ꓗꓳꓸ ꓛꓲ ꓡˍ ꓟ ꓙꓵꓹ ꓐꓰ ꓡꓯꓽ ꓒꓯꓹ ꓝꓸ ꓔ ꓟ (ꓚꓮꓔꓰꓚꓧꓲꓢꓟ Q & A)

ꓡꓳꓹ ꓬꓲ ꓟ ꓙꓵꓹ ꓗꓪ ꓗ-ꓕꓳ-ꓡꓲꓼ ꓘꓴ ꓜꓲꓼ ꓞꓳ ꓣꓱꓽ ꓫꓶꓸ ꓡˍ ꓟ ꓠꓯꓸꓼ ꓗꓪ ꓠꓬ ꓗꓳꓸ ꓛꓲ ꓡˍ ꓟ ꓙꓵꓹ ꓥˍ ꓠꓬ ꓥꓳ ꓡꓳꓸ ꓔ ꓟ ꓙꓵ ꓐꓯˍ ꓟ ꓮꓓꓦꓰꓠꓔꓴ ꓐꓰ ꓡꓰꓠꓔ ꓐꓯˍ ꓟ ꓜ ꓚꓵꓸ ꓚꓵꓸ ꓙꓵꓹ ꓗꓪ ꓠꓬ ꓡꓯꓽ ꓒꓯꓹ ꓝꓸ ꓟꓽ ꓓˍ ꓟ ꓥˍ ꓡꓳ= ꓝꓸ ꓠˍ ꓟ ꓙꓵꓽ ꓪꓽ ꓟꓽ ꓖꓶ ꓔ= ꓖꓳ ꓡꓰ ꓥˍ ꓟꓲ ꓦꓮꓔꓲꓚꓮꓠ ꓲꓲ ꓖꓪ ꓙꓱ ꓜꓲꓼ ꓓꓴ ꓗꓪ ꓫꓬꓹ ꓑꓱ ꓔ ꓟ ꓮ ꓡꓲꓳ ꓫꓵꓽ ꓙꓳˍ ꓡ ꓐꓯ ꓠꓬ ꓔꓲꓺ ꓒꓽ ꓪꓸ ꓔꓲ ꓒꓳ-ꓡꓳ (6) ꓡꓰ ꓐꓳ ꓛꓱ ꓩꓴ ꓡˍ ꓟ ꓠꓯꓸꓼꓗꓪ ꓮꓓꓦꓰꓠꓔꓴ ꓐꓰ ꓜ ꓚꓵꓸ ꓚꓵꓸ ꓙꓵꓹ ꓠꓯꓸꓼ ꓗꓪ ꓡꓯꓽ ꓒꓯꓹ ꓝꓸ ꓠˍ ꓟ ꓙꓵꓽ ꓪꓽ ꓖꓶ ꓔ ꓟ ꓙꓳˍ ꓡꓳ= ꓖꓳ ꓡꓰ ꓮꓓꓦꓰꓠꓔꓴ ꓙꓵꓹ ꓜ ꓚꓵꓸ ꓚꓵꓸ ꓙꓵꓹ ꓐꓰ ꓠꓱꓸ ꓐꓯꓼ ꓠꓲꓹ ꓟ ꓒꓳꓹ ꓡꓲꓼ ꓓꓴ ꓠꓲꓹ ꓟ ꓡꓶꓸ ꓓꓴ ꓬꓲ ꓙꓵꓹ ꓔꓶ ꓔ ꓟ ꓙꓵꓹ ꓗꓪ ꓠꓬ ꓙꓵꓽ ꓢꓴ ꓔꓲꓺ ꓒꓽ ꓠꓬ ꓡꓯꓽ ꓒꓯꓹ ꓝꓸ ꓔ ꓟ ꓘꓳꓹ ꓣꓴ ꓢꓴ ꓔꓯ ꓕꓱ ꓟ ꓠꓬ ꓮ ꓽ ꓘꓶꓸ ꓠꓲꓹ ꓟ ꓓꓵꓽ ꓙꓽ ꓠꓬꓲ ꓔ ꓟ ꓬꓲ ꓙꓵꓹ ꓥˍ ꓡꓳ ꓐꓰ ꓬꓲ ꓪꓽ ꓔꓯ ꓐꓯ ꓟꓸ ꓖꓶ ꓬꓲꓼ ꓠꓬꓲꓸ ꓖꓶ ꓠꓬꓲ ꓔ ꓡꓳ= 

ꓖꓳ ꓟ ꓠꓬ ꓡꓯꓽ ꓒꓯꓹ ꓝꓸ ꓔ ꓟ ꓚꓱꓹ ꓔ ꓟꓳꓸ ꓓꓽ ꓪꓴꓸ ꓐꓳ ꓔ ꓟ ꓠ-ꓐꓼ 11 ꓗꓪ ꓕꓱ ꓡꓰ ꓐꓳ ꓔ ꓐꓷ= ꓐꓯ ꓟꓵ ꓢꓪˍ ꓟ ꓠꓬ ꓕꓱ ꓕꓲꓽ ꓙꓵꓹ ꓠꓬ ꓠꓲꓹ ꓟ ꓒꓳꓹ ꓡꓲꓼ ꓓꓴ ꓙꓵꓼ ꓠꓲꓹ ꓟ ꓡꓶꓸ ꓓꓴ ꓙꓵꓹ ꓥˍ ꓟ ꓑꓶꓸ ꓓꓴ ꓬꓲ ꓫꓳ ꓑꓮꓲꓽ ꓓꓽ ꓬꓰ ꓟꓽ ꓓ= ꓜ ꓜꓽ ꓑꓮꓲ ꓬꓰ ꓟꓽ ꓓ ꓐꓰ ꓕꓱ ꓡꓲꓳ ꓫꓵꓽ ꓔꓯ ꓢꓷꓸ ꓠꓬꓲ ꓔ ꓥˍ ꓐꓰ ꓕꓱ ꓡꓰ ꓟꓸ ꓖꓶ ꓡˍ ꓟ ꓥ ꓪ= ꓖꓳ ꓡꓰ ꓥˍ ꓟꓲ ꓧꓶꓸ ꓕꓯ ꓕꓲꓽ ꓞꓲꓼ ꓗꓪ ꓐꓳ ꓦˍ ꓟ ꓣꓳ-ꓟꓮꓠ ꓟꓲ-ꓢ ꓐꓯˍ ꓟ ꓗꓪ ꓠꓬ ꓡꓯꓽ ꓒꓯꓹ ꓝꓸ ꓠˍ ꓟ ꓚꓱꓹ ꓔꓯ ꓟꓳꓸ ꓐꓳ ꓔ ꓟ ꓠꓬ ꓟꓽ ꓙꓳˍ ꓐꓶ= ꓕꓱ ꓡꓰ ꓮꓓꓦꓰꓠꓔꓴ ꓙꓵꓹ ꓜ ꓚꓵꓸ ꓚꓵꓸ ꓙꓵꓹ ꓐꓰ ꓠꓱꓸ ꓐꓯꓼ ꓠꓲꓹ ꓟ ꓒꓳꓹ ꓡꓰꓼ ꓠꓬꓲ ꓔ ꓟ ꓠꓲꓹ ꓟ ꓡꓶꓸ ꓠꓬꓲ ꓔ ꓟ ꓙꓵꓹ ꓗꓪ ꓥˍ ꓟꓲ ꓢ-ꓗꓣꓮ-ꓟꓰꓠ-ꓔꓴ ꓐꓯˍ ꓟ ꓚꓬꓴꓹ ꓙˍ ꓟ ꓣꓱꓽ ꓛꓲꓽ ꓔꓯ ꓑꓯꓹ ꓟꓶ ꓝˍ ꓟ ꓢ-ꓗꓣꓮ-ꓟꓰꓠ-ꓔ ꓐꓯˍ ꓟ ꓚꓬꓴꓹ ꓙˍ ꓟ ꓣꓱꓽ ꓛꓲꓽ ꓠꓯꓸꓼ ꓗꓪ ꓛꓲ ꓡꓰ ꓝˍ ꓟ ꓔꓯ ꓔ ꓙˍ ꓟ ꓕꓱ 2 ꓫꓵꓽ ꓔꓯ ꓢꓲ ꓟꓳꓸ ꓠꓳꓸ 372 ꓗꓪ ꓕꓱ ꓡꓰ ꓐꓳ ꓔ ꓐꓶ= 

ꓮꓓꓦꓰꓠꓔꓴ ꓙꓵꓹ ꓜ ꓚꓵꓸ ꓚꓵꓸ ꓙꓵꓹ ꓢꓯꓸ ꓬꓲꓼ ꓡ ꓙꓵꓹ ꓕꓱ ꓟ ꓙꓵꓹ ꓗꓪ ꓠꓬ ꓑꓮꓲꓽ ꓓꓽ  ꓐꓰ ꓫꓵꓽ ꓠꓬꓲ ꓥ ꓕ ꓑꓳꓸ ꓗꓪ ꓠꓬ ꓡꓯꓽ ꓒꓯꓹ ꓟꓽ ꓝꓸ ꓖꓶ ꓠꓬ ꓙꓵˍ ꓥ ꓐꓰ ꓕꓱ ꓡꓰ ꓐꓳ ꓔ ꓡꓳ= ꓖꓳ ꓟ ꓡꓰ ꓟꓽ ꓞꓲ ꓫꓵꓽ ꓐꓱ ꓶ ꓪꓽ ꓘꓴ ꓖꓶˍ ꓟ 11 ꓦ ꓟ ꓠꓬꓲꓽ ꓠꓬꓲ꓾ ꓖꓳ ꓟ ꓡꓰ ꓟꓽ ꓞꓲꓼ ꓜꓽ ꓚꓵꓸ ꓚꓵꓸ ꓙꓵꓹ ꓬꓲ ꓪꓴꓸ ꓥꓼ ꓛꓲ ꓗꓪ ꓘꓴꓽ ꓦ ꓡꓰ ꓟꓲ ꓖꓶˍ ꓟ ꓦꓬꓼ ꓠꓬꓲ ꓖꓳ ꓟ ꓡꓰ ꓟꓽ ꓞꓲ꓾ ꓧꓳꓡꓬ ꓪꓰꓰꓗ ꓐꓯˍ ꓟ ꓢꓲꓽ ꓫꓬˍ ꓟ ꓕꓲꓽ ꓫꓵꓽ ꓠꓽ ꓘꓴ ꓗꓪ ꓢꓲꓽ ꓫꓬˍ ꓟ ꓠꓽ 4 ꓠꓬꓲ꓾ ꓠꓽ ꓥꓪꓽ ꓠꓬꓲ ꓠꓽ ꓛꓳꓼ ꓠꓬꓲ ꓕꓱ 3 ꓠꓬꓲ ꓗꓪ ꓠꓬ ꓡꓯꓽ ꓒꓯꓹ ꓝꓸ ꓔ ꓟ ꓔꓯ ꓟꓽ ꓬꓰ ꓠꓹ ꓟ ꓐꓱ ꓶ ꓕꓱ ꓡꓰ ꓐꓳ ꓔ ꓟ ꓙꓳˍ ꓡꓳ=                                             

Add new comment

4 + 6 =