ꓗꓽ ꓕꓸ ꓓꓴꓟꓽ ꓙꓳꓺ ꓒꓴ ꓒꓴ ꓡꓯꓽ ꓡꓯꓽ ꓬꓰ ꓐ ꓡꓹ ꓟ ꓐꓰ ꓓꓵꓽ ꓙꓽ ꓗꓴꓸ ꓔ ꓟ ꓚꓱꓹ

ꓠꓬꓲ ꓧꓪꓹ ꓕꓲꓽ ꓧꓪꓹ ꓟ ꓦꓮꓔꓲꓚꓮꓠ ꓖꓪ ꓙꓱ ꓜꓲꓼ ꓓꓴ ꓗꓪ ꓠꓬ ꓞꓳ ꓤꓽ ꓕꓲꓽ ꓣꓳ ꓠꓯꓸꓼ ꓗꓪ ꓙꓳ ꓠꓬꓲ ꓔ ꓟ ꓙꓽ ꓜꓲꓼ ꓠꓲꓹ ꓢꓷꓸ ꓠꓲꓹ ꓐꓰ ꓬꓲ ꓔꓵꓹ ꓬꓲ ꓢꓷꓸ ꓗꓴꓸ ꓠꓬꓲ ꓔ ꓟ ꓐꓯꓹ ꓟ ꓔꓯ ꓐꓯ ꓟꓸ ꓖꓶ ꓡꓹ ꓟ ꓠꓬ ꓖꓳ ꓟ ꓬꓲ ꓕꓵꓹ ꓬꓲ ꓢꓷꓸ ꓠꓬꓲ ꓔ ꓟ ꓙꓽ ꓜꓲꓼ ꓠꓲꓹ ꓢꓷꓸ ꓠꓲꓹ ꓠꓬ ꓟꓬ ꓢꓶ ꓡꓰ ꓟꓳ ꓪ ꓟꓽ ꓓꓹ ꓟ ꓟꓽ ꓓ ꓠꓯꓹ ꓟ ꓠꓯꓸꓼ ꓗꓪ ꓙꓳꓹ ꓟ ꓬꓲ ꓕꓵꓹ ꓬꓲ ꓢꓷ ꓔ ꓟ ꓕꓲꓽ ꓫꓵꓽ ꓥˍ ꓡꓳ= ꓔꓯ ꓥꓳˍ ꓕꓲꓽ ꓟ ꓐꓯꓹ ꓠꓬ ꓞꓳ ꓤꓽ ꓢꓰꓼ ꓟ ꓠꓬ ꓟꓽ ꓙꓲꓻ ꓐꓯꓹ ꓟ ꓠꓬ ꓟꓲ ꓠꓯ ꓞꓳ ꓤꓽ ꓪꓴꓸ ꓠꓶꓸ ꓠꓯꓸꓼ ꓗꓪ ꓙꓳꓹ ꓟ ꓥˍ ꓡꓳ= ꓖꓳ ꓟ ꓠꓬ ꓬꓲ ꓕꓵꓹ ꓬꓲ ꓟꓽ ꓙꓲꓻ ꓐꓯꓹꓟ ꓢꓷ ꓔ ꓟ ꓥˍ ꓡꓳ= ꓖꓳ ꓡꓰꓳ ꓫꓵꓽ ꓔꓯ ꓐꓯ ꓠꓲꓹ ꓫꓵꓹ ꓟ ꓥˍ ꓡꓳ=

 ꓕꓱ ꓡꓰ ꓬꓲ ꓕꓵꓹ ꓬꓲ ꓢꓷ ꓔ ꓟ ꓗꓴꓸ ꓔ ꓟ ꓠꓬ ꓞꓳ ꓤꓽ ꓕꓲꓽ ꓣꓳ ꓠꓯꓸꓼ ꓗꓪ ꓙꓳ ꓟ ꓢꓲ ꓫꓬ ꓟ ꓚꓱꓹ ꓥˍ ꓡꓳ ꓐꓰ ꓕꓱ ꓡꓰ ꓐꓯˍ ꓡꓳ= ꓖꓳ ꓡꓰ ꓟꓽ ꓞꓲ ꓕꓱ ꓟ ꓠꓬ ꓪꓴ-ꓢ ꓐꓯ ꓘꓶꓽ ꓪꓴ-ꓢ ꓬꓲ ꓢꓯꓼ ꓥˍ ꓡꓳ= ꓐꓯ ꓟꓵ ꓢꓱꓹ ꓟ ꓠꓬ ꓪꓴ-ꓢ ꓟꓶꓽ ꓠꓶꓹ ꓗꓪ ꓐꓰ ꓓꓳ ꓡꓹ ꓟ ꓪꓴ-ꓢ ꓠꓯꓸꓼ ꓗꓪ ꓐꓰ ꓓꓳ ꓡꓹ ꓟ ꓟꓶꓹ ꓟ ꓬꓲ ꓢꓯꓼ ꓥˍ ꓡꓳꓻ ꓐꓯꓹ ꓫꓵꓽ ꓥ ꓪ= ꓕꓱ ꓟ ꓣꓳꓽ ꓠꓲꓹ ꓟ ꓠꓯꓸꓼ ꓗꓪ ꓐꓰ ꓓꓳ ꓡꓹ ꓟ ꓙꓲꓹ ꓟ ꓚꓱꓹ ꓠꓬ ꓪꓴ-ꓢ ꓢꓯꓼ ꓪ ꓗꓪ ꓐꓰ ꓥˍ ꓡꓳ=

 ꓪꓴ-ꓢ ꓠꓬ ꓣꓳꓽ ꓟꓲ ꓠꓯ ꓞꓳ ꓤꓽ ꓓꓵꓽ ꓙꓽ ꓗꓴꓸ ꓔ ꓟ ꓕꓱ ꓟ ꓔꓯ ꓣꓱꓽ ꓢꓲ ꓣꓳ ꓔꓯ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓫꓸ ꓕꓱ ꓔꓬ ꓟ ꓥˍ ꓡꓳ= ꓖꓳ ꓡꓲ ꓫꓸ ꓕꓱꓹ ꓟ ꓠꓬ ꓙꓲꓹ ꓟ ꓔꓯ ꓬꓰ ꓠꓹ ꓟ ꓪꓴ-ꓢ ꓠꓬ ꓣꓳꓽ ꓔꓯ ꓮ ꓕꓯ ꓥˍ ꓟꓲ ꓠꓲꓹ ꓟ ꓠꓯꓸꓼ ꓗꓪ ꓧꓪꓸ ꓛꓲ ꓖꓶꓽ ꓔꓬ ꓟ ꓥ ꓪ= ꓖꓳ ꓟ ꓣꓳ ꓙꓽ ꓜꓲꓼ ꓗꓴꓸ ꓔ ꓟ ꓢꓶꓸ ꓔ ꓟ ꓓꓵꓽ ꓙꓽ ꓗꓴꓸ ꓔ ꓟ ꓠꓲꓹ ꓟ ꓗꓪ ꓐꓰ ꓡꓰꓽ ꓣꓳꓽ ꓠꓬ ꓟꓲ ꓓꓳꓽ ꓙꓳˍ ꓟ ꓒꓵꓽꓹ ꓟ ꓞꓳ ꓤꓽ ꓐꓯꓹ ꓟ ꓒꓬꓱꓼ ꓡ ꓓꓴ ꓥꓳ=