ꓬꓰ-ꓢꓴ ꓠꓬ ꓢꓯꓼ ꓟꓬ ꓑ ꓑ ꓥ ꓟ

YO-V=6:44-51

ꓥꓪ ꓔꓯ ꓝꓲ ꓩꓴ ꓡ ꓢꓴ ꓐꓹ ꓐ ꓡꓰ ꓟꓽ ꓚꓵꓹ ꓧꓳꓽ ꓡ ꓠꓬ꓾ ꓮꓽ ꓟˍ ꓟꓲ ꓥꓪ ꓔꓯ ꓡ ꓟꓽ ꓐ ꓡ꓿ ꓥꓪ ꓔꓯ ꓡ ꓢꓴ ꓔꓯ ꓠꓬ ꓡꓳꓹ ꓬꓰˍ ꓟ ꓦꓬꓼ ꓠꓬꓲ ꓗꓪ ꓥꓪ ꓡꓰ ꓢꓯꓸ ꓬꓲꓼ ꓡ ꓝꓲˍ ꓥꓳ꓿ꓟꓷꓽ ꓠꓷꓹ ꓝꓸ ꓢꓴ ꓕꓳ ꓶ ꓗꓪ꓾ ꓬꓲ ꓪꓽ ꓮꓽ ꓙꓵ ꓠꓬ ꓪꓴ-ꓢ ꓡꓰ ꓟꓸ ꓔ ꓟ ꓗꓷ ꓡꓰˍ ꓥꓳ꓾ ꓐꓰ ꓐꓳ ꓔ ꓡꓳ꓿ ꓐꓹ ꓐ ꓔꓯ ꓑ ꓙꓽ ꓢꓲ ꓢꓳ ꓟꓶ ꓢꓴ ꓥ ꓕ ꓑꓳꓸ ꓠꓬ ꓥꓪ ꓔꓯ ꓡꓻˍ ꓥꓳ꓿ꓪꓴ-ꓢ ꓔꓯˍ ꓐꓰ ꓡꓻ ꓢꓴ ꓖꓳ ꓕꓲ ꓣꓳ ꓟꓽ ꓥ ꓠꓬ꓾ ꓬꓲ ꓔꓯ ꓟꓳꓻ ꓠꓬꓲ ꓢꓴ ꓟꓽ ꓙꓳ꓿ ꓥꓪ ꓠꓽ ꓐꓹ ꓐ ꓔꓯ ꓟꓳꓻ ꓠꓬꓲꓳ꓿ꓥꓪ ꓔꓱꓹ ꓔꓱꓹꓼ ꓠꓴ ꓪꓽ ꓔꓯ ꓐꓯ ꓖꓶˍ ꓠꓬꓲ꓾ ꓙꓵꓻ ꓢꓴ ꓠꓬ ꓕꓲ ꓞꓲꓼ ꓕꓲ ꓑ ꓟ ꓢꓯꓼ ꓟꓬ ꓙꓳˍ ꓡꓳ꓿ꓥꓪ ꓠꓽ ꓢꓯꓼ ꓟꓬ ꓑ ꓑ ꓥ ꓡꓳ꓿ꓠꓴ ꓪꓽ ꓒꓵꓽ ꓒ ꓐꓴ ꓠꓬ ꓡꓲ ꓛꓲ ꓟꓵꓽ ꓛꓱꓹ ꓗꓪ ꓟ-ꓠ ꓑ ꓑ ꓜꓽ ꓢꓲ ꓫꓵꓻꓳ꓿ꓟꓴꓽ ꓗꓪ ꓗꓪ ꓐꓰ ꓬꓯꓼ ꓡ ꓟ ꓑ ꓑ ꓕꓱ ꓟ ꓜꓽ ꓢꓴ ꓠꓬ ꓟꓽ ꓫꓵꓻ ꓡ꓿ꓥꓪ ꓠꓽ ꓟꓴꓽ ꓗꓪ ꓗꓪ ꓐꓰ ꓬꓯꓼ ꓡ ꓟ ꓑ ꓑ ꓬꓲ ꓢꓯꓸ ꓥ ꓡꓳ꓿ ꓑ ꓑ ꓕꓱ ꓟ ꓜꓽ ꓢꓴ ꓠꓬ ꓕꓲ ꓞꓲꓼ ꓕꓲ ꓑ ꓢꓯꓸ ꓔꓬ ꓥꓳ꓿ ꓝꓮꓲ ꓠꓬ ꓟꓲ ꓠꓯ ꓡ ꓞꓳ ꓢꓯꓼ ꓟꓬ ꓐꓱ ꓶ꓾ ꓥꓪ ꓖꓶ ꓠꓹ ꓟ ꓑ ꓑ ꓠꓬ꓾ ꓥꓪ ꓧꓪꓽ ꓥ ꓡꓳ꓾ ꓐꓯˍ ꓡꓳ꓿

Add new comment

2 + 2 =