ꓔꓱꓹ ꓚꓵˍ ꓟ ꓔꓯ ꓢꓷꓸ ꓠꓹ ꓟ ꓙꓵꓽ ꓪꓽ (2) Dialogue with the Poor

ꓔꓱꓹ ꓚꓵˍ ꓟ ꓔꓯ ꓬꓲ ꓓꓵ ꓛꓹ ꓢꓲ ꓔꓱꓹ ꓚꓵˍ ꓟ ꓔꓯ ꓣꓱꓹ ꓟ ꓕꓲꓽ ꓚꓱꓹ ꓡꓰ ꓢꓲ ꓞꓳ ꓤꓽ ꓔꓯ ꓪꓴꓽ ꓡ ꓟꓴ ꓡ ꓝꓲˍ ꓡꓳ= ꓔꓱꓹ ꓚꓵˍ ꓟ ꓚꓵ ꓚꓵ ꓒꓬꓱꓼ ꓔꓬ ꓟ ꓔꓯ ꓙꓳˍ ꓟ ꓠꓬ ꓞꓳ ꓤꓽ ꓔꓯ ꓪꓴꓽ ꓡ ꓟꓴ ꓡ ꓝꓲ ꓟꓽ ꓐ ꓡ= ꓔꓲ ꓒꓽ ꓪꓸ ꓔꓲ ꓬꓳ-ꓦ ꓒꓳ-ꓡꓳ (2) ꓐꓯ ꓔ ꓟ ꓠꓬ ꓟꓲ ꓠꓯ ꓞꓳ ꓤꓽ ꓠꓯꓸꓼ ꓗꓪ ꓬꓲ ꓜꓴ ꓬꓲ ꓟꓯꓸꓼ ꓗꓷ ꓡꓰ ꓠ ꓬꓰ ꓠꓲꓹ ꓫꓵꓹ ꓕꓯ ꓥˍ ꓟꓲ꓾ ꓫꓵꓽ ꓪꓴ ꓢꓲ ꓛꓲꓽ ꓮꓽ ꓟꓬ ꓙꓳ ꓢꓲ ꓐꓬ ꓡꓰꓹ ꓟ ꓞꓳ ꓤꓽ ꓬꓲ ꓜꓴ ꓬꓲ ꓟꓯ ꓔꓯ ꓝꓮꓲ ꓕꓲꓽ ꓧꓪ ꓫꓬ ꓑꓱ ꓠꓹ ꓟ ꓢꓯꓼ ꓕꓵꓹ ꓕꓯ ꓥˍ ꓟꓲ ꓞꓳ ꓤꓽ ꓔꓯ ꓥꓲꓸ ꓔ ꓟ ꓑ ꓫꓬꓽ ꓔꓯ ꓥꓲꓸ ꓔ ꓟ ꓙꓵꓽ ꓢꓴ ꓢꓲꓽ ꓒꓽ ꓐꓴ ꓑꓶꓸ ꓓꓴ ꓔꓳꓹ ꓜꓳ ˍ ꓟ ꓫꓵꓽ ꓪꓴ ꓮ ꓟꓬ ꓔꓯ ꓧꓪꓸ ꓡꓰ ꓠꓹ ꓟ ꓐꓱ ꓶ ꓥˍ ꓟꓲ ꓕꓱ ꓚꓵꓹ ꓟ ꓐꓲ ꓞꓹ ꓟ ꓗꓽ ꓕꓸ ꓓꓴ ꓟ ꓙꓳ ꓒꓴ ꓒꓴ ꓡꓰꓽ ꓡꓰꓽ ꓓꓵꓽ ꓙ ꓐ ꓡꓹ ꓟ ꓫꓸ ꓕꓱ ꓐ ꓡꓹ ꓟ ꓟꓬꓱꓽ ꓬꓰ ꓐ ꓡꓹ ꓟ ꓕꓱ ꓡꓰꓳ ꓫꓵꓽ ꓔꓯ ꓧꓪ ꓠꓲꓹ ꓫꓵˍ ꓕꓯ ꓥˍ ꓟꓲ ꓛꓳ ꓠꓲꓹ ꓫꓵˍ ꓕꓯ ꓥˍ ꓟꓲ ꓕꓱ ꓡꓰꓳ ꓫꓴꓽ ꓬꓲ ꓜꓴ ꓬꓲ ꓟꓯꓼ ꓔꓶ ꓠꓲꓹ ꓫꓵˍ ꓕ ꓥˍ ꓟꓲ ꓔꓱꓹ ꓚꓵˍ ꓟ ꓕꓯ ꓢꓲ ꓗꓪ ꓫꓬ ꓑꓱ ꓠꓹ ꓟ ꓔꓶ ꓠꓹ ꓟ ꓬꓳꓸ ꓚꓵˍ ꓡꓳ=

ꓖꓳ ꓟ ꓡꓰ ꓟꓽ ꓞꓲ꓾ ꓞꓳ ꓤꓽ ꓬꓲ ꓜꓴ ꓬꓲ ꓟꓯꓼ ꓠꓬ ꓔꓱꓹ ꓚꓵˍ ꓟ ꓕꓯ ꓢꓲ ꓪꓴꓸ ꓓꓵ ꓛꓹ ꓢꓲ ꓠꓬꓲ ꓮ ꓚꓵ ꓐꓰ ꓫꓬ ꓔꓶ ꓔ ꓠꓬ ꓪꓴꓽ ꓡ ꓟꓴ ꓡ ꓟꓽ ꓞꓲ ꓞꓳ ꓤꓽ ꓟꓬꓱ ꓓꓳꓽ ꓥˍ ꓟꓲ ꓙꓳˍ ꓡꓳ= ꓞꓳ ꓤꓽ ꓪ ꓙꓵꓽ ꓪꓽ ꓔꓯ ꓥˍ ꓟꓲ ꓡꓳꓸ ꓙ ꓒꓳꓽ ꓙ ꓔ ꓙ ꓖꓶˍ ꓟ ꓗꓽ ꓕꓸ ꓙ ꓖꓶꓹ ꓟ ꓒꓬꓱꓼ ꓡ ꓓꓴ ꓥꓳꓻ ꓐꓰ ꓐꓯ ꓔ ꓡꓳ= ꓞꓳ ꓤꓽ ꓔꓯ ꓥꓲꓸ ꓔ ꓟ ꓙꓵꓽ ꓢꓴ ꓢꓲꓽ ꓒꓽ ꓐꓴ ꓠꓬ ꓔꓱꓹ ꓚꓵˍ ꓟ ꓔꓯ ꓑꓲꓸ ꓠꓹ ꓟ ꓢꓯꓼ ꓕꓵˍ ꓟ ꓗꓪ ꓐꓰ ꓒꓬꓱꓼ ꓡ ꓟ ꓙꓵꓽ ꓚꓱꓹ ꓥ_ ꓡꓳ=