ꓙꓽ ꓜꓲꓼ ꓠꓲꓹ ꓢꓷꓸ ꓠꓲꓹ ꓑꓶꓸ ꓓꓴ ꓒꓬꓱꓼ ꓡꓹ ꓟ ꓡꓲꓽ ꓒꓲꓼ ꓐꓰ ꓫꓸ ꓕꓱˍ ꓟ

Monday, March 01, 2021

ꓙꓽ ꓜꓲꓼ ꓠꓲꓹ ꓢꓷꓸ ꓠꓲꓹ ꓑꓶꓸ ꓓꓴ ꓡꓲꓽ ꓒꓲꓼ ꓠꓬ ꓮꓽ ꓟꓬ ꓒꓳꓹ ꓡꓶꓸ ꓡꓰꓳ= ꓠꓬꓲꓹ ꓠꓬꓲ ꓕꓲꓽ ꓞꓲꓼ ꓗꓪ ꓣꓳ ꓠꓬ ꓡꓲꓽ ꓒꓲꓼ ꓐꓰ ꓫꓸ ꓕꓱ ꓠꓹ ꓟ ꓮꓽ ꓘꓶꓸ ꓬꓳꓸ ꓚꓲˍ ꓡꓳ= ꓠꓬꓲꓹ ꓠꓬꓲ ꓕꓲꓽ ꓞꓲꓼ ꓦ ꓕꓲꓽ ꓒꓳꓹ ꓔꓯ ꓢꓲ ꓛꓳ ꓚꓱꓹ ꓠꓬ ꓟꓽ ꓪ ꓡꓯꓽ ꓘꓳ ꓟꓽ ꓫꓱꓹ ꓡꓯ ꓘꓳꓹ ꓟ ꓮ ꓟꓬꓹ ꓗꓷ ꓡꓰꓳ= ꓟꓽ ꓓ ꓠꓬ ꓙꓽ ꓜꓲꓼ ꓠꓲꓹ ꓢꓷꓸ ꓠꓲꓹ ꓑꓶꓸ ꓓꓴ ꓠꓬ ꓗꓷ ꓡꓰꓹ ꓟ ꓥ ꓪ= ꓖꓳ ꓟ ꓑꓶꓸ ꓓꓴ ꓠꓲ ꓞꓳ ꓤꓽ ꓮꓽ ꓟꓬ ꓠꓬ ꓪꓽ ꓘꓴ ꓦ ꓗꓪ ꓙꓰ ꓠꓲꓹ ꓟꓽ ꓫꓵ ꓗꓷ ꓡꓰꓹ ꓟ ꓥ ꓡꓳ= 

ꓖꓳ ꓡꓰ ꓒꓳꓹ ꓡꓷꓸ ꓡꓹ ꓟ ꓡꓲꓽ ꓒꓲꓼ ꓠꓯꓸꓼ ꓗꓪ ꓮ ꓪꓽ ꓡꓯꓽ ꓘꓳ ꓟꓽ ꓫꓱꓹ ꓡꓯꓽ ꓘꓳꓹ ꓟ ꓫꓵꓽ ꓪꓴ ꓢꓲ ꓛꓵꓽ ꓮ ꓟꓬ ꓓꓳ ꓡꓺꓳ= ꓠꓬꓲ ꓠꓬꓲ ꓙꓲ-ꓢꓴ ꓢꓲ ꓤꓼ ꓐꓴ ꓮ ꓟꓬ ꓔꓬ ꓟ ꓗꓴꓷ ꓘꓴꓽ ꓗꓪ ꓠꓬ ꓕꓱ ꓟ ꓟꓲ ꓠꓯ ꓢꓷ ꓠꓲꓹ ꓪꓴꓽ ꓡ ꓟꓴ ꓡꓹ ꓟ ꓪꓴ ꓠꓬꓲ  ꓡꓲꓽ ꓒꓲꓼ ꓒꓳꓹ ꓡꓰ ꓟ ꓛꓳ ꓚꓱꓹ ꓒꓳ ꓡꓰꓹ ꓟ ꓠꓬ ꓙꓲ-ꓢꓴ ꓢꓲ ꓤꓼ ꓐꓴ ꓪꓽ ꓡꓯꓽ ꓘꓳ ꓫꓱꓹ ꓡꓯꓽ ꓘꓳꓹ ꓟ ꓔꓯ ꓐꓬ ꓡꓰ ꓝꓲꓹ ꓟ ꓗꓷ ꓡꓰ ꓡꓳ=

ꓐꓯ ꓥꓳ ꓐꓯ ꓠꓬ ꓚꓵꓸ ꓚꓬ ꓬꓰ ꓟꓵ ꓢꓱꓹ ꓟ ꓔꓯ ꓒꓴ ꓒꓴ ꓡꓯꓽ ꓡꓯꓽ ꓬꓰ ꓐ ꓡꓹ ꓟ꓾ ꓕꓱꓹ ꓚꓵꓹ ꓟ ꓚꓱꓹ꓾ ꓖꓳ ꓟ ꓡꓰꓽ ꓟꓽ ꓞꓲ ꓤꓽ ꓑꓸ ꓤꓼ ꓐꓰ ꓤꓽ ꓟꓶꓼ ꓤꓼ ꓕꓲ ꓡꓰ ꓪ ꓙꓵꓽ ꓪꓽ ꓙꓳꓹ ꓟ꓾ ꓞꓳ ꓤꓽ ꓠꓲꓹ ꓟ ꓗꓸ ꓘꓶꓽ ꓒꓴ ꓖꓶ ꓡꓹ ꓟ꓾ ꓠꓱꓸ ꓐꓯꓼ ꓢꓴꓹ ꓐꓰ ꓫꓸ ꓕꓱ ꓡꓯꓽ ꓘꓳ ꓠꓹ ꓟ꓾ ꓟꓲ ꓠꓯ ꓟꓶꓽ ꓘꓳꓼ ꓒꓳꓹ ꓡ ꓟ ꓔꓯ ꓟꓳꓸ ꓢꓷꓸ ꓠꓬꓲ ꓔ ꓟ ꓚꓱꓹ ꓔꓯ ꓟꓳꓸ ꓕꓱ ꓡꓰꓳ ꓫꓵꓽ  ꓗꓪ ꓮ ꓟꓬꓹ ꓟꓽ ꓪꓽ ꓡꓯꓽ ꓘꓳ ꓟꓽ ꓫꓱꓹ ꓡꓯꓽ ꓘꓳꓹ ꓟ ꓘꓷ ꓡꓰꓳ=  

 

 

 

Add new comment

6 + 11 =

Quick Links