ꓶꓻ ꓟꓯꓻ ꓢꓴ ꓪꓴꓽ ꓧꓶ ꓠꓽ ꓟꓶ ꓠꓹ ꓟ

ꓠꓬꓲꓸ ꓠꓬꓲ ꓗꓪ ꓠꓬ ꓬꓰ-ꓢꓴ ꓡꓰ ꓣꓳ ꓔꓯ ꓥꓪ ꓔꓯ ꓡꓯ ꓐꓰ ꓘꓴ_ ꓟ ꓢꓲ ꓫꓬ ꓕꓳ ꓶ ꓝꓲꓸ ꓥ ꓡꓳ= ꓕꓱ ꓢꓲ ꓫꓬ ꓝꓲꓸ ꓠꓬ ꓣꓳ ꓤꓶꓻ ꓗꓪ ꓟꓬ ꓠꓬꓲ ꓫꓸ ꓔ ꓟ ꓙꓵꓹ ꓗꓪ ꓟꓬ ꓠꓬꓲ ꓢ ꓡꓰ ꓠꓹ ꓟ ꓐꓱ ꓶ ꓢꓯꓼ ꓖꓶ_ ꓟ ꓢꓲ ꓫꓬ ꓕꓳ ꓶ ꓝꓲꓸ ꓥ ꓡꓳ= ꓣꓳ ꓮ ꓙꓵ ꓠꓯꓼ ꓗꓪ ꓕꓱ ꓡꓱ ꓫꓸ ꓓꓴ ꓔꓳꓹ ꓜꓳ_ ꓟ ꓫꓸ ꓔ ꓟ ꓙꓵꓹ ꓙꓳ_ ꓡꓳ= ꓢꓯꓼ ꓐ ꓢꓲ ꓶꓻ ꓡꓲꓽ_ ꓟ ꓙꓵꓹ ꓥ ꓟꓲ ꓙꓳ_ ꓟ ꓥꓳ= ꓕꓱ ꓡꓱ ꓶꓻ ꓡꓲꓽ ꓓꓽ ꓟ ꓗꓪ ꓐꓰ ꓝꓴꓲ ꓠꓬ ꓟꓬ ꓠꓬꓲ ꓶꓻ ꓡꓲꓽ_ ꓟ ꓥ ꓡꓳ= ꓮ ꓡꓲ ꓐꓰ ꓥ ꓟꓲ ꓬꓰ-ꓢꓴ ꓡꓰ ꓐꓯ ꓔ ꓟ ꓥꓪ ꓔꓯ ꓡꓯ ꓐꓰ ꓐꓯ_ ꓟ ꓘꓴ_ ꓟ ꓔꓯ  ꓙꓵꓻ ꓠꓹ ꓟ ꓥ ꓡꓳ= ꓬꓲ ꓡꓽ ꓡꓰ ꓠꓽ ꓟꓯꓻ ꓢ_ ꓡꓳ= ꓬꓲ ꓶꓻ_ ꓟꓲ ꓡꓳꓻ_ ꓡꓳ ꓐꓰ ꓐꓯ ꓔ ꓡꓳ= ꓣꓳ ꓤꓶꓻ ꓗꓪ ꓮ ꓫꓵ ꓔꓳꓹ ꓜꓳ ꓡ ꓥ ꓟꓲ ꓟꓽ ꓙꓳ ꓙꓳ ꓬꓲ ꓠꓯꓼ ꓗꓪ ꓡꓯ ꓐꓰ ꓐꓯ_ ꓟ ꓥꓳ= ꓕꓱ ꓟ ꓠꓬ ꓣꓳ ꓤꓶꓻ ꓗꓪ ꓫꓸ ꓓꓴ ꓔꓳꓹ ꓜꓳ ꓡ ꓟ ꓗꓪ ꓐꓰ ꓡꓲꓹ ꓙꓰ ꓓꓴ ꓐꓯ_ ꓟ ꓟꓽ ꓥ꓾ ꓐꓯ ꓟ ꓠꓬ ꓬꓰ-ꓢꓴ ꓠꓯꓼ ꓗꓪ ꓡ ꓠꓬ ꓣꓳ ꓤꓶꓻ ꓗꓪ ꓔꓳꓹ ꓜꓳ ꓡ ꓟ ꓔꓯ ꓕꓶ ꓕꓶ ꓡꓰ ꓢꓯꓼ ꓙꓳ ꓙꓳ ꓡꓰ ꓙꓻ ꓫꓱ ꓐ ꓡ ꓥꓳ=

ꓙꓲ-ꓢꓴ ꓢꓲ ꓤ ꓠꓬ ꓟꓲ ꓠꓯ ꓞꓳ ꓤ ꓡꓰ ꓐꓰ ꓬꓯꓼ ꓡ ꓢꓲ ꓒꓬꓱꓼ ꓡ ꓟ ꓚꓱꓹ ꓮ ꓙꓵ ꓔꓯ ꓬꓲ ꓘꓳꓹ ꓣꓴ_ ꓟ ꓥꓳ= ꓬꓲ ꓠꓬ ꓝꓴꓲ ꓟꓽ ꓙꓳ ꓝꓴꓲ ꓟꓽ ꓬꓰ ꓥ ꓟꓲ ꓟꓲ ꓠꓯ ꓞꓳ ꓤ ꓔꓯ ꓚꓬꓴ ꓟꓶ ꓠꓹ ꓟ ꓬꓲ ꓚꓲ ꓛꓬ ꓢꓯꓼ ꓟꓬ ꓖꓶ ꓗꓷ ꓗꓪ ꓛꓲ ꓚꓬꓴ ꓙ ꓟ ꓥꓳ= ꓖꓳ ꓟ ꓑꓶ ꓓꓴ ꓬꓲ ꓕꓱ ꓡꓱ ꓢꓯꓸ ꓔꓬ ꓟ ꓑꓶ ꓓꓴ ꓣꓳ ꓔꓳꓹ ꓜꓳ ꓟ ꓚꓱꓹ ꓮ ꓙꓵ ꓔꓯ ꓬꓲ ꓢꓷꓸ ꓔ ꓡꓳ ꓐꓰ ꓐꓯ_ ꓟ ꓥꓳ= ꓣꓳ ꓤꓶꓻ ꓗꓪ ꓔꓳꓹ ꓜꓳ ꓡ ꓟ ꓔꓯ ꓕꓶ ꓕꓶ ꓡꓰ ꓜꓲ ꓘꓴ ꓐ ꓡ ꓠꓹ ꓟ ꓣꓳ ꓔꓯ ꓠꓵ ꓠꓲꓹ ꓐꓰ ꓢꓯꓸ ꓔꓬ ꓝꓲ_ ꓟ ꓥꓳ=

ꓣꓳ ꓟꓯꓻ ꓔ ꓟ ꓶꓻ ꓡꓲꓽ ꓓꓽ ꓟ ꓗꓪ ꓬꓲ ꓐꓰ ꓙ ꓫꓱꓽ꓾ ꓖꓳ ꓕꓯ ꓪꓴꓽ ꓧꓶ ꓠꓽ ꓝꓲ ꓡ ꓥꓳ= ꓣꓳ ꓟꓯꓻ_ ꓟ ꓡꓯꓼ ꓐꓳ ꓔꓶꓸ ꓓꓴ ꓟꓲ ꓟꓽ ꓒꓲꓼ ꓬꓰ꓾ ꓬꓲ ꓶꓽ ꓤ ꓫꓱꓸ ꓤ ꓗꓪ ꓐꓰ ꓡꓳꓻ ꓡ`ꓰ ꓝꓲ ꓡ ꓥꓳ=