ꓶꓼ ꓘꓶꓽ ꓫꓱꓹ ꓘꓶꓽ

 ꓡꓴ-ꓘ 6ꓽ17,20-26

ꓬꓰ-ꓢꓴ ꓠꓬ ꓬꓲ ꓪꓽˍ ꓐꓰ ꓬꓯꓼ ꓙꓰ ꓢꓲ꓾ ꓪꓽ ꓓꓰ ꓕꓲ ꓓꓰ ꓗꓪ ꓦꓰꓼ ꓞꓹ ꓡꓳ꓿ ꓖꓳ ꓗꓪ ꓬꓲ ꓛꓳꓽ ꓒꓯꓹ ꓐꓴ ꓬꓲ ꓜꓴ ꓓꓽ ꓟ ꓐꓰ꓾ ꓬꓴ-ꓔ ꓟꓵꓽ ꓮ ꓙꓵˍ ꓐꓰ ꓙꓱ-ꓣꓴ-ꓢ-ꓡꓱˍ ꓐꓰ ꓕꓲ-ꓬˍ ꓐꓰ ꓢꓲ-ꓓꓳ ꓟꓵꓽ ꓗꓪ ꓟ ꓬꓲꓻ ꓡꓴꓽ ꓐꓱ ꓓꓽ ꓟ ꓘꓶꓽ ꓗꓪ ꓐꓰ ꓡꓻ ꓟ ꓑ ꓫꓬꓼ ꓬꓲ ꓜꓴꓻ ꓓꓽ ꓟ ꓠꓬ꓾ ꓬꓰ-ꓢꓴ ꓠꓬ ꓬꓲ ꓛꓳꓽ ꓒꓯꓹ ꓐꓴ ꓔꓯ ꓡꓳꓸ ꓢꓲ ꓕꓱ ꓡꓱ ꓐꓯˍ ꓡꓳ꓾ ꓞꓳ ꓫ ꓠꓴ ꓪꓽ ꓠꓽ ꓶꓼ ꓙꓳ ꓫꓱꓹ ꓙꓳˍ ꓡꓳ꓿ ꓮ ꓡꓲꓳ ꓐꓯ ꓠꓬ ꓪꓴ-ꓢ ꓗꓴꓷꓼ ꓠꓽ ꓠꓴ ꓪꓽ ꓔꓯ ꓟ ꓥ ꓡꓳ꓿ꓮ ꓟꓶ ꓦꓰꓼ ꓟꓷꓼ ꓔꓬ ꓢꓴ ꓠꓴ ꓪꓽ ꓠꓽ ꓶꓼ ꓙꓳ ꓫꓱꓹ ꓙꓳˍ ꓡꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪꓽ ꓠꓽ ꓒ ꓐꓳꓺꓼ ꓐꓰ ꓟꓶˍ ꓥꓳ꓿ ꓮ ꓟꓶ ꓥꓴꓻ ꓔꓬ ꓢꓴ ꓠꓴ ꓪꓽ ꓠꓽ ꓶꓼ ꓙꓳ ꓫꓱꓹ ꓙꓳˍ ꓡꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪꓽ ꓠꓽ ꓪꓽ ꓧꓷꓼ ꓪꓽ ꓡꓰꓼ ꓗꓷ ꓡꓰˍ ꓥꓳ꓿ꓡ-ꓞꓳ-ꓮ-ꓐꓲ ꓥꓪ ꓪꓴꓸ ꓠꓬꓲ꓾ ꓢꓴ ꓡꓰ ꓠꓴ ꓪꓽ ꓔꓯ ꓠꓲꓹ ꓜꓳ ꓡ꓾ ꓥ ꓠꓬ ꓒꓰꓺ ꓗꓷ ꓡ꓾ ꓥ ꓠꓬ ꓫꓸ ꓝꓲꓸ ꓡ꓾ ꓥ ꓠꓬ ꓠꓴ ꓪꓽ ꓔꓯ ꓞꓳ ꓥꓶ ꓚꓬꓹ ꓢꓲ ꓗꓺ ꓩꓴ ꓡ ꓠꓬ꓾ ꓠꓴ ꓪꓽ ꓠꓽ ꓶꓼ ꓙꓳ ꓫꓱꓹ ꓙꓳˍ ꓡꓳ꓿ꓖꓳ ꓕꓲ ꓠꓬꓲ ꓗꓪ ꓠꓴ ꓪꓽ ꓠꓽ ꓗꓹ ꓛꓲ ꓠꓬꓲ ꓔꓷꓹ ꓔꓴ ꓡ ꓛꓵˍ ꓡꓳ꓿ ꓮ ꓡꓲꓳ ꓐꓯ ꓠꓬ ꓟꓴꓽ ꓗꓪ ꓗꓪ ꓠꓴ ꓪꓽ ꓡꓯꓼ ꓫꓴ ꓠꓽ ꓬꓲ ꓓꓽ ꓟ ꓥ ꓡꓳ꓿ ꓬꓲ ꓪꓽ ꓒꓵꓽ ꓒ ꓐꓴ ꓡꓰ ꓟꓷꓽ ꓠꓷꓹ ꓝꓸ ꓢꓴ ꓐꓴ ꓔꓯ ꓬꓰ ꓖꓶ ꓟˍ ꓟꓲ ꓬꓲ ꓖꓳ ꓡꓱ ꓥ ꓡꓳ꓿ꓞꓳ ꓐꓳ ꓠꓴ ꓪꓽ ꓠꓽ ꓫꓸ ꓙꓵˍ ꓥꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪꓽ ꓠꓽ ꓮ ꓟꓶˍ ꓡꓰ ꓔꓬ ꓢˍ ꓟ ꓟꓶ ꓗꓷꓳ꓿ꓮ ꓟꓶ ꓜꓽ ꓐꓳ ꓓꓳꓻ ꓐꓳ ꓔꓬ ꓢꓴ ꓠꓴ ꓪꓽ ꓠꓽ ꓫꓸ ꓙꓵˍ ꓥꓳ꓿ ꓮ ꓡꓲꓳ ꓐꓯˍ ꓠꓬ ꓠꓴ ꓪꓽ ꓠꓽ ꓦꓰꓼ ꓟꓷꓼ ꓫꓸ ꓜꓲꓽ ꓠ ꓗꓷ ꓡꓰˍ ꓥꓳ꓿ ꓮ ꓟꓶ ꓪꓽ ꓧꓷꓼ ꓪꓽ ꓡꓰꓼ ꓗꓹ ꓢꓴ ꓠꓴ ꓪˍ ꓟꓲ ꓫꓸ ꓙꓵˍ ꓥꓳ꓿ ꓮ ꓡꓲꓳ ꓐꓯˍ ꓠꓬ ꓠꓴ ꓪꓽ ꓠꓽ ꓠꓲꓹ ꓙꓽ ꓫꓸ ꓠꓬꓲ ꓥꓴꓻ ꓠ ꓗꓷ ꓡꓰˍ ꓥꓳ꓿ꓡꓽ ꓞꓳ ꓮꓽ ꓙꓵ ꓡꓰ ꓠꓴ ꓪꓽ ꓠꓽ ꓙꓲˍ ꓡꓳ꓾ ꓐꓯˍ ꓠꓬ꓾ ꓠꓴ ꓪꓽ ꓠꓽ ꓫꓸ ꓙꓵˍ ꓥꓳ꓿ ꓮ ꓡꓲꓳ ꓐꓯ ꓠꓬ ꓬꓲ ꓪꓽ ꓒꓵꓽ ꓒ ꓐꓴˍ ꓟꓲ ꓟꓽ ꓔꓱꓹ ꓟ ꓟꓷꓽ ꓠꓷꓹ ꓝꓸ ꓢꓴ ꓐꓴ ꓔꓯ ꓬꓲ ꓖꓳ ꓡꓱ ꓫꓱꓸ ꓖꓶ ꓠꓬꓲꓳ꓿

Add new comment

8 + 12 =