29 ꓠꓽ ꓟ ꓢꓲ ꓒ ꓦꓬꓼ ꓠꓬꓲ (29th Sunday homily)

      ꓢꓲ ꓒ ꓬꓰ-ꓢꓴ ꓠꓬ ꓪꓴ-ꓢ ꓥˍ ꓟꓲ ꓞꓳ ꓤ ꓕꓲꓽ ꓣꓳ ꓡꓰ ꓐꓰ ꓒꓬꓱꓽ ꓟꓳ ꓡ ꓟ ꓑꓶꓸ ꓓꓴ ꓬꓲꓸ ꓠꓬ ꓣꓳꓽ ꓡꓰ ꓐꓰ ꓧꓶꓼ ꓗꓴꓸ ꓡꓳ꓾ ꓪꓽ ꓫꓱꓹ ꓗꓴꓸ ꓡꓳ꓾ ꓜˍ ꓟꓲ ꓦꓬꓼ ꓟꓶꓼ ꓗꓴꓸ ꓡꓳ= ꓠꓲꓹ ꓟ ꓟꓲ ꓦꓶ ꓗꓴꓸ ꓡꓳ=  ꓝꓴꓲꓸ ꓗꓪ ꓐꓰ ꓗꓳꓸ ꓙꓰ ꓠꓬ ꓮ ꓙꓵꓽ ꓞꓳ ꓤ ꓔꓯ ꓫꓱꓸ ꓡꓳ= ꓖꓳ ꓡꓱ ꓠꓬꓲ ꓠꓴ ꓠꓲꓹ ꓫ ꓟꓬ ꓠ ꓓꓴ ꓔꓳ ꓙꓳˍ ꓕꓯ ꓬꓲꓸ ꓔꓬ ꓗꓪ ꓙꓰ ꓠꓹ ꓟ ꓕꓽ ꓙꓳ= ꓬꓲꓸ ꓠꓬ ꓞꓳ ꓤ ꓕꓲꓽ ꓣꓳ ꓒꓬꓱꓼ ꓗꓳꓸ ꓙꓰ ꓟ ꓑꓶꓸ ꓓꓴ ꓣꓳꓽ ꓔꓳ ꓙꓳˍ ꓟ ꓮ ꓙꓵꓽ ꓔꓯ ꓢꓷꓸˍ ꓡꓳ= ꓟꓲꓹ ꓠꓯ ꓕꓱ ꓟ ꓗꓪ ꓠꓬ ꓫꓸ ꓙꓵ ꓟꓷ ꓙꓵ ꓓꓴ ꓐꓯ ꓟ ꓠꓬ ꓮ ꓕꓯ ꓟꓲ ꓙꓳˍ ꓡꓳ= ꓮ ꓠꓱ ꓕꓯˍ ꓟꓲ ꓙꓳˍ ꓡꓳ= ꓮ ꓟꓶˍ ꓟꓲ ꓙꓳˍ ꓡꓳ= ꓫ ꓖꓶˍ ꓟꓲ ꓙꓳˍ ꓥꓳ= ꓞꓳ ꓤ ꓤꓶ ꓗꓪ ꓫ ꓙꓵ ꓟꓷꓼ ꓙꓵ ꓓꓴ ꓕꓱ ꓟ ꓟꓽ ꓙꓳ ꓥꓳ ꓐꓯ ꓠꓬ ꓮ ꓫꓵꓽ ꓙꓲ ꓖꓴ ꓙꓳˍ ꓢꓰ=

       ꓖꓳ ꓡꓱ ꓥˍ ꓟꓲ ꓕꓱ ꓫ ꓙꓵ ꓟꓷꓼ ꓙꓵ ꓓꓴ ꓔꓯ ꓠꓬ ꓣꓳꓽ ꓡꓰ ꓑꓳꓸ ꓙꓰ ꓕꓯ ꓒꓬꓱꓼ ꓡ ꓟꓽ ꓓ= ꓪꓴ-ꓢ ꓢꓯꓼ ꓪ ꓟꓽ ꓥ ꓐꓯ ꓠꓬ ꓣꓳꓽ ꓙꓰ ꓟꓽ ꓘꓴ= ꓖꓳ ꓡꓱ ꓠꓬꓲ ꓢꓯꓼ ꓕꓵꓼ ꓙꓰ ꓡꓯ= ꓪꓴ-ꓢ ꓐꓰ ꓕꓲꓽ ꓛꓳ ꓙꓰ ꓡꓯ=