ꓘꓴ ꓜꓲꓼ ꓞꓳ ꓡꓰ ꓐꓯˍ ꓟ ꓡꓲꓽ ꓒꓰꓼ ꓟꓸ ꓟꓲꓽ (3) (Dialogue with Culture)

ꓪꓴ-ꓢ ꓚꓱꓹ ꓔꓯ ꓟꓳꓸ ꓢꓳ ꓣꓴˍ ꓟ ꓢꓲꓽ ꓫꓬ ꓕꓳ ꓶ ꓚꓱꓹ ꓔꓯ ꓟꓳꓸ ꓢꓳ ꓣꓴˍ ꓟ ꓢꓷꓸ ꓠꓲꓹ ꓕꓱ ꓟ ꓔꓯ ꓦ ꓕꓲꓽ ꓒꓳꓹ ꓕꓯ ꓢꓲ ꓡꓲꓽ ꓒꓰꓼ ꓐꓰ ꓕꓲꓽ ꓐꓱ ꓠꓬ ꓕꓱ ꓡꓰ ꓐꓯˍ ꓟ ꓥ ꓪ= ꓞꓳ ꓤꓽ ꓕꓲꓽ ꓞꓲꓼ ꓗꓪ ꓪꓴ-ꓢ ꓔꓬ ꓢꓲ ꓪꓴ-ꓢ ꓬꓲ ꓡꓰ ꓒꓬꓱꓼ ꓠꓲꓹ ꓫꓵˍ ꓟ ꓔꓶ ꓐꓬꓱꓽ ꓔꓯ ꓟꓬꓽ ꓠꓬꓲ ꓟꓳ ꓪ ꓠˍ ꓟ ꓔꓶ ꓐꓬꓱꓽ ꓔꓯ ꓒꓬꓱꓼ ꓡ ꓠ ꓖꓳ ꓟ ꓔꓯ ꓟꓳꓸ ꓖꓶˍ ꓟ ꓚꓱꓹ ꓖꓳ ꓡꓰ ꓟꓳꓸ ꓖꓶˍ ꓟ ꓚꓱꓹ ꓔꓯ ꓦ ꓡꓲꓽ ꓒꓰꓼ ꓐꓰ ꓕꓱ ꓡꓰ ꓐꓯˍ ꓟ ꓥ ꓪ= ꓪꓴ-ꓢ ꓠꓬ ꓞꓳ ꓤꓽ ꓕꓲꓽ ꓣꓳ ꓡꓰ ꓕꓲꓽ ꓣꓳ ꓔꓯ ꓧꓪꓽ ꓗꓳ ꓓꓱꓽ ꓕꓲꓽ ꓒꓳꓹ ꓔꓯ ꓢꓲ ꓟꓳꓸ ꓙꓳ ꓠꓬꓲ ꓔ ꓟ ꓠꓲꓹ ꓟ ꓕꓲꓽ ꓒꓳꓹ ꓔꓯ ꓢꓲ ꓟꓳꓸ ꓙꓳ ꓠꓬꓲ ꓔ ꓟ ꓙꓽ ꓜꓲꓼ ꓠꓲꓹ ꓢꓷꓸ ꓠꓲꓹ ꓕꓲꓽ ꓒꓳꓹ ꓔꓯ ꓢꓲ ꓟꓳꓸ ꓙꓳ ꓠꓬꓲ ꓔ ꓟ ꓖꓳ ꓟ ꓮꓽ ꓙꓵꓽ ꓔꓯ ꓡꓯꓽ ꓫꓵꓽ ꓖꓶ ꓔ ꓟ ꓥ ꓪ= ꓖꓳ ꓟ ꓡꓯꓽ ꓫꓵ ꓔꓯ ꓣꓱꓽ ꓢꓲ ꓚꓵꓸ ꓛꓬ ꓕꓲꓽ ꓞꓲꓼ ꓗꓪ ꓪꓴꓽ ꓡ ꓟꓴ ꓡ ꓠˍ ꓟ ꓐꓱ ꓶ ꓥˍ ꓟꓲ ꓞꓳ ꓜꓴ ꓞꓳ ꓟꓯꓼ ꓘꓴꓽ ꓗꓪ ꓪꓴ-ꓡ ꓟꓴ ꓡ ꓠˍ ꓟ ꓐꓱ ꓶ ꓥˍ ꓟꓲ ꓣꓱꓽ ꓠ ꓗˍ ꓡꓳ=

ꓖꓳ ꓟ ꓪꓴ-ꓢ ꓡꓰ ꓖꓶ ꓡˍ ꓟ ꓡꓯꓽ ꓫꓵ ꓔꓯ ꓣꓱꓽ ꓢꓲ ꓚꓵꓸ ꓛꓬꓽ ꓔꓬ ꓕꓲꓽ ꓞꓲꓼ ꓗꓪ ꓟꓬꓽ ꓠꓬꓲ ꓐꓶˍ ꓠꓬꓲ ꓟꓬꓱ ꓓꓳꓽ ꓙꓳˍ ꓟ ꓗꓶ ꓡꓰ ꓠˍ ꓟ ꓙꓲˍ ꓟ ꓞꓳ ꓜꓴ ꓞꓳ ꓟꓯꓼ ꓗꓶ ꓡꓰ ꓠˍ ꓟ ꓬꓰˍ ꓕꓯ ꓟꓬꓱ ꓓꓳꓽ ꓙꓳˍ ꓟ ꓬꓲ ꓒꓵꓽ ꓒꓵˍ ꓟ ꓡꓲꓽ ꓒꓰꓼ ꓗꓶ ꓡꓰ ꓝꓲˍ ꓟ  ꓕꓱ ꓡꓰ ꓟꓳ ꓪ ꓝꓲˍ ꓟ ꓥ ꓪ= ꓖꓳ ꓟ ꓪꓴꓸ ꓠꓬꓲ ꓡꓲꓽ ꓒꓰꓼ ꓐꓯˍ ꓟ ꓠꓬ ꓕꓱ ꓚꓵˍ ꓟ ꓪꓴ-ꓢ ꓬꓲ ꓐꓬꓱꓽ ꓔꓯ ꓟꓬꓽ ꓠꓬꓲ ꓐꓲ ꓜꓲꓼ ꓡꓰ ꓝꓲˍ ꓟ ꓔꓱ ꓚꓵˍ ꓟ ꓟꓲ ꓠꓯ ꓞꓳ ꓤꓽ ꓒꓬꓱꓼ ꓡꓰ ꓝꓲˍ ꓟ ꓬꓲ ꓚ ꓚꓱꓹ ꓥˍ ꓡꓳ=  ꓖꓳ ꓟ ꓪꓴꓸ ꓠꓬꓲ ꓦꓮꓔꓲꓚꓮꓠ ꓲꓲ ꓖꓪ ꓙꓱ ꓜꓲꓼ ꓓꓴ ꓗꓪ ꓠꓬ ꓮ ꓡꓰ ꓐꓳ ꓔ ꓡ? ꓐꓯˍ ꓠꓬ ꓬꓲ ꓟꓸ ꓟꓲ ꓠꓯˍ ꓟ ꓙꓲ-ꓢꓴ ꓢꓲ ꓤꓼ ꓐꓴ ꓔꓯ ꓢꓲ ꓚꓰ ꓔ ꓟ ꓚꓵ ꓘꓶꓽ ꓓꓽ ꓟ ꓙꓵ ꓠꓲꓹˍ ꓐꓰ ꓟꓬꓽ ꓠꓬꓲ ꓬꓲ ꓟꓸ ꓟꓲ ꓓꓳˍ ꓟ ꓐꓲ ꓜꓲꓼ ꓡꓰ ꓝꓲˍ ꓟ ꓡꓲꓽ ꓒꓰꓼ ꓒꓬꓱꓼ ꓡ ꓠ ꓐꓯˍ ꓟ ꓬꓲ ꓟꓸ ꓟꓲꓽ ꓔꓯ ꓟꓻꓽ ꓠꓬꓲ ꓟꓳꓸ ꓖꓶˍ ꓟ ꓥ ꓪ= 

ꓖꓳ ꓕꓲꓽ ꓘꓴꓸ ꓗꓪ ꓮ ꓡꓰ ꓐꓳ ꓔ ꓡ? ꓐꓯˍ ꓠꓬ ꓟꓴꓽ ꓗꓪ ꓗꓴꓷꓼ ꓗꓪ ꓛꓲ ꓠˍ ꓟ ꓙ ꓫꓱꓽ ꓔꓬ ꓟ ꓙꓲ-ꓢꓴ ꓢꓲ ꓤꓼ ꓐꓴ ꓠꓬ ꓟꓴ ꓗꓪ ꓗꓴꓷꓼ ꓚꓱꓹ ꓔꓯ ꓡꓰ ꓟꓬꓽ ꓠꓬꓲ ꓧꓪ ꓠˍ ꓟ ꓟꓬꓽ ꓠꓬꓲ ꓓꓵꓽ ꓙꓽ ꓕꓯꓽ ꓙꓲ ꓥ= ꓚꓵ ꓚꓵ ꓐꓯ ꓠꓬ ꓕꓱ ꓡꓰ ꓧꓪꓸ ꓕꓯ ꓣꓳꓽ ꓟꓯ ꓠꓬꓲ ꓔ ꓟ ꓶ ꓕꓱ ꓟ ꓔꓯ ꓙꓳˍ ꓟ ꓟꓽ ꓙꓳ ꓑꓶꓸ ꓑꓶꓸ ꓡꓰ ꓧꓪ ꓠˍ ꓟ ꓙꓲ-ꓢꓴ ꓢꓲꓺ ꓤꓼ ꓐꓴ ꓙꓵ ꓠꓲꓹ ꓚꓵ ꓘꓶꓽ ꓓꓽ ꓟ ꓗꓪ ꓐꓰ ꓧꓪꓸ ꓛꓲ ꓖꓶ ꓔꓬˍ ꓟ ꓥ ꓪ= ꓙꓲ-ꓢꓴ ꓢꓲꓺ ꓤꓼ ꓐꓴ ꓙꓵ ꓠꓲꓹ ꓠꓬ ꓞꓳ ꓤꓽ ꓔꓯ ꓟꓬꓽ ꓠꓬꓲ ꓐꓶˍ ꓠꓬꓲ ꓪꓴ-ꓢ ꓡꓰ ꓢꓲ ꓚꓰ ꓔ ꓟ ꓠꓯꓸꓼ ꓗꓪ ꓛꓲ ꓡꓰ ꓠˍ ꓟ ꓐꓱ ꓶ ꓡꓲꓽ ꓒꓰꓼ ꓔꓯ ꓟꓬꓽ ꓠꓬꓲ ꓟꓽ ꓓ ꓟꓬꓱ ꓓꓳꓽ ꓙꓳˍ ꓟ ꓒꓵꓽ ꓡꓳˍ ꓡꓰ ꓟ ꓬꓲ ꓟꓸ ꓟꓲ ꓓꓳˍ ꓟ ꓠꓯꓸꓼ ꓗꓪ ꓛꓲ ꓡꓰ ꓝꓲˍ ꓟ ꓥ ꓢꓲ ꓠꓬꓲ ꓖꓳ ꓟ ꓙꓵ ꓠꓲꓹ ꓠꓯꓸꓼ ꓗꓪ ꓣꓳꓽ ꓢꓯꓼ ꓕꓵꓼˍ ꓟ ꓠꓬ ꓟꓬꓽ ꓠꓬꓲ ꓐꓲ ꓜꓲꓼ ꓡꓰ ꓝꓲˍ ꓟ ꓬꓲ ꓟꓸ ꓟꓲꓽ ꓠꓯꓸꓼ ꓗꓪ ꓛꓲ ꓡꓰ ꓝꓲˍ ꓟ ꓥ ꓪ=                                                          

Add new comment

1 + 3 =