ꓬꓳ-ꓦ ꓟꓸ ꓟꓲꓽ ꓚˍ ꓟ (Gospel reading

Sunday, January 10, 2021

ꓟ-ꓘꓳ ꓕꓳꓽ ꓶ 1: 7-14

ꓬꓲ ꓠꓬ ꓟꓸ ꓟꓲ ꓚ ꓟꓸ ꓖꓶ ꓢꓲ ꓕꓱ ꓡꓱ ꓐꓯ_ ꓡꓳ꓾ ꓥꓪ ꓢꓶꓸ ꓟꓽ ꓞꓲ ꓪꓽ ꓠꓬꓲ ꓢꓴ ꓠꓬ ꓥꓪ ꓗ ꓠꓯ ꓢꓲ ꓗꓪ ꓡ_ ꓡꓳ꓿ ꓥꓪ ꓠꓽ ꓖꓳ ꓓꓱ ꓗꓴ ꓢꓲ ꓬꓲ ꓛꓲꓺ ꓠꓲ ꓦꓲꓻ ꓚ ꓒꓶꓻ ꓖꓶ ꓠꓹ ꓟ_ ꓟꓲ ꓟꓽ ꓒꓵꓽ꓿

ꓥꓪ ꓠꓬ ꓠꓴ ꓪ ꓔꓯ ꓬꓲ ꓙꓬ ꓡꓰ ꓔꓲꓹ ꓖꓶ ꓗꓷꓳ꓿ ꓬꓲ ꓠꓽ ꓠꓴ ꓪ ꓔꓯ ꓢꓲ-ꓫꓬ-ꓟ-ꓦ ꓡꓰ ꓔꓲꓹ ꓖꓶ ꓡ_ ꓥꓳ꓾ ꓐꓯ_ ꓡꓳ꓿ꓦꓬꓼ ꓠꓬꓲ ꓖꓳ ꓟ ꓗꓪ ꓬꓰ-ꓢꓴ ꓠꓬ ꓖ-ꓡꓲ-ꓡꓲ ꓟꓵꓽ ꓗꓪ ꓟ ꓠ-ꓢ-ꓡꓱ ꓗꓪ ꓐꓰ ꓡ ꓢꓲ꓾ ꓬꓳ-ꓔ ꓬꓲꓽ ꓟ ꓗꓪ꓾ ꓬꓳ-ꓦ ꓡꓯ ꓒꓯꓹ ꓗꓪ ꓐꓰ ꓖꓳ ꓓꓱ ꓔꓲꓹ ꓟꓶ_ ꓡꓳ꓿

ꓬꓲ ꓙꓬ ꓗꓪ ꓐꓰ ꓓꓳ ꓡ ꓟꓶꓽ ꓕꓯ꓾ ꓟꓴ ꓗꓪ ꓒꓴ ꓡ ꓢꓲ꓾ ꓪꓴ-ꓢ ꓦ ꓠꓬ ꓮꓸ ꓖꓴꓽ_ ꓡꓰ ꓐꓰ ꓬꓲ ꓕꓯ ꓢꓲ ꓗꓪ ꓥꓳꓽ ꓡꓰ_ ꓟ ꓬꓲ ꓟꓳꓻ_ ꓡꓳ꓿

ꓟꓴ ꓗꓪ ꓗꓪ ꓐꓰ ꓢꓯꓼ_ ꓟꓲ ꓓꓳ ꓡ ꓢꓲ꓾ ꓠꓴ ꓠꓬ ꓥꓪ ꓠꓲꓹ ꓠꓵ_ ꓟ ꓮ ꓐꓲ ꓥ ꓡꓳ꓿ ꓠꓴ ꓔꓯ ꓥꓪ ꓮ ꓘꓶ ꓠꓲꓹ ꓒꓴ_ ꓡꓳ꓾ ꓐꓯ_ ꓡꓳ꓿

ꓖꓳ ꓡꓱ ꓠꓬ ꓢꓲ-ꓫꓬ-ꓟ-ꓦ ꓡꓰ ꓞꓼ ꓐꓰ ꓬꓲ ꓔꓯ ꓡꓲ ꓛꓲ ꓗꓪ ꓖꓼ ꓦ ꓗꓷ_ ꓡꓳ꓿

ꓬꓲ ꓠꓬ ꓡꓲ ꓛꓲ ꓗꓪ ꓡꓲ ꓞꓲ ꓠꓬꓲ ꓔꓬ ꓢꓲ꓾ ꓢ-ꓓꓯ ꓡꓰ ꓬꓲ ꓔꓯ ꓤꓹ ꓠꓬꓲ_ ꓡꓳ꓿ ꓬꓲ ꓠꓬ ꓬꓲ ꓡꓽ ꓬꓲ ꓗꓳꓸ_ ꓐꓰ ꓕꓲ ꓪꓺꓼ ꓔꓬ_ ꓡꓳ꓿ ꓟꓴ ꓗꓪ ꓝꓲ ꓓꓴ ꓐꓴ ꓬꓲ ꓔꓯ ꓣꓱꓽ ꓙ_ ꓡꓳ꓿

ꓬꓳ-ꓦ ꓔꓯ ꓐꓱ ꓗꓷ ꓗ ꓠꓯ꓾ ꓬꓰ-ꓢꓴ ꓠꓬ ꓖ-ꓡꓲ-ꓡꓲ ꓟꓵ ꓗꓪ ꓓꓵꓽ ꓡ ꓢꓲ꓾ ꓪꓴ-ꓢ ꓶꓼ ꓥꓳ ꓫꓱꓹ ꓥꓳ ꓚ ꓟꓸ ꓖꓶ ꓢꓲ ꓠꓬꓲ꓾