Z: DU CI._ M Ta MO> N: NYI_M

Z: DU CI._ M Ta MO> N: NYI_M
 ꓬꓳ-ꓦ ꓬꓲ ꓛꓳ ꓒꓯ ꓐꓴ_ ꓐꓰ ꓒ-ꓡꓲ-ꓢꓷ ꓐꓴ ꓠꓬ ꓜꓽ ꓓꓴ ꓟꓽ ꓜꓽ ꓬꓰ ꓔꓬ_ ꓡꓳ꓿ ꓖꓳ ꓡꓱ ꓠꓬ ꓬꓲ ꓪ ꓡ ꓢꓲ ꓬꓲ ꓔꓯ ꓕꓱ ꓡꓱ ꓐꓯ_ ꓡꓳ꓾ ꓬꓳ-ꓦ ꓬꓲ ꓛꓳ ꓒꓯ ꓐꓴ_ ꓐꓰ ꓒ-ꓡꓲ-ꓢꓷ ꓐꓴ ꓛꓳ ꓒꓯ ꓠꓬ ꓜꓽ ꓓꓴ ꓟꓽ ꓜꓽ ꓬꓰ ꓔꓬ_ ꓡꓳ꓿ ꓠꓴ ꓛꓳ ꓒꓯ ꓐꓴ ꓠꓬ ꓜ ꓓꓴ ꓟꓽ ꓜꓽ ꓟꓽ ꓬꓰ ꓔꓬ꓿ ꓕꓱ ꓟ ꓠꓬ ꓮ ꓫꓵꓽ ꓪꓴ ꓠꓬꓲ ꓥ ꓡꓳꓺꓽ꓾ ꓐꓯ_ ꓡꓳ꓿ꓖꓳ ꓡꓱ ꓠꓬ ꓬꓰ-ꓢꓴ ꓬꓲ ꓪ ꓔꓯ ꓕꓱ ꓡꓱ ꓐꓯ_ ꓡꓳ꓾ ꓟꓯꓸ ꓡꓯꓸ ꓒ ꓠꓬ ꓬꓲ ꓛꓳ ꓒꓯ ꓐꓴ_ ꓐꓰ ꓕꓲ ꓪꓺꓼ ꓔꓬ_ ꓕꓯ꓾ ꓬꓲ ꓪ ꓜꓽ ꓓꓴ ꓟꓽ ꓜꓽ ꓬꓰ ꓓ_ ꓡꓺꓽ꓿ ꓟꓯꓸ ꓡꓯꓸ ꓒ ꓬꓲ ꓪ_ ꓐꓰ ꓕꓲ ꓪꓺꓼ ꓔꓬ_ ꓟ ꓦꓬꓼ ꓠꓬꓲ ꓙꓳ_ ꓕ ꓑꓳ ꓠꓬ꓾ ꓬꓲ ꓪ ꓜꓽ ꓓꓴ ꓟꓽ ꓜꓽ ꓟꓽ ꓬꓰ꓿ ꓖꓳ ꓡꓱ ꓥ_ ꓟꓲ ꓟꓯꓸ ꓡꓯꓸ ꓒ ꓔꓯ ꓠꓬ ꓬꓲ ꓪ ꓔꓯ ꓐꓰ ꓧꓳꓽ ꓙꓰ_ ꓟ ꓦꓬꓼ ꓠꓬꓲ ꓛꓲ ꓡ_ ꓥꓳ꓿ ꓖꓳ ꓕꓲ ꓠꓬꓲ ꓗꓪ ꓠꓽ ꓬꓲ ꓪ ꓜꓽ ꓓꓴ ꓟꓽ ꓜꓽ ꓬꓰ_ ꓥꓳ꓿ꓐꓵ ꓞꓶ ꓐꓰꓽ ꓗꓪ ꓟꓶ ꓛ ꓫꓵꓼ ꓡꓰ ꓮ ꓟ ꓟꓽ ꓑꓱꓺ꓿ ꓟꓽ ꓥ ꓠꓬ ꓑꓱꓺ ꓔ_ ꓟ ꓟꓶ ꓛ ꓫꓵꓼ ꓡꓰ ꓐꓵ ꓞꓶ ꓐꓰꓽ ꓔꓯ ꓚꓵꓹ ꓧꓽ ꓡꓰ ꓢꓲ꓾ ꓧꓽ ꓡꓰ_ ꓟ ꓟꓬꓽ ꓠꓬꓲ ꓪꓴꓽ_ ꓡꓳ꓿ ꓝꓮꓲ ꓠꓬ ꓛꓱꓼ ꓡꓱ ꓙꓵ ꓬꓲ ꓫꓵꓼ ꓠꓬ ꓧꓪꓽ ꓙꓲꓻ ꓡꓵꓸ ꓬꓲ ꓡꓵꓺ ꓗꓪ ꓧꓳꓽ ꓢꓴ ꓟꓽ ꓙꓳ꓿ ꓟꓽ ꓥ ꓠꓬ꓾ ꓛꓱꓼ ꓡꓱ ꓙꓵ ꓫꓵꓼ ꓡꓰ ꓧꓪꓽ ꓙꓲ ꓡꓵꓸ ꓔꓯ ꓐꓶꓽ ꓡꓰ ꓝꓲ ꓢꓲ꓾ ꓛꓱꓼ ꓡꓱꓼ ꓙꓵ_ ꓟꓲ ꓧꓳꓸ ꓡꓰ꓾ ꓧꓪꓽ ꓙꓲ ꓡꓵꓸ_ ꓟꓲ ꓐꓬꓺ ꓡꓰ_ ꓥꓳ꓿ ꓛꓱꓼ ꓡꓱ ꓙꓵ ꓫꓵꓼ ꓠꓽ ꓧꓪꓽ ꓙꓲ ꓡꓵꓸ ꓫꓵꓼ ꓗꓪ ꓧꓳꓽ ꓓꓴ ꓥ ꓡꓳ꓾ ꓐꓯ_ ꓡꓳ꓿

Add new comment

5 + 6 =