ꓞꓳ ꓤꓽ ꓟꓬꓱ ꓓꓳꓽ ꓐꓰ ꓕꓱꓹ ꓚꓵˍ ꓟ (ꓓꓲꓮꓡꓳꓖꓴꓰ ꓪꓲꓔꓧ ꓔꓧꓰ ꓑꓳꓳꓣ)

ꓙꓲꓹ ꓟꓽ ꓙꓲꓹ ꓟ ꓔꓯ ꓢꓲ ꓐ ꓡꓹ ꓟ ꓢꓲꓻ ꓠꓲꓹ ꓟ ꓠꓯꓸꓼ ꓗꓪ ꓙꓲꓹ ꓟ ꓔꓯ ꓢꓲ ꓚꓵ ꓐ ꓡꓹ ꓟ ꓠꓬ ꓔꓱꓹ ꓚꓵꓹ ꓟ ꓔꓯ ꓚꓱꓹ ꓥˍ ꓡꓳ= ꓘ-ꓕꓳ-ꓡꓲ ꓘꓴ ꓜꓲꓼ ꓞꓳ ꓗꓪ ꓚꓳ ꓟꓲꓠꓯ ꓞꓳ ꓤꓽ ꓢꓯ ꓔꓬ ꓚꓱꓹ  ꓟꓸ ꓖꓶꓹ ꓟ ꓗꓪ ꓠꓬ ꓔꓱ ꓚꓵꓹ ꓟ ꓔꓯ ꓟꓬꓽ ꓠꓬꓲ ꓟꓳ ꓐ ꓡ ꓠꓹ ꓟ ꓟꓸ ꓖꓶ ꓟ ꓥˍ ꓡꓳ= ꓔꓱ ꓚꓵꓹ ꓟ ꓠꓬ ꓮ ꓓꓲꓽ ꓒꓵꓹ ꓟ ꓢꓲ ꓫꓬ ꓟ ꓥ ꓢꓲ ꓞꓳ ꓤ ꓟꓬꓱ ꓓꓳꓽ ꓔꓯ ꓟꓽ ꓐꓬ ꓡꓰ ꓝꓲꓹ ꓟ ꓥˍ ꓡꓳ=  ꓖꓳ ꓟ ꓡꓰ ꓟ ꓞꓲ ꓞꓳ ꓤꓽ ꓬꓲ ꓜꓴ ꓬꓲ ꓟꓼ ꓗꓪ ꓟꓬꓱ ꓓꓳꓽ ꓙꓳ ꓙꓳꓹ ꓢꓯꓸ ꓔꓬ ꓟꓶ ꓠꓹ ꓟ ꓬꓲ ꓛꓱ ꓥˍ ꓡꓳ=

  ꓕꓱ ꓟ ꓔꓱ ꓚꓵꓹ ꓟ ꓬꓲ ꓝꓳꓹ ꓟꓶ ꓠꓬ ꓔꓧꓰ ꓴꓡꓔꓲꓟꓮꓔꓰ ꓔꓣꓴꓔꓧ  ꓐꓯꓹ ꓟ ꓬꓲ ꓪꓴꓸ ꓬꓲ ꓚꓲ ꓧꓪ ꓟꓶ ꓟꓽ ꓠ ꓗꓪ ꓛꓲ ꓔꓱ ꓚꓵꓹ ꓟ ꓐꓯꓹ ꓟ ꓪꓴ-ꓢ ꓚꓱꓹ ꓥˍ ꓡꓳ= ꓕꓱ ꓟ ꓔꓱꓹ ꓚꓵꓹ ꓟ ꓔꓯ ꓪꓴ-ꓢ ꓡꓰ ꓚꓰꓼ ꓔ ꓟ ꓙꓱꓽ ꓤꓽ ꓟ ꓞꓲꓹ ꓐꓰ ꓟꓲ ꓠꓯ ꓕꓱ ꓟ ꓔꓯ ꓛꓳ ꓠꓬ ꓣꓳ ꓡꓳꓸ ꓟꓳ ꓪ ꓓˍ ꓡꓳ= ꓖꓳ ꓟ ꓡꓰ ꓟꓽ ꓞꓲ ꓪꓴ-ꓢ ꓬꓲ ꓚꓵꓸ ꓛꓬ ꓥˍ ꓟꓲ ꓣꓳ ꓔꓯ ꓔꓱꓹ ꓚꓵꓹ ꓟ ꓔꓯ ꓟꓳ ꓠꓹ ꓟ ꓮ ꓕꓯꓽ ꓥ_ ꓟꓲ ꓟꓸ ꓨꓶ ꓔꓬ ꓡꓳ= ꓖꓳ ꓡꓰ ꓟꓸ ꓨꓶ ꓟ ꓔꓯ ꓢꓲ ꓫꓬ ꓹ ꓟ ꓟꓳꓸ ꓖꓶ ꓓꓴ ꓓꓲꓦꓲꓠꓰ ꓣꓰꓦꓰꓮꓡꓮꓔꓲꓳꓠ ꓐꓰ ꓔꓱ ꓡꓰ ꓐꓯ ꓔꓬ ꓟ ꓥˍ ꓡꓳ=

 ꓠꓬꓲ ꓧꓪꓹ ꓕꓲ ꓧꓪꓹ ꓟ ꓦꓮꓔꓲꓚꓮꓠ ꓖꓪ ꓙꓱ ꓜꓲꓼ ꓓꓴ ꓗꓪ ꓠꓬ  ꓟꓲ ꓠꓯ ꓞꓳ ꓤꓽ ꓔꓯ ꓠꓬ ꓪꓴ-ꓢ ꓬꓲ ꓐꓬꓱꓽ ꓡꓰ ꓐꓰ ꓚꓰꓼ ꓘꓳ ꓣꓴ ꓟꓶ ꓢꓴ ꓥ ꓢꓲ ꓟꓲ ꓠꓯ ꓞꓳ ꓤꓽ ꓠꓬ ꓪꓴ-ꓢ ꓬꓲ ꓔꓱ ꓚꓵꓹ ꓟ ꓠꓯꓸꓼ ꓗꓪ ꓐ ꓔꓬ ꓟ ꓥˍ ꓡꓳ= ꓟꓲ ꓠꓯ ꓞꓳ ꓤꓽ ꓡꓰ ꓟꓽ ꓞꓲ ꓚꓰꓼ ꓔ ꓟ ꓔꓯ ꓐꓯꓹ ꓟꓶꓹ ꓟ ꓟꓲ ꓠꓯ ꓕꓱ ꓟ ꓥˍ ꓟꓲ ꓪꓴ-ꓢ ꓔꓱ ꓚꓵꓹ ꓟ ꓠꓯꓸꓼ ꓗꓪ ꓐ ꓔꓬ ꓡꓳ= ꓖꓳ ꓟ ꓔꓱ ꓚꓵꓹ ꓟ ꓠꓬ ꓢꓲ ꓫꓬ ꓟ ꓥ ꓢꓲ ꓞꓳ ꓤꓽ ꓡꓰ ꓥꓲꓸ ꓔ ꓟ ꓗꓪ ꓐꓰ ꓐꓬ ꓡꓰ ꓟ ꓓ ꓾ ꓞꓳ ꓤꓽ ꓡꓰ ꓟꓽ ꓙꓲꓹ ꓟ ꓬꓲ ꓟ ꓗꓪ ꓐꓰ ꓟꓲ  ꓐꓬ ꓡꓰ ꓟꓽ ꓓꓹ ꓟ ꓞꓳ ꓤꓼ ꓟꓬꓱ ꓓꓳ ꓔꓯ ꓗꓶ ꓡꓰ ꓝꓲ ꓢꓲ ꓕꓱ ꓡꓰ ꓔꓱ ꓚꓵꓹ ꓟ ꓠꓯꓸꓼ ꓗꓪ ꓦꓲˍ ꓢꓴ ꓔꓯ ꓞꓳ ꓤꓽ ꓮ ꓙꓵꓽ ꓠꓬ ꓒꓵꓽ ꓗꓹ ꓬꓲ ꓟ ꓥˍ ꓡꓳ=            

Add new comment

1 + 1 =