ꓘꓴ ꓜꓲꓼ ꓞꓳ ꓡꓰ ꓐꓯˍ ꓟ ꓡꓲꓽ ꓒꓰꓼ ꓟꓸ ꓟꓲꓽ (4) Dialogue with Culture

ꓣꓳꓽ ꓙꓲ-ꓢꓴ ꓙꓵ ꓠꓲꓹ ꓔꓯ ꓜꓲ ꓜꓲ ꓟꓴ ꓟꓴ ꓧꓪ ꓠꓬꓲ ꓕꓯ ꓡꓲꓽ ꓒꓰꓼ ꓐꓯˍ ꓟ ꓠꓬ ꓞꓳ ꓤꓽ ꓔꓯ ꓟꓬꓽ ꓠꓬꓲ ꓟꓳ ꓪ ꓡꓰ ꓝꓲˍ ꓟ꓾ ꓞꓳ ꓫꓵꓽ ꓕꓲꓽ ꓫꓵꓽ ꓕꓲꓽ ꓫꓵꓽ ꓔꓯ ꓟꓬꓽ ꓠꓬꓲ ꓟꓳ ꓪ ꓡꓰ ꓝꓲˍ ꓟ ꓖꓳ ꓟ ꓡꓰ ꓟꓽ ꓞꓲ ꓪꓴ-ꓢ ꓡꓰ ꓞꓳ ꓫꓵꓽ ꓕꓲꓽ ꓫꓵꓽ ꓔꓯ ꓘꓴˍ ꓟ ꓞꓳ ꓫꓵꓽ ꓕꓲꓽ ꓫꓵꓽ ꓔꓯ ꓟꓬꓽ ꓠꓬꓲ ꓟꓳ ꓪ ꓡꓰ ꓝꓲˍ ꓟ ꓖꓳ ꓟ ꓡꓰ ꓟꓽ ꓞꓲ ꓪꓴ-ꓢ ꓡꓰ ꓞꓳ ꓫꓵꓽ ꓕꓲꓽ ꓫꓵꓽ ꓔꓯ ꓘꓴˍ ꓟ ꓢꓲ ꓚꓰ ꓔ ꓟ ꓔꓯ ꓟ ꓟꓬꓽ ꓠꓬꓲ ꓢꓷꓸ ꓡꓰ ꓝꓲˍ ꓟ꓾ ꓠꓲꓹ ꓟ ꓧꓪꓸ ꓛꓲꓽ ꓡꓰ ꓝꓲˍ ꓟ ꓥ ꓪ= ꓖꓳ ꓟ ꓡꓰ ꓝꓲꓸ ꓡꓯꓽ ꓘꓳꓹ ꓟ ꓗꓪ ꓐꓰ ꓪꓴ-ꓢ ꓔꓯ ꓟꓬꓽ ꓠꓬꓲ ꓦ ꓡꓱ ꓢꓲ ꓟꓬꓽ ꓠꓬꓲ ꓙꓵ ꓢꓲ ꓪꓴ-ꓢ ꓠꓲꓹ ꓡꓶꓽ ꓡꓰ ꓐꓰ ꓕꓲꓽ ꓡꓰꓻ ꓛꓳ ꓫꓱꓽ ꓢꓲ ꓔꓬ ꓟ ꓗꓪ ꓐꓰ ꓠꓱꓸ ꓐꓯꓼ ꓞꓳ ꓫꓵˍ ꓐꓰ ꓬꓲ ꓪꓽ ꓡꓲꓽ ꓒꓰꓼ ꓐꓰ ꓠꓱꓸ ꓐꓯꓼ ꓞꓳ ꓫꓵꓽ ꓬꓲ ꓪꓽ ꓬꓰˍ ꓟ ꓥ ꓕ ꓑꓳꓸ ꓔꓯ ꓟꓬꓽ ꓠꓬꓲ ꓣꓳꓽ ꓢꓷꓸ ꓡ ꓢꓲ ꓢꓳ ꓫꓵꓽ ꓡꓲꓽ ꓒꓰꓼ ꓔꓯ ꓥˍ ꓟꓲ ꓞꓳ ꓫꓵꓽ ꓔꓯ ꓥˍ ꓟꓲ ꓒꓵꓽ ꓗꓴ ꓡˍ ꓟ ꓗꓶ ꓡˍ ꓡꓳ=

ꓪꓴ-ꓢ ꓠꓬ ꓞꓳ ꓫꓵꓽ ꓕꓲꓽ ꓫꓵꓽ ꓡꓰ ꓕꓲꓽ ꓫꓵꓽ ꓔꓯ ꓡꓲꓽ ꓒꓰꓼ ꓕꓱ ꓡꓰ ꓖꓶ ꓦ ꓥ ꓕꓱ ꓡꓰ ꓬꓲ ꓦ ꓥ ꓐꓯˍ ꓟ ꓔꓯ ꓟꓽ ꓢꓷꓸ ꓠꓬ ꓢꓳ ꓫꓵꓽ ꓔꓯ ꓟꓽ ꓒꓵꓽ ꓢꓳ ꓙꓵ ꓠꓲꓹ ꓔꓯ ꓟꓽ ꓒꓵꓽ ꓢꓳ ꓡꓲꓽ ꓒꓰꓼ ꓔꓯ ꓟꓽ ꓒꓵꓽˍ ꓟ ꓕꓱ ꓡꓰ ꓗꓶ ꓡꓰˍ ꓓꓴ ꓟ ꓥ ꓪ= ꓖꓳ ꓡꓰ ꓠꓬꓲ ꓢꓳ ꓫꓵꓽ ꓔꓯ ꓒꓵꓽ ꓗꓴꓸ ꓔ ꓟ ꓢꓳ ꓙꓵ ꓠꓲꓹ ꓔꓯ ꓒꓵꓽ ꓗꓴ ꓔ ꓟ ꓢꓳ ꓡꓰ ꓒꓲꓽ ꓒꓰꓼ ꓔ ꓒꓵꓽ ꓗꓴ ꓔ ꓟ ꓠꓬ ꓪꓴ-ꓢ ꓡꓰ ꓞꓳ ꓫꓵꓽ ꓕꓲꓽ ꓫꓵꓽ ꓐꓰ ꓕꓲꓽ ꓫꓵꓽ ꓔꓯ ꓟꓽ ꓪꓽ ꓡꓯꓽ ꓘꓳ ꓠ ꓪꓴ-ꓢ ꓡꓰ ꓖꓶ ꓔ ꓟ ꓡꓯꓽ ꓫꓵ ꓥˍ ꓡꓳ ꓐꓯˍ ꓟ ꓔꓯ ꓢꓷꓸ ꓕꓯ ꓢꓲ ꓢꓳ ꓫꓵꓽ ꓡꓲꓽ ꓒꓰꓼ ꓔꓯ ꓥˍ ꓟꓲ ꓙꓵ ꓠꓲꓹ ꓔꓯ ꓥˍ ꓟꓲ ꓞꓳ ꓫꓵꓽ ꓔꓯ ꓥˍ ꓟꓲ ꓒꓵꓽ ꓗꓴ ꓔ ꓟ ꓒꓬꓱꓼ ꓡ ꓓꓴ ꓥꓳ=

ꓞꓳ ꓙꓳ ꓢꓯꓸ ꓔꓬ ꓙꓱꓹ ꓗꓪ ꓚꓳꓸ ꓣꓳꓽ ꓛꓳꓽ ꓠꓬꓲ ꓠꓬ ꓟꓲ ꓠꓯ ꓔꓯ ꓮꓸ ꓓꓰ ꓗꓸ ꓛꓲˍ ꓟ ꓔꓬ ꓔꓶꓸ ꓒꓬꓱꓼ ꓡ ꓠ ꓕꓲꓽ ꓦꓲ ꓡꓰ ꓕꓲꓽ ꓦꓲ ꓞꓳ ꓫꓵꓽ ꓕꓲꓽ ꓫꓵꓽ ꓐꓱ ꓶ ꓙꓲ ꓖꓴ ꓙꓳˍ ꓟ ꓢꓯꓸ ꓔꓬˍ ꓟ ꓚꓱꓹ ꓒꓬꓱꓼ ꓡ ꓠˍ ꓟ ꓐꓱ ꓶ ꓚꓵꓸ ꓛꓬꓽ ꓔꓵꓹ ꓚꓵꓸ ꓛꓬꓽ ꓟꓬꓱꓽ ꓬꓰ ꓢꓲ ꓙꓲˍ ꓟ ꓡꓲꓽ ꓒꓰꓼ ꓒꓬꓱꓼ ꓡ ꓠ ꓮ ꓕꓯ ꓥˍ ꓟꓲ ꓒꓳꓹ ꓡꓶꓸ ꓢꓲ ꓬꓰ ꓠ ꓗˍ ꓡꓳ= ꓖꓳ ꓟ ꓠꓬ ꓬꓲ ꓚꓰ ꓬꓲ ꓪꓴ 1ꓽ 28 ꓗꓪ ꓟꓲ ꓠꓯ ꓕꓯ ꓐꓲ ꓡꓶꓽ ꓡꓰ ꓝꓲ꓾ ꓐꓰ ꓐꓯˍ ꓟ ꓡꓰ ꓐꓰ ꓕꓲꓽ ꓡꓰꓻ ꓪꓴ-ꓢ ꓡꓰ ꓒꓬꓱꓼ ꓝꓲ ꓠꓲꓹ ꓫꓵˍ ꓟ ꓔꓶ ꓐꓬꓱꓽ ꓡꓰ ꓐꓰ ꓕꓲꓽ ꓡꓰꓻ ꓒꓬꓱꓼ ꓡ ꓠ ꓬꓰ ꓗˍ ꓡꓳ= ꓖꓳ ꓟ ꓒꓬꓱꓼ ꓠꓲꓹ ꓫꓵˍ ꓟ ꓔꓶ ꓐꓬꓱꓽ ꓔꓯ ꓡꓲꓽ ꓒꓰꓼ ꓗꓪ ꓐꓰ ꓣꓳꓽ ꓠꓬ ꓔꓶ ꓐꓬꓱꓽ ꓡꓰ ꓐꓰ ꓕꓲꓽ ꓡꓰꓻ ꓒꓬꓱꓼ ꓡ ꓠ ꓢꓯꓼ ꓕꓵꓼ ꓠ ꓗˍ ꓡꓳ= ꓖꓳ ꓟ ꓑꓶꓸ ꓓꓴ ꓔꓲꓺ ꓒ ꓪꓸ ꓔꓲ ꓬꓳ-ꓦ ꓒꓳ-ꓡꓳ ꓲꓲ ꓡꓰ ꓮ ꓡꓰ ꓐꓯꓹ ꓡ ꓐꓯ ꓠꓬ ꓟꓽ ꓪꓽ ꓡꓯ ꓘꓳ ꓟꓽ ꓫꓱꓹ ꓡꓯꓽ ꓗꓳˍ ꓟ ꓡꓲꓽ ꓒꓰꓼ ꓐꓯˍ ꓟ ꓠꓬ ꓕꓲ ꓠꓬꓲ ꓡꓰ ꓕꓲꓽ ꓠꓬꓲ ꓢꓯꓸ ꓔꓬ ꓟꓶ ꓠˍ ꓟ ꓬꓲ ꓟꓸ ꓟꓲꓽ ꓮ ꓕꓯ ꓥˍ ꓟꓲ ꓫꓬ ꓡꓰ ꓠ ꓟꓳ ꓡꓰ ꓠ ꓬꓰˍ ꓟ ꓟꓽ ꓪꓽ ꓡꓯꓽ ꓘꓳ ꓟꓽ ꓫꓰꓹ ꓡꓯꓽ ꓗꓳ ꓠ ꓬꓰˍ ꓟ ꓬꓲ ꓚꓱꓹ ꓥˍ ꓡꓳ=