ꓬꓲ ꓔꓯ ꓙꓵꓻ ꓢꓴ ꓠꓬ ꓕꓲ ꓞꓲꓼ ꓕꓲ ꓑ ꓟ ꓢꓯꓼ ꓟꓬ ꓣꓱꓽ ꓛꓰꓽ ꓡꓯꓼ ꓫꓴ ꓔꓯ ꓟꓶ ꓠꓹ ꓟ ꓥ ꓡꓳ꓾

ꓟꓴ: ꓗꓪ ꓗꓪ ꓐꓰ ꓡ ꓢꓴ ꓠꓽ ꓮ ꓙꓵꓽ ꓕꓯꓽ ꓢꓲ ꓗꓪ ꓟ ꓥꓳ= ꓖꓳ ꓡꓱ ꓢꓲ ꓬꓲ ꓟꓳ ꓠꓬꓲˍ ꓟˍ ꓐꓰ ꓑ ꓙꓽ ꓠꓬꓲˍ ꓟ ꓔꓯ ꓬꓲ ꓢꓷꓸ ꓙ ꓟꓳ ꓙˍ ꓟꓲ ꓬꓲ ꓪ ꓟꓽ ꓘꓳ ꓣꓴ= ꓬꓲ ꓢꓷꓸ ꓙ ꓟꓳ ꓙˍ ꓟ ꓔꓯ ꓘꓳ ꓣꓴ ꓢꓴ ꓠꓬ꓾ ꓪꓴ-ꓢ ꓠꓽ ꓔꓱꓹˍ ꓟ ꓥ ꓟ ꓬꓲ ꓗꓸ ꓚꓵ ꓔꓳꓹ ꓠꓷꓼˍ ꓟ ꓥ ꓡꓳ= ꓪꓴ-ꓢ ꓡꓰ ꓝꓲ ꓩꓴ ꓔ ꓢꓴ ꓖꓳ ꓕꓲ ꓣꓳ ꓔꓯ ꓠꓬ ꓙꓳꓻ ꓖꓴ ꓟꓽ ꓓ ꓓ ꓢꓲ-ꓫꓬ-ꓟ-ꓦ ꓖꓶ ꓔ ꓠꓬꓲ꓾ ꓬꓲ ꓠꓽ ꓪꓴ-ꓢ ꓐꓯ ꓘꓶ ꓫꓸ ꓕꓱˍ ꓡꓳ=

ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳ ꓶ ꓠꓬ ꓢꓲꓺ ꓒ ꓔꓯ ꓛꓳꓻ ꓢꓴ ꓕꓲ ꓣꓳ ꓬꓲ ꓙꓵꓻ ꓠꓲꓹ ꓐꓰ ꓬꓲ ꓬꓰ ꓠꓯꓹ ꓟ ꓟꓬꓱꓽ ꓔꓯ ꓖꓴ ꓟꓸ ꓖꓶ ꓔ ꓡꓳ= ꓢꓲꓺ ꓒ ꓬꓰ-ꓢꓴ ꓠꓬ ꓐꓹ ꓐ ꓪꓴ-ꓢ ꓡꓰ ꓕꓵꓼ ꓪ ꓖꓶ ꓔ ꓟ ꓡꓰ ꓐꓰ ꓫꓸ ꓕꓱ ꓢꓲ꓾ ꓪꓴ-ꓢ ꓕꓵꓼ ꓪˍ ꓡꓰ ꓐꓰ ꓟꓬꓱꓽ ꓬꓰ ꓗꓷ ꓟ ꓑꓶꓸ ꓓꓴ꓾ ꓢꓲꓽ ꓫꓬ ꓕꓳ ꓶ ꓝꓲꓸ ꓕꓱ ꓟ ꓠꓬ ꓢꓲꓺ ꓒ ꓬꓰ-ꓢꓴ ꓬꓲ ꓡꓰ ꓟꓸ ꓖꓶ ꓗꓷ ꓟ꓾ ꓬꓲ ꓡꓰ ꓬꓰ ꓗꓷ ꓟ ꓟꓬꓱꓽ ꓬꓳꓸ ꓚꓵˍ ꓟ ꓚꓱꓹ ꓔꓯ ꓖꓴ ꓟꓸ ꓖꓶ ꓔ ꓟ ꓥ ꓡꓳ=

ꓬꓲ ꓠꓬ ꓬꓲꓸ ꓐꓹ ꓐ ꓙꓲꓻ ꓓꓰˍ ꓟ ꓔꓯ ꓟꓲ ꓠꓯ ꓞꓳ ꓤ ꓐꓴ ꓔꓯ ꓫꓬꓽ ꓫꓬꓽ ꓡꓰꓽ ꓟꓸ ꓖꓶ ꓠꓹ ꓟ ꓐꓰ꓾ ꓣꓳ ꓐꓴ ꓝꓴꓲꓸ ꓚꓳ ꓑ ꓬꓰˍ ꓟ ꓗꓪ ꓐꓰ ꓚꓬꓴꓸ ꓟꓶ ꓠꓹ ꓟ ꓐꓱ ꓶ ꓟꓲ ꓠꓯ ꓕꓱ ꓟ ꓗꓪ ꓝꓲ ꓩꓴˍ ꓟ ꓟꓶ ꓗꓷꓳ=

ꓪꓴ-ꓢ ꓔꓯ ꓙꓵꓻˍ ꓟ ꓠꓬ ꓙꓵꓻ ꓠꓲꓹ ꓐꓱ ꓶˍ ꓡꓰꓽ ꓟꓽ ꓥ꓾ ꓖꓳ ꓡꓱ ꓥ ꓟꓲ ꓙꓵꓻ ꓠꓲꓹ ꓕꓱ ꓟ ꓠꓬ ꓢꓲꓺ ꓒ ꓡꓰ ꓟꓸ ꓖꓶ ꓡˍ ꓟ ꓔꓯ ꓟꓳꓸ ꓖꓶ ꓢꓲ ꓬꓲ ꓐꓯ ꓘꓶꓽ ꓮ ꓙꓵꓽ ꓔꓯ ꓡꓯꓼ ꓕꓲꓺ ꓬꓰ ꓠꓹ ꓟ ꓚꓱꓹ ꓔꓯ ꓐꓯ ꓟꓸ ꓖꓶ ꓔꓬ ꓡꓳ=

ꓙꓵꓻ ꓢꓴ ꓠꓬ ꓕꓲ ꓞꓲꓼ ꓕꓲ ꓑ ꓟ ꓢꓯꓼ ꓟꓬ ꓣꓱꓽ ꓛꓰꓽ ꓡꓯꓼ ꓫꓴ ꓔꓯ ꓟꓶ ꓠꓹ ꓟ ꓥ ꓢꓲ꓾ ꓖꓳ ꓟ ꓑꓶꓸ ꓓꓴ ꓙꓳꓺ ꓛꓱꓽ ꓓꓴ ꓟꓽ ꓙꓳꓻ꓾ ꓐꓰ ꓣꓳ ꓐꓴ ꓔꓯ ꓙꓻ ꓟꓳ ꓘꓶꓽ ꓖꓶ ꓔꓬ ꓟ ꓥ ꓡꓳ=