ꓬꓲꓸ ꓫꓵꓼ ꓒꓬꓱꓼ ꓡ ꓔꓬ ꓟ

“ꓖꓳ ꓡꓱ ꓠꓬꓲ ꓥꓪ ꓠꓴꓽ ꓠꓬ ꓠꓲ, ꓟ ꓟꓽ ꓙꓬ ꓡꓰ꓿ ꓧꓪꓽ ꓖꓳ ꓓꓱ ꓕꓲꓽ ꓒꓳ, ꓗꓪ ꓣꓳ ꓠꓬ ꓟꓳꓽ ꓡꓰ ꓔꓬ, ꓟꓲ꓾ ꓦ ꓕꓲ ꓒꓳ, ꓗꓪ ꓠꓽ ꓕꓲ ꓠꓬꓲ ꓗ ꓠꓯ. ꓕꓲ ꓠꓬꓲ ꓬꓲ ꓫꓵꓽ ꓒꓬꓱꓼ ꓡ ꓔꓬ, ꓡꓳ꓿ ꓮ ꓡꓲꓳ ꓐꓯ ꓠꓬ ꓣꓳ ꓕꓲ ꓑ, ꓡꓳ ꓡꓳ ꓤ ꓫ ꓙꓵˍ ꓟ ꓡꓰ꓾ꓣꓳ ꓐꓱ ꓶ ꓔꓯ ꓖꓴ ꓟꓽ ꓓ ꓟ ꓕꓲ ꓞꓲꓼ ꓕꓲ ꓑ ꓟ ꓟꓬꓱ ꓓꓳꓽ ꓒꓬꓱꓼ ꓡ ꓝꓲˍ ꓡꓳ꓿ ꓣꓳ ꓠꓬ ꓟꓬ ꓢꓶꓽ ꓡꓰ ꓟꓳ ꓓ ꓡꓳ ꓫꓵꓽ ꓔꓯ ꓡꓳ. ꓔꓬ, ꓟ ꓟꓽ ꓥ꓿ ꓟꓳꓻ ꓟꓽ ꓓ ꓡꓳ ꓫꓵꓽ ꓔꓯ ꓡꓳ. ꓔꓬ, ꓟ ꓥ ꓡꓳ꓿ ꓮ ꓡꓲꓳ ꓐꓯ ꓠꓬ ꓟꓳꓻ ꓓ ꓡꓳ ꓫꓵꓽ ꓠꓬ ꓕꓲ ꓑ, ꓤ ꓐꓱ ꓶˍ ꓡꓰꓽ ꓥ ꓢꓲ꓾ ꓟꓳꓻ ꓟꓽ ꓓ ꓡꓳ ꓫꓵꓽ ꓠꓽ ꓕꓲ ꓞꓲꓼ ꓕ ꓑ ꓟ ꓥ ꓡꓳ꓿” 2 ꓘꓳ‐ꓡꓱ‐ꓕꓴ 3ꓽ16‐18)

ꓢꓯ. ꓔꓬ, ꓟ ꓪꓴ‐ꓢ ꓐꓯ ꓘꓶꓽ ꓥ ꓡꓳ꓿ 2 ꓘꓳ‐ꓡꓱ‐ꓕꓴ ꓕꓳ ꓶ ꓗꓪ ꓣꓳꓽ ꓑ ꓙ ꓟ ꓡꓰ ꓐꓰ ꓣꓳꓽ ꓧꓪꓽ ꓖꓳ ꓓꓱꓽ ꓠꓬ ꓕꓲꓽ ꓠꓬꓲ ꓕꓲꓽ ꓠꓬꓲ ꓟꓳꓽ ꓡ ꓔꓬ, ꓡꓳ꓿ ꓡꓵꓺ ꓡꓰ ꓔꓬ, ꓡꓳ꓿ ꓖꓳ ꓡꓱ ꓥˍ ꓟꓲ ꓣꓳꓽ ꓦ ꓠꓬ ꓬꓲ. ꓫꓵꓼ ꓒꓬꓱꓼ ꓡ ꓔꓬ, ꓡꓳ꓿ ꓮ ꓫꓵꓽ ꓬꓲ. ꓬꓲ ꓢꓲ ꓥ ꓡ? ꓣꓳꓽ ꓟꓲ ꓠꓯ ꓞꓳ ꓤ ꓠꓬ ꓪꓰ ꓤ ꓥ ꓡꓳ꓿ ꓗ ꓘꓶꓽ ꓓꓳꓺ ꓔꓬ, ꓢꓴ ꓥ ꓡꓳ꓿ ꓣꓳꓽ ꓕꓲꓽ ꓞꓲ ꓦꓲꓻ ꓠꓬ ꓟꓴ ꓗꓪ ꓗꓪ ꓥ ꓡꓳ꓿ ꓕꓱ ꓡꓱ ꓐꓰ ꓗ ꓘꓶꓽ ꓓꓳꓺ ꓔꓬ, ꓕꓯ ꓣꓳꓽ ꓧꓪꓽ ꓖꓳ ꓓꓱꓽ ꓠꓬ ꓢꓯꓼ ꓐ ꓡꓰ ꓔꓬ, ꓡꓳ꓿ ꓟꓳꓽ ꓡꓰ ꓔꓬ, ꓡꓳ꓿ ꓖꓳ ꓡꓱ ꓥˍ ꓟꓲ ꓬꓲ. ꓙꓵ, ꓖꓴ ꓡꓰ ꓔꓬ, ꓟ ꓡꓰ ꓣꓳꓽ ꓠꓬ ꓟꓴ ꓗꓪ ꓗ ꓘꓶꓽ ꓐꓰ ꓠꓶꓽ ꓡ ꓔꓬ, ꓡꓳ꓿ ꓮ ꓡꓲꓳ ꓐꓯ ꓠꓬ ꓣꓳꓽ ꓢꓯꓼ ꓟꓬꓺ ꓕꓱ ꓟ ꓡꓳꓻ ꓙꓰ ꓠꓬ ꓪꓴ‐ꓢ ꓔꓬ, ꓗꓪ ꓛꓲ ꓬꓰ ꓟ ꓥꓳ꓿ ꓣꓳꓽ ꓠꓬ ꓟꓳ ꓟ ꓓ ꓟ ꓗꓪ ꓐꓰ ꓗ ꓘꓶꓽ ꓓꓳꓺ ꓔꓬ, ꓡꓳ꓿ ꓟꓳ ꓟ ꓓ ꓟ ꓙꓵ ꓠꓲ, ꓗꓪ ꓐꓰ ꓙ ꓖꓴ ꓫꓱ, ꓔꓬ, ꓡꓳ꓿ ꓖꓳ ꓡꓱ ꓐꓯ ꓥˍ ꓟꓲ ꓣꓳꓽ ꓦ ꓠꓬ ꓬꓲ. ꓫꓵꓼ ꓒꓬꓱꓼ ꓡ ꓔꓬ, ꓡꓳ꓿

ꓬꓲ ꓤ ꓠꓬꓲ ꓤ ꓐꓴ‐ꓳ꓾ ꓠꓴ ꓪꓴꓽ ꓧꓶˍ ꓕꓯ꓾ ꓠꓴ ꓫ ꓙꓵ ꓕꓯ ꓗ ꓛꓲ ꓛꓲ ꓡꓰ ꓔꓬ,꓿ ꓮ ꓡꓲꓳ ꓐꓯ ꓠꓬ ꓠꓴ ꓦꓻ ꓠꓬ ꓬꓲ. ꓫꓵꓼ ꓒꓬꓱꓼ ꓡ ꓔꓬ, ꓡꓳ꓿ ꓬꓮꓳ ꓚꓲ ꓓꓰ ꓡꓰ ꓟ ꓠꓬ ꓪꓴ‐ꓢ ꓔꓯ ꓟꓽ ꓡꓳ ꓒꓰ ꓠ, ꓟ ꓐꓰ ꓙꓵꓻ ꓠꓲꓹ ꓔꓯ ꓪꓳ ꓔ ꓠ, ꓟ ꓥꓳ꓿ ꓮ ꓙꓵꓽ ꓢꓴ ꓢꓯꓼ ꓕꓵꓼ ꓙꓰ ꓡꓯ꓿