ꓕꓲꓽ ꓠꓬꓲ 5 ꓧꓪꓹ ꓪꓽ ꓘꓴˍ ꓟ (Dialogue with other Religions)

ꓟꓴ-ꓢ-ꓡꓲꓟ ꓐꓴ ꓠꓬ ꓢ-ꓡꓮꓔ ꓐꓯꓹ ꓟ ꓪꓽ ꓘꓴ ꓙꓵꓹ ꓙꓳˍ ꓡꓳ= ꓖꓳ ꓟ ꓠꓬ ꓕꓲꓽ ꓠꓬꓲ 5 ꓧꓪꓹ ꓪꓽ ꓟꓽ ꓘꓴ ꓟꓽ ꓓ ꓐꓯꓹ ꓟ ꓪꓽ ꓘꓴ ꓙꓵ ꓥˍ ꓡꓳ= ꓕꓲꓽ ꓠꓬꓲ ꓟ 5 ꓧꓪꓹ ꓪꓽ ꓘꓴ ꓕꓯ ꓟꓴ-ꓢ-ꓡꓲꓟ ꓐꓴ ꓪꓽ ꓘꓴ ꓔꓶ ꓟꓳ-ꓢꓲ ꓥ ꓠꓬ ꓑ-ꓡꓲ ꓪ ꓘꓴ ꓔꓶ ꓗꓪ ꓚꓳꓸ ꓪꓽ ꓘꓴ ꓔꓴ ꓡꓹ ꓟ ꓥˍ ꓡꓳ= ꓕꓱ ꓡꓰ ꓪꓽ ꓘꓴꓹ ꓕꓯ ꓮ-ꓜꓮꓠ ꓐꓯꓹ ꓟ ꓓꓽ ꓪꓴꓸ ꓪꓽ ꓘꓴ ꓔꓴꓹ ꓟ ꓔꓯ ꓟꓳ-ꓢꓲ ꓥˍ ꓠꓬ ꓑ-ꓡꓲ ꓗꓪ ꓚꓳꓸ ꓧꓶꓸ ꓕꓯꓽ ꓘꓴ ꓔꓴ ꓡˍ ꓡꓳ= ꓕꓱ ꓡꓰ ꓪꓽ ꓘꓴ ꓔꓶ ꓗꓪ ꓚꓳꓸ ꓘꓴ ꓪꓴꓸ ꓔꓴ ꓢꓴ ꓠꓬ ꓬꓲ ꓢꓯꓼ ꓙꓲ ꓠ ꓡꓳꓹ ꓥ= ꓕꓱ ꓡꓰ ꓘꓴ ꓢꓴ ꓔꓯ ꓟꓴꓰꓜꓲꓠ ꓐꓯˍ ꓟ ꓥˍ ꓡꓳ= ꓘꓴ ꓗꓴ ꓔ ꓢꓴˍ ꓐꓰ ꓞꓲꓼ ꓪꓴꓽ ꓓꓲ ꓡꓰ ꓢꓴ ꓔꓯ ꓘꓴ ꓝꓲˍ ꓟ ꓥ ꓪ= ꓓꓽ ꓪꓴꓸ ꓘꓴꓹ ꓟ ꓮ-ꓜꓰꓠ ꓪꓽ ꓘꓴ ꓘꓶꓽ ꓔꓯ ꓮ-ꓣꓮꓑ ꓥꓳꓽ ꓗꓪ ꓐꓰ ꓪꓽ ꓘꓴˍ ꓟ ꓥˍ ꓡꓳ= ꓕꓱ ꓡꓰ ꓪꓽ ꓘꓴ ꓙꓵ ꓕ꓾ꓽ ꓟ ꓗꓪ ꓪꓽ ꓘꓶꓽ ꓔꓯ 3 ꓕꓱ ꓕꓱ ꓡꓰ ꓒꓯꓽ ꓔ ꓟ ꓙꓳ ꓐꓶ=

1ꓸ ꓠꓬ ꓓꓽ ꓪꓴꓸ ꓘꓴ ꓔꓴꓹ ꓟ 2ꓸ ꓪꓽ ꓘꓴ ꓠꓹ ꓟ ꓡ ꓠꓹ ꓟ ꓘꓴˍ ꓟ 3ꓸ ꓬꓲ ꓟꓶꓽ ꓢꓰꓼˍ ꓟ ꓐꓯ ꓢꓲ ꓕꓱ ꓡꓰ 3 ꓝ ꓙꓳ ꓐꓶ= ꓖꓳ ꓡꓰ ꓪꓽ ꓘꓴ ꓕꓯꓽ ꓓꓽ ꓪꓴꓸ ꓘꓴ ꓕꓯ ꓥˍ ꓟꓲ ꓮ-ꓡ ꓐꓯˍ ꓟ ꓐ꓾ ꓬꓲ ꓟꓶꓽ ꓗꓪ ꓥˍ ꓟꓲ ꓮ-ꓡ ꓐꓯˍ ꓟ ꓐꓹ ꓐꓶ= ꓕꓱ ꓕꓲꓽ ꓘꓴꓸ ꓗꓪ ꓮ-ꓜꓮꓠ ꓐꓯꓹ ꓟ ꓡꓯ ꓪꓽ ꓘꓴ ꓡꓯ ꓐꓯꓹ ꓟ ꓪꓽ ꓘꓴ ꓘꓶꓽ ꓗꓪ ꓛꓳꓽ ꓠꓬꓲ ꓠꓬ "ꓮ-ꓡ ꓧꓴ ꓮ ꓗ ꓐ" ꓐꓯꓹ ꓟ ꓗꓪ ꓐꓰ ꓓꓽ ꓪꓴꓸ ꓔꓴˍ ꓐꓶ= ꓖꓳ ꓟ ꓠꓬ ꓮ-ꓡ ꓪꓴ-ꓢ ꓠꓬ ꓙꓳꓹ ꓟ ꓥ ꓕ ꓑꓳꓸ ꓕꓯꓽ ꓢꓲ ꓗꓪ ꓟꓽ ꓓ ꓪꓴꓽ ꓖꓴ ꓡꓰˍ ꓟ ꓕꓱ ꓡꓰ ꓘꓴꓹ ꓟ ꓔꓯ 4 ꓧꓪ ꓘꓴ ꓢꓲ ꓕꓱ ꓡꓰ ꓘꓴ ꓪꓴꓸ ꓔꓴ ꓡꓰꓹ ꓟ ꓥ ꓪ= ꓬꓲ ꓟꓶꓽ ꓗꓪ ꓪꓽ ꓘꓴ ꓢꓰꓼ ꓕꓯꓽ ꓠꓬ ꓮ-ꓡ ꓪꓴ-ꓢ ꓗꓪ ꓚꓳ ꓙ ꓡꓰ ꓢꓲ ꓠꓱꓸ ꓐꓯꓼ ꓪꓴ-ꓢ ꓟꓽ ꓙꓳ ꓐꓯꓹ ꓟ ꓕꓱ ꓟ ꓘꓶꓽ ꓗꓪ ꓐꓰ ꓬꓲ ꓟꓶꓽ ꓢꓰꓼ ꓩꓴˍ ꓐꓶ=

ꓖꓳ ꓡꓰ ꓪꓽ ꓘꓴ ꓘꓶꓽ ꓔꓯ ꓘꓴ ꓢꓴ ꓟꓴ-ꓰ-ꓜꓲꓠ ꓐꓴ ꓠꓬ ꓠꓸ ꓑꓳ ꓔꓯ ꓑꓲꓸ ꓔ ꓢꓲ ꓥˍ ꓠꓬ ꓡꓯꓼ ꓠꓬꓲ ꓡꓰ ꓗꓸ ꓔ ꓢꓲ ꓪꓸ ꓤꓼ ꓪꓸ ꓪꓽ ꓘꓴꓹ ꓟ ꓥˍ ꓡꓳ= ꓕꓲꓽ ꓐꓱ ꓗꓴꓷ ꓗꓪ ꓠꓬ ꓚꓳ ꓡꓳ ꓓꓶꓽ꓾ ꓟꓶ ꓫꓵꓽ ꓟꓶ ꓙꓵ ꓟꓶ ꓢꓲ ꓪꓽ ꓘꓴ ꓔꓴꓹ ꓟ ꓬꓰˍ ꓡꓳ= ꓗꓴꓷꓼ ꓙꓵꓽ ꓢꓴ ꓢꓲꓽ ꓒꓽ ꓐꓴ ꓡꓰ ꓘꓴ ꓠꓹ ꓟ ꓙꓵꓽ ꓪꓽ ꓟꓽ ꓖꓶꓹ ꓟ ꓗꓴꓷꓼ ꓗꓪ ꓠꓬ ꓪꓸ ꓤꓼ ꓪꓸ ꓘꓴꓹ ꓟ ꓟꓽ ꓙꓳꓹ ꓟ ꓗꓴꓷꓼ ꓥˍ ꓟꓲ ꓙꓳˍ ꓡꓳ= ꓠꓬꓲꓹ ꓠꓬꓲ ꓟꓲ ꓠꓯ ꓗꓪ ꓗꓴꓷꓼ ꓕꓲꓽ ꓟ ꓡꓰ ꓕꓲꓽ ꓟ ꓬꓲ ꓙꓵꓹ ꓛꓳꓽ ꓓꓴ ꓠ-ꓡꓲ ꓕꓱ ꓡꓰ ꓙꓳˍ ꓟ ꓥ ꓪ= ꓕꓱ ꓟ ꓠ-ꓡꓲ ꓔꓯ ꓗꓴꓷꓼ ꓕꓲꓽ ꓟ ꓡꓰ ꓕꓲꓽ ꓟ ꓥˍ ꓠꓬ ꓡꓳ ꓒꓱ ꓕꓲꓽ ꓟ ꓡꓰ ꓕꓲꓽ ꓟ 256 ꓗꓴꓷꓼ ꓟꓽ ꓥˍ ꓠꓬ ꓡꓳ ꓒꓱ ꓕꓯ ꓛꓳꓽ ꓢꓲ ꓬꓰ ꓔ ꓟ ꓠ-ꓡꓲ ꓙꓳꓹ ꓟ ꓥˍ ꓡꓳ= ꓟꓮꓓ-ꓗ ꓡꓳ ꓒꓱ ꓐꓰ ꓟꓶ-ꓓꓲ-ꓠ ꓡꓳ ꓒꓱ ꓐꓱ ꓶ ꓥˍ ꓟꓲ ꓠ-ꓡꓲ ꓖꓳ ꓟ ꓗꓪ ꓟꓽ ꓐ ꓟꓽ ꓓ ꓐ ꓠ ꓗˍ ꓡꓳ=