ꓬꓰ-ꓢꓴ ꓠꓬ ꓡ ꓞꓳ ꓮꓽ ꓟꓬꓹ ꓣꓳ ꓔꓯ ꓠꓻ ꓫꓬꓹ ꓖꓶˍ ꓟ

 (ꓟ-ꓘꓳ=3ꓽ7-12)

ꓖꓳ ꓗꓸ ꓠꓯꓸ ꓬꓰ-ꓢꓴˍ ꓐꓰ ꓬꓲ ꓛꓳꓽ ꓒꓯꓹ ꓐꓴ ꓬꓲꓻ ꓡꓴꓽ ꓐꓱ ꓔꓯꓸ ꓟꓳꓸ ꓙꓵꓺ ꓙꓰ ꓠꓬ꓾ ꓖ-ꓡꓲ-ꓡꓲ ꓗꓪ ꓐꓰ ꓡꓻ ꓟ ꓞꓳ ꓜꓴ ꓞꓳ ꓟꓯꓼˍ ꓐꓰ꓾ ꓬꓴ-ꓔ ꓟꓵꓽ ꓢꓴˍ ꓟꓲ ꓬꓲ ꓔꓯ ꓛꓳ ꓙꓰˍ ꓡꓳ꓿ꓝꓮꓲ ꓙꓱ-ꓣꓴ-ꓢ-ꓡꓱˍ ꓐꓰ ꓬꓲ-ꓓꓳ-ꓟꓷˍ ꓐꓰ ꓬꓳ-ꓔ ꓬꓲꓽ ꓟ ꓖꓳ ꓐ ꓢꓲ꓾ ꓕꓲ-ꓬˍ ꓐꓰ ꓢꓲ-ꓓꓳ ꓚꓳ ꓡꓳ ꓗꓪ ꓔꓬ ꓢꓴ ꓞꓳ ꓜꓴ ꓞꓳ ꓟꓯꓼ ꓐꓴˍ ꓟꓲ꓾ ꓬꓲ ꓬꓰˍ ꓟ ꓟꓬꓱꓽ ꓔꓯ ꓑ ꓙꓽ ꓢꓲ ꓬꓲ ꓔꓯ ꓡꓻ ꓡꓳ꓿ꓞꓳ ꓜꓴ ꓡꓰ ꓬꓲ ꓔꓯ ꓟꓽ ꓝꓲꓽ ꓡ ꓠꓹ ꓟ꓾ ꓡꓲꓺ ꓤ ꓕꓲ ꓟ ꓧꓪ ꓔ ꓖꓶ꓾ ꓐꓰ ꓬꓲ ꓛꓳꓽ ꓒꓯꓹ ꓐꓴ ꓔꓯ ꓐꓯ ꓖꓶˍ ꓡꓳ꓿ꓮ ꓡꓲꓳ ꓐꓯ ꓠꓬ ꓬꓲ ꓡꓰ ꓡꓽ ꓞꓳ ꓮꓽ ꓟꓬꓹ ꓣꓳ ꓔꓯ ꓫꓬꓹ ꓓꓻ ꓡꓰ ꓠꓬꓲ꓾ ꓠꓻ ꓢꓴ ꓥ ꓕ ꓑꓳꓸ ꓬꓲ ꓔꓯ ꓫꓱꓹ ꓪ ꓠꓹ ꓟ ꓑꓵꓺ ꓡ ꓡꓳ꓿ꓠꓲꓽ ꓟꓯꓹ ꓢꓴˍ ꓟꓲ ꓬꓲ ꓔꓯ ꓮ ꓕꓯꓽ ꓟꓳꓻ ꓠꓬ ꓖꓳ ꓕꓯꓽ ꓬꓲ ꓟꓲꓽ ꓙꓬꓽ ꓗꓪ ꓟꓳꓼ ꓡ ꓢꓲ꓾ ꓠꓴ ꓠꓬ ꓪꓴ-ꓢ ꓮ ꓐꓲ ꓥꓳ꓾ ꓐꓰ ꓘꓴꓻˍ ꓡꓳ꓿ꓬꓲ ꓮꓽ ꓟ ꓥ ꓟ ꓢꓴ ꓔꓯ ꓕꓽ ꓢꓷꓸ ꓡꓰ ꓝꓲ꓾ ꓐꓰ ꓬꓲ ꓪꓽ ꓔꓯ ꓕꓵꓼ ꓪ ꓖꓶˍ ꓡꓳ꓿

Add new comment

20 + 0 =