꓿ 8 ꓡꓽ ꓞꓳ ꓮꓽ ꓟꓬꓹ ꓠꓬ ꓙ ꓖꓴ ꓗꓪ ꓐꓵ ꓞꓶꓽ ꓘꓳꓽ ꓖꓶˍ ꓡꓳ꓿ ꓠꓱꓸ ꓐꓯꓼ ꓢꓴ ꓠꓬ ꓦ ꓟꓲ ꓦ ꓐꓽ ꓗꓪ ꓐꓰ ꓢꓲꓹ ꓒꓬꓽ ꓑꓳ ꓛꓵ ꓔꓯꓹ ꓡ ꓢꓲ ꓙ ꓖꓴ ꓗꓪ ꓘꓳꓽ ꓖꓶˍ ꓡꓳ꓿ 9 ꓟꓲꓽ ꓕꓯꓽ ꓢꓲ ꓗꓪ ꓙꓰ ꓢꓴˍ ꓐꓰ ꓗꓸ ꓠꓯ ꓢꓲ ꓗꓪ ꓛꓳ ꓡ ꓢꓴ ꓠꓬ꓾ ꓪꓴ-ꓢ ꓔꓯ ꓫꓱꓸ ꓖꓶ꓾ ꓢꓲ ꓒꓽ ꓟꓬꓱꓺ ꓗꓪ ꓐꓰ ꓡꓻ ꓢꓴ ꓠꓽ ꓶꓼ ꓙꓳ ꓫꓱꓹ ꓙꓳˍ ꓡꓳ꓿ 10 ꓡꓻ ꓠꓹ ꓟ ꓣꓳ ꓒꓵꓽ ꓒ ꓓ-ꓪꓵ ꓬꓲ ꓗꓴꓷꓼ ꓠꓽ ꓶꓼ ꓙꓳ ꓫꓱꓹ ꓙꓳˍ ꓡꓳ꓾ ꓟꓴ ꓡꓳꓹ ꓬꓰ ꓟ ꓪꓴ-ꓢ ꓔꓯ ꓫꓱꓸ ꓖꓶ꓾ ꓐꓰ ꓘꓴˍ ꓡꓳ꓿ 11 ꓬꓰ-ꓢꓴ ꓠꓬ ꓙꓱ-ꓣꓴ-ꓢ-ꓡꓱ ꓗꓪ ꓛꓲ ꓡ ꓕꓯ꓾ ꓢꓲꓽ ꓫꓬ ꓦꓲ ꓗꓪ ꓓꓵꓽ ꓡꓰ ꓢꓲ꓾ ꓚꓳ ꓡꓳ ꓗꓪ ꓙꓳˍ ꓟ ꓮꓽ ꓙꓵ ꓔꓯ ꓡꓳꓸ ꓠꓬꓲˍ ꓡꓳ꓿ ꓖꓳ ꓕꓯ ꓟꓰꓻ ꓬꓰ ꓡ ꓠꓬꓲ꓾ ꓬꓲˍ ꓐꓰ ꓞꓲ ꓠꓬꓲꓽ ꓣꓳ ꓠꓬ ꓐꓱ-ꓕ-ꓠꓲ ꓘꓹ ꓗꓪ ꓙꓰˍ ꓡꓳ꓿

Add new comment

5 + 2 =