ꓕꓲꓽ ꓣꓳ ꓛꓳꓽ ꓕꓲꓽ ꓣꓳ ꓦ ꓡꓱ ꓐꓳˍ ꓟ (Dialogue with the Poor)

ꓕꓲꓽ ꓣꓳ ꓛꓳꓽ ꓕꓲꓽ ꓣꓳ ꓦ ꓡꓱ ꓐꓳ ꓡꓰ ꓝꓲˍ ꓟ ꓠꓬ ꓞꓳ ꓤꓽ ꓔꓯ ꓪꓴꓽ ꓡ ꓟꓴ ꓡ ꓝꓲˍ ꓡꓳ= ꓕꓲꓽ ꓣꓳ ꓛꓳꓽ ꓕꓲꓽ ꓣꓳ ꓦ ꓡꓱ ꓐꓳ ꓢꓲ ꓙꓵ ꓔꓬ ꓟ ꓟꓽ ꓙꓳꓹ ꓠꓬ ꓟꓬꓱꓽ ꓬꓰ ꓠꓹ ꓟ ꓟ ꓛꓱꓼ= ꓕꓲꓽ ꓣꓳ ꓛꓳꓽ ꓕꓲꓽ ꓣꓳ ꓦ ꓡꓱ ꓐꓳˍ ꓟ ꓙꓳ ꓠ ꓟ ꓠꓬ ꓬꓲ ꓔꓯ ꓘꓳꓹ ꓣꓴ ꓐ ꓡ ꓠꓹ ꓬꓲ ꓠꓯꓸꓼ ꓗꓪ ꓠꓱꓸ ꓔ ꓟ ꓢꓯꓼ ꓐꓹ ꓟ ꓔꓯ ꓢꓷꓸ ꓢꓲ ꓘꓳ ꓣꓴ ꓐ ꓡ ꓕꓯ ꓢꓲ ꓕꓲꓽ ꓣꓳ ꓛꓳꓽ ꓕꓲꓽ ꓣꓳ ꓦ ꓡꓱ ꓐꓳꓹ ꓟ ꓙꓳ ꓡ ꓓꓴ ꓥꓳ= ꓣꓳꓽ ꓗꓳꓹ ꓡꓳ ꓗꓪ ꓪꓽ ꓡꓯꓽ ꓘꓳ ꓟꓽ ꓠ ꓡꓰ ꓝꓲꓹ ꓟ꓾ ꓪꓽ ꓙꓳꓽ ꓝꓱꓹ ꓔ ꓟ ꓪꓽ ꓛꓲ ꓝꓱꓹ ꓔ ꓟ꓾ ꓟꓬ ꓢꓲꓽ ꓠꓬꓲ ꓟꓽ ꓟꓵꓹ ꓟ꓾ ꓕꓲꓽ ꓣꓳ ꓐꓰ ꓕꓲꓽ ꓣꓳ ꓪꓽ ꓡꓯꓽ ꓘꓳ ꓠꓲꓹ ꓟ ꓫꓱꓹ ꓟ꓾ ꓪꓽ ꓡꓯꓽ ꓘꓳ ꓫꓱ ꓡꓯꓽ ꓘꓳ  ꓠꓹ ꓟ ꓐꓱ ꓶ ꓟꓽ ꓢꓯꓼ ꓕꓵꓼˍ ꓟ ꓬꓲ ꓡꓹ ꓠꓬ ꓛꓲꓹ ꓙꓰ_ ꓟ ꓕꓱ ꓡꓰꓳ ꓫꓵ ꓗꓶ ꓡꓰꓹ ꓟ ꓠꓬ ꓕꓲꓽ ꓣꓳ ꓛꓳꓽ ꓕꓲꓽ ꓣꓳ ꓦ ꓡꓱ ꓐꓳˍ ꓟ ꓟꓽ ꓙꓳ ꓬꓲ ꓕꓲꓽ ꓛꓱ ꓔꓯ ꓢꓲ ꓦꓲꓼ ꓟꓽ ꓐ ꓡꓹ ꓟ ꓬꓲ ꓔꓯ ꓟꓽ ꓚꓹ ꓟ ꓑꓶ ꓓꓴ ꓠꓲ ꓥˍ ꓡꓳ=

 ꓞꓳ ꓤꓽ ꓮ ꓟꓬ ꓐꓱ ꓶ ꓙꓵ ꓖꓴ ꓙꓳˍ ꓟ ꓠꓯꓸꓼ ꓗꓪ ꓕꓲꓽ ꓣꓳ ꓛꓳꓽ ꓕꓲꓽ ꓣꓳ ꓫꓸ ꓕꓱ ꓡꓯꓽ ꓘꓳ ꓢꓲ ꓖꓪ ꓙꓱ ꓠꓹ ꓟ ꓬꓲ ꓠꓯꓸꓼ ꓗꓪ ꓕꓲꓽ ꓛꓳ ꓕꓲꓽ ꓣꓳ ꓦ ꓡꓱ ꓐꓳ ꓢꓲ ꓙꓵ ꓔꓬ ꓟ ꓟꓽ ꓙꓳꓹ ꓟ ꓥ_ ꓡꓳ꓾ ꓟꓽ ꓚꓹ ꓟ ꓥ ꓡꓳ꓾ ꓦꓲꓼ ꓠꓲꓹ ꓟ ꓙꓳꓹ ꓟ ꓥˍ ꓡꓳ= ꓕꓲꓽ ꓣꓳ ꓛꓳ ꓕꓲꓽ ꓣꓳ ꓦ ꓡꓱ ꓐꓳ ꓢꓲ ꓙꓵ ꓔꓬ ꓟ ꓠꓬ ꓙꓵꓹ ꓟ ꓚꓱ ꓬꓲ ꓠꓯꓸꓼ ꓗꓪ ꓙꓳꓹ ꓟ ꓢꓯꓼ ꓪꓽ ꓥ ꓕ ꓑꓳꓸ ꓔꓯ ꓦ ꓡꓱ ꓐꓳ ꓢꓲ ꓙꓵ ꓔꓬꓹ ꓟ ꓥ ꓪ= 

 ꓕꓲꓽ ꓣꓳ ꓛꓳ ꓕꓲꓽ ꓣꓳ ꓦ ꓡꓱ ꓐꓳ ꓢꓲ ꓙꓵ ꓔꓬ ꓟ ꓖꓳ ꓟ ꓗꓪ ꓚꓳꓹ ꓡꓰ ꓞꓳ ꓤꓽ ꓮ ꓟꓬ ꓐꓱ ꓶ ꓙꓵ ꓖꓴ ꓙꓳꓹ ꓟ ꓟꓬꓱꓽ ꓔꓯ ꓬꓰ ꓐ ꓡꓹ ꓟ ꓙꓵ ꓠꓲꓹ ꓔꓯ ꓒꓬꓱꓼ ꓡ ꓝꓲꓹ ꓟ ꓥ ꓪ= ꓙꓵꓠꓲꓹ ꓐꓯꓹ ꓟ ꓠꓬ ꓞꓳ ꓤꓽ ꓕꓲꓽ ꓣꓳ ꓢꓯꓸꓼ ꓟꓽ ꓙꓳꓹ ꓟ꓾ ꓠꓱꓹ ꓟ ꓢꓯꓼ ꓐꓹ ꓟ꓾ ꓖꓳꓼ ꓧꓶꓸ ꓡꓰꓹ ꓟ꓾ ꓬꓲ ꓔꓯ ꓦꓥ ꓦ ꓢꓲꓺ ꓐꓰ ꓜꓳꓽ ꓠꓽ ꓜꓳꓽ ꓥꓹ ꓢꓲꓺ ꓐꓰ ꓕꓱ ꓡꓰ ꓮ ꓡꓰ ꓓꓴ ꓕꓱ ꓡꓰꓳ ꓫꓵꓽ ꓮꓽ ꓙꓵꓽ ꓔꓯ ꓧꓪꓸ ꓐ ꓡꓰ ꓝꓲꓹ ꓟ ꓔꓯ ꓢꓲ ꓙꓵ ꓠꓲꓹ ꓐꓯꓹ ꓟ ꓥ ꓪ=