26 ꓫꓵꓽ ꓠꓽ ꓠꓽ-ꓠꓬꓲꓽ-ꓠꓬꓲ ꓐꓱ ꓶ ꓪꓴ-ꓢ ꓶꓼ ꓓꓳꓽ ꓫꓱꓹ ꓓꓳꓽ

ꓬꓳ-ꓦ 1ꓽ47-51

ꓠ-ꓕ-ꓠꓰ ꓬꓲ ꓔꓯ ꓡ_ ꓟ ꓔꓯ ꓬꓰ-ꓢꓴ ꓟꓳꓻ ꓗꓷ ꓠꓬ꓾ ꓬꓲ ꓔꓯ ꓖꓴ ꓢꓲ꓾ ꓠꓬꓲ ꓠꓹ꓾ ꓖꓳꓼ ꓠꓲꓹ ꓟꓽ ꓙꓳ ꓟ ꓬꓲ-ꓢꓷ-ꓡꓰ ꓡ ꓞꓳ ꓚꓵꓺ ꓕꓲ ꓣꓳ ꓥ ꓡꓳ꓾ ꓐꓯ_ ꓡꓳ꓿
ꓠ-ꓕ-ꓠꓰ ꓡꓰ ꓬꓲ ꓔꓯ꓾ ꓠꓴ ꓮ ꓡꓲ ꓗꓪ ꓐꓰ ꓥꓪ ꓔꓯ ꓢꓷ_ ꓡꓳꓺꓽ꓾ ꓐꓯ_ ꓡꓳ꓿ ꓬꓰ-ꓢꓴ ꓬꓲ ꓔꓯ ꓒꓳꓹ ꓖꓶ ꓢꓲ꓾ ꓒꓲ-ꓡꓲ ꓠꓴ ꓔꓯ ꓟꓽ ꓘꓴ ꓕꓯ ꓡꓰ꓾ ꓠꓴ ꓠꓬ ꓘꓶꓽ ꓢꓶꓽ ꓜꓲ ꓠꓯꓸ ꓘꓪ ꓔꓬ ꓕꓯ ꓥꓪ ꓠꓴꓻ ꓔꓯ ꓟꓳ_ ꓡꓳ꓾ ꓐꓯ_ ꓡꓳ꓿
ꓠ-ꓕ-ꓠꓰ ꓡꓰ ꓬꓲ ꓔꓯ꓾ ꓣ-ꓐꓲꓳ꓾ ꓠꓴ ꓠꓽ ꓪꓴ-ꓢ ꓬꓲ ꓮ ꓐꓲ ꓥ ꓡꓳ꓿ ꓬꓲ-ꓢꓷ-ꓡꓰ ꓪ ꓔꓲ ꓠꓬ ꓠꓴ ꓥ ꓡꓳ꓾ ꓐꓯ_ ꓡꓳ꓿
ꓬꓰ-ꓢꓴ ꓡꓰ ꓬꓲ ꓔꓯ꓾ ꓥꓪ ꓠꓴꓻ ꓔꓯ꓾ ꓘꓶꓽ ꓢꓶꓽ ꓜꓲ ꓠꓯꓸ ꓘꓪ ꓔꓬ ꓕꓯ ꓥꓪ ꓠꓴ ꓔꓯ ꓟꓳ_ ꓡꓳ꓾ ꓐꓰ ꓐꓯ_ ꓟ ꓗꓪ ꓐꓰ ꓠꓴ ꓙꓵꓻ_ ꓡꓺꓽ꓿ ꓕꓱ ꓟ ꓕꓯ ꓢꓲ ꓪꓴꓽ_ ꓡꓳ ꓫꓵꓽ ꓠꓴ ꓟꓳ_ ꓥꓳ꓾ ꓐꓯ_ ꓡꓳ꓿
ꓖꓳ ꓡꓱ ꓠꓬ ꓬꓰ-ꓢꓴ ꓡꓰ ꓬꓲ ꓔꓯ꓾ ꓥꓪ ꓔꓱꓹ ꓔꓱ_ ꓐꓰ ꓠꓴ ꓔꓯ ꓐꓯ ꓖꓶ_ ꓠꓬꓲ꓾ ꓟꓴ ꓗꓪ ꓒꓴ ꓡ_ ꓟ_ ꓐꓰ ꓪꓴ-ꓢ ꓬꓲ ꓟꓴ ꓗꓪ ꓝꓲ ꓓꓴ ꓐꓴ ꓠꓬ ꓡ ꓞꓳ ꓮ ꓐꓲ ꓕꓯꓽ ꓢꓲ ꓗꓪ ꓓꓯ ꓓꓯ ꓬꓯꓼ ꓬꓯꓼ ꓬꓰ ꓔꓬ_ ꓟ ꓔꓯ ꓠꓴ ꓪꓽ ꓟꓳ_ ꓥꓳ꓾ ꓐꓯ_ ꓡꓳ꓿

Add new comment

4 + 5 =