ꓶꓼ ꓘꓶꓽ ꓫꓱ, ꓘꓶꓽ (Sunday reflecton)

ꓶꓼ ꓘꓶꓽ ꓫꓱ, ꓘꓶꓽ 

ꓮ ꓡꓲꓳ ꓐꓯ ꓠꓬ ꓬꓲ ꓪꓽ ꓠꓽ ꓢꓲꓼ ꓘꓪꓽ ꓓꓰꓼ ꓡꓰˍ ꓥꓳ꓿ 7 ꓢꓴ ꓔꓯ ꓫꓱꓸ ꓤ ꓢꓴ ꓠꓽ ꓶꓼ ꓙꓳ ꓫꓱ ꓙꓳˍ ꓡꓳ꓿ ꓮ ꓡꓲꓳ ꓐꓯ ꓠꓬ ꓬꓲ ꓪꓽ ꓠꓽ ꓫꓱꓸ ꓤ ꓟ ꓟꓶˍ ꓥꓳ꓿  ꓠꓲꓹ ꓟ ꓢꓲꓽ ꓫꓬ ꓢꓴ ꓠꓽ ꓶꓼ ꓙꓳ ꓫꓱ ꓙꓳˍ ꓡꓳ꓿ ꓮ ꓡꓲꓳ ꓐꓯ ꓠꓬ ꓬꓲ ꓪꓽ ꓠꓽ ꓪꓴ-ꓢ ꓔꓯ ꓟꓳꓻ ꓪˍ ꓥꓳ꓿  ꓢꓴ ꓔꓯ ꓧꓳꓹ ꓡꓯꓽ ꓘꓳ ꓝꓲ ꓢꓴ ꓠꓽ ꓶꓼ ꓙꓳ ꓫꓱꓹ ꓙꓳˍ ꓡꓳ꓿ ꓮ ꓡꓲꓳ ꓐꓯ ꓠꓬ ꓬꓲ ꓪꓽ ꓔꓯ ꓠꓽ ꓪꓴ-ꓢ ꓤ ꓠꓱ꓾ ꓐꓰ ꓘꓴˍ ꓥꓳ꓿  ꓔꓱꓹ ꓜꓳꓽˍ ꓟ ꓪꓴꓸ ꓠꓬꓲ ꓗꓸ ꓧꓪ ꓟ ꓟꓶ ꓢꓴ ꓠꓽ ꓶꓼ ꓙꓳ ꓫꓱ ꓙꓳˍ ꓡꓳ꓿ ꓮ ꓡꓲꓳ ꓐꓯ ꓠꓬ ꓟꓴꓽ ꓗꓪ ꓗꓴꓷꓼ ꓠꓽ ꓬꓲ ꓪꓽ ꓔꓯ ꓟ ꓥ ꓡꓳ꓿  ꓥꓪ ꓪꓴꓸ ꓠꓬꓲ ꓢꓴꓻ ꓠꓴ ꓪꓽ ꓔꓯ ꓫꓸ ꓚꓲ꓾ ꓠꓴ ꓪꓽ ꓔꓯ ꓗꓸ ꓧꓪ꓾ ꓝꓮꓲ ꓠꓴ ꓪꓽ ꓔꓯ ꓥꓶˍ ꓟ ꓬꓲ ꓫꓵꓽ ꓬꓲ ꓙꓰꓽ ꓮꓽ ꓔꓳ ꓐꓯ ꓡ ꓕꓯ꓾ ꓠꓴ ꓪꓽ ꓠꓽ ꓶꓼ ꓙꓳ ꓫꓱ ꓙꓳˍ ꓡꓳ꓿ 12 ꓠꓴ ꓪꓽ ꓠꓬ ꓠꓲꓹ ꓒꓴ ꓗꓹ ꓛꓲ ꓔꓬ꓿ ꓮ ꓡꓲꓳ ꓐꓯ ꓠꓬ ꓟꓴꓽ ꓗꓪ ꓗꓪ ꓠꓴ ꓪꓽ ꓡꓯꓼ ꓫꓴ ꓠꓽ ꓬꓲ ꓓꓽ ꓟ ꓥ ꓡꓳ꓿ ꓠꓴ ꓪꓽ ꓧꓶꓸ ꓕꓯ ꓗꓪ ꓟ ꓟꓷꓽ ꓠꓷꓹ ꓝꓸ ꓢꓴ ꓐꓴ ꓔꓯˍ ꓟꓲ꓾ ꓬꓲ ꓪꓽ ꓕꓱ ꓡꓱ ꓗꓸ ꓧꓪ ꓗꓷꓳ꓿

ꓠꓬꓲ. ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓐꓰ ꓣꓳ ꓔꓯ ꓟ. ꓖꓶ ꓡ ꓟ ꓠꓬ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓬꓰ ꓙ ꓠ, ꓟ ꓟ. ꓖꓶ ꓡ ꓟ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓠꓬ ꓟꓲ ꓠꓯ ꓗꓪ ꓢꓯ. ꓔꓬ ꓟ ꓙꓵ, ꓗꓪ ꓫ. ꓢꓴ ꓐꓴ ꓐꓰ ꓠꓲ, ꓫ. ꓟꓬ, ꓫ. ꓔꓳ, ꓜꓳ ꓔꓬ ꓢꓴ ꓐꓴ ꓔꓯ ꓬꓰ ꓙ ꓠ, ꓟ  ꓟ. ꓖꓶ ꓡ ꓟ ꓥ ꓡꓳ꓿ ꓣꓳ ꓢꓯ. ꓔꓬ ꓟ ꓙꓵ, ꓗꓪ ꓢꓲꓺ ꓒ ꓐꓯ ꓘꓶꓽ ꓔꓯ ꓠ, ꓡꓳ ꓠ, ꓟ ꓐꓰ ꓢꓲꓺ ꓒ ꓬꓰ‐ꓢꓴ ꓐꓯ ꓘꓶꓽ ꓔꓯ ꓛꓳ ꓫꓱ ꓠ, ꓟ ꓟ. ꓖꓶ ꓡ ꓟ ꓥ ꓡꓳ꓿ ꓟꓲ ꓠꓯ ꓗꓪ ꓢꓯ. ꓔꓬ ꓟ ꓙꓵ, ꓕꓯ ꓠꓲ, ꓫ. ꓓꓴ ꓮ ꓟꓬ, ꓙꓳ ꓥ ꓟꓲ ꓢꓲꓺ ꓒ ꓬꓰ‐ꓢꓴ ꓐꓰ ꓕꓲ ꓪ ꓛꓳ ꓫꓱ ꓠ, ꓟ ꓣꓳ ꓔꓯ ꓟ. ꓖꓶ ꓡ ꓟ ꓥ ꓡꓳ꓿ ꓪꓴ‐ꓢ ꓔꓯ ꓮ ꓕꓯ ꓥ ꓟꓲ ꓪꓽ ꓘꓴ ꓠ, ꓟ ꓐꓰ ꓶ ꓓꓰꓽ ꓠ, ꓟ ꓢꓯꓼ ꓕꓵꓼ ꓓꓴ ꓬꓰ ꓡꓯ꓿ ꓫ. ꓟꓳ ꓪ꓿

 

Add new comment

4 + 16 =