Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓬꓰ-ꓢꓴ ꓡꓰ ꓠꓲꓽ ꓜꓶꓽ ꓞꓹ ꓟ ꓦꓲ-ꓡꓲ ꓮꓸ ꓟꓲꓽ ꓕꓲ ꓣꓳ ꓔꓯ ꓫꓬꓹ ꓖꓶꓽˍ ꓟ
Thursday, February 11, 2021
ꓬꓰ-ꓢꓴ ꓠꓬ ꓖꓳ ꓗꓪ ꓐꓰ ꓓꓳ ꓙꓰ ꓢꓲ꓾ ꓕꓲ-ꓬ ꓐꓰ ꓢꓲ-ꓓꓳ ꓟꓵꓽ ꓗꓪ ꓓꓵꓽ ꓙꓰˍ ꓡꓳ꓿ ꓬꓲ ꓠꓬ ꓦꓲ ꓕꓲ ꓦꓲ ꓗꓪ ꓓꓵꓽ ꓡꓰ ꓢꓲ꓾ ꓮꓽ ꓟ ꓔꓯˍ ꓟꓲ ꓬꓲ ꓔꓬ ꓟ ꓢꓷꓸ ꓡꓰ ꓝꓲ ꓠꓲꓹ ꓟꓽ ꓫꓵ꓿ ꓖꓳ ꓡꓱ ꓥ ꓟꓲ ꓢꓴ ꓟꓽ ꓢꓷꓸ ꓢꓷꓸ ꓬꓲ ꓑꓬ ꓠꓬꓹ ꓟꓽ ꓒꓬꓱꓼ ꓡ꓿ꓖꓳ ꓗꓪ ꓟꓽ ꓫꓬ ꓠꓲꓽ ꓜꓶꓽ ꓞꓹ ꓟ ꓮꓸ ꓟꓲꓽ ꓕꓲ ꓣꓳ ꓔꓬ ꓡꓳ꓿ ꓖꓳ ꓡꓱ ꓢꓲ ꓮꓸ ꓟꓲꓽ ꓬꓲ ꓟꓹ ꓟ ꓠꓬ ꓬꓰ-ꓢꓴ ꓖꓳ ꓗꓪ ꓛꓲ ꓡ ꓟ ꓑ ꓙꓽ ꓡꓰ ꓟꓶ ꓕꓯ꓾ ꓬꓲ ꓔꓯ ꓡ ꓢꓲ ꓬꓲ ꓟꓲꓽ ꓙꓬꓽ ꓗꓪ ꓟꓳꓼ ꓡ ꓡꓳ꓿ꓤ ꓟꓶ ꓤ ꓖꓳ ꓟ ꓠꓽ꓾ ꓢꓲ-ꓣꓳ-ꓩꓳ-ꓠꓲ-ꓫꓲ-ꓬ ꓟꓵꓽ ꓗꓪ ꓦꓵꓻ ꓔ ꓟ ꓦꓲ-ꓡꓲ ꓡꓽ ꓞꓳ ꓥ ꓢꓲ꓾ ꓠꓲꓽ ꓖꓳ ꓟ ꓔꓯ ꓬꓲ ꓮꓸ ꓟꓲꓽ ꓗꓪ ꓐꓰ ꓖꓼ ꓓꓳ ꓗꓷ ꓠꓹ ꓟ ꓬꓰ-ꓢꓴ ꓔꓯ ꓟꓽ ꓠꓽ ꓠꓽ ꓓꓰꓽˍ ꓡꓳ꓿ꓖꓳ ꓡꓱ ꓠꓬ ꓬꓰ-ꓢꓴ ꓡꓰ ꓬꓲ ꓔꓯ꓾ ꓤ ꓠꓱ ꓐꓴ ꓜꓽ ꓓꓴ ꓣꓴ ꓢꓲ ꓮꓸ ꓠꓽ ꓔꓯ ꓡꓳꓺ ꓖꓶ ꓜꓽ ꓙꓲꓽ ꓟꓽ ꓙꓳ꓿ ꓤ ꓠꓱ ꓐꓴ ꓔꓯ ꓧꓶꓸ ꓕꓯ ꓜꓽ ꓐꓳ ꓡꓰ ꓝꓲ ꓠ ꓗꓹ ꓡꓳ꓾ ꓐꓯ ꓖꓶˍ ꓡꓳ꓿ꓬꓲ ꓡꓰ ꓬꓰ-ꓢꓴ ꓔꓯ꓾ ꓥ ꓡꓳ꓾ ꓢꓲ ꓒꓽꓳ꓾ ꓖꓳ ꓡꓱ ꓥ ꓟꓲ ꓢꓽ ꓡ ꓠꓯꓸ ꓘꓪ ꓗꓪ ꓔꓬ ꓟ ꓮꓸ ꓠꓽˍ ꓟꓲ ꓤ ꓠꓱ ꓐꓴ ꓡꓰ ꓞꓰꓻ ꓗꓷ ꓟ ꓜ ꓟꓰꓽ ꓠꓽ ꓖꓳ ꓜꓽˍ ꓡꓳ꓾ ꓐꓰ ꓒꓳꓹ ꓖꓶˍ ꓡꓳ꓿ꓖꓳ ꓡꓱ ꓠꓬ ꓬꓰ-ꓢꓴ ꓡꓰ ꓬꓲ ꓔꓯ꓾ ꓠꓴ ꓕꓱ ꓡꓱ ꓒꓳꓹ ꓖꓶ ꓗꓴˍ ꓠꓬꓲ꓾ ꓙꓰ Gꓽ꓾ ꓠꓲꓽ ꓠꓬ ꓠꓴ ꓮꓸ ꓟꓲ ꓖꓳ ꓓꓱ ꓗꓪ ꓐꓰ ꓓꓳ ꓙꓰꓳ꓾ ꓐꓯ ꓖꓶˍ ꓡꓳ꓿ꓬꓲ ꓦꓲ ꓗꓪ ꓛꓲ ꓬꓰ ꓠꓬ꓾ ꓠꓲꓽ ꓠꓽ ꓓꓳ ꓙꓰ ꓗꓷ ꓢꓲ ꓤ ꓠꓱ ꓠꓬ ꓬꓲꓼ ꓖꓴ ꓗꓪ ꓬꓲꓼ ꓔ ꓔꓬ ꓟ ꓔꓯ ꓟꓳꓻ ꓡꓰꓳ꓿
Subscribe
Sign up to our newsletter and get latest news and updates straight to your inbox!
Download RVA App
Add new comment