Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓟꓬꓱ ꓓꓳꓽ ꓐꓰ ꓔꓱꓹ ꓚꓵˍ ꓟ (ꓓꓲꓮꓡꓳꓖꓴꓰ ꓪꓲꓔꓧ ꓔꓧꓰ ꓑꓳꓳꓣ)
Monday, March 15, 2021
ꓦꓮꓔꓲꓚꓮꓠ ꓲꓲ ꓖꓪ ꓚꓱ ꓜꓲꓼ ꓓꓴ ꓗꓪ ꓠꓬ ꓟꓲ ꓠꓯ ꓡꓽ ꓞꓳ ꓧꓪꓽ ꓗꓳ ꓓꓱꓽ ꓐꓰ ꓔꓱ ꓚꓵˍ ꓟ ꓚꓱꓹ ꓔꓯ ꓟꓳꓸ ꓟꓳꓹ ꓟ ꓢ ꓫꓵꓽ ꓔꓯ ꓟꓸ ꓖꓶ ꓔ ꓡꓳ= ꓔꓱ ꓚꓵꓹ ꓟ ꓔꓯ ꓧꓪ ꓐ ꓡꓹ ꓟ ꓘꓳ ꓣꓴ ꓐ ꓡꓹ ꓟ ꓛꓳ ꓐ ꓡꓹ ꓟ ꓢꓯꓼ ꓪꓽ ꓐꓯꓹ ꓟ ꓥ ꓐꓶ 2 ꓫꓵꓽ ꓕꓲꓽ ꓫꓵꓽ ꓠꓬ ꓙꓲꓹ ꓟ ꓬꓲ ꓒꓵꓽ ꓙꓳꓹ ꓟ ꓔꓯ ꓧꓪ ꓐ ꓡꓹ ꓟ ꓢꓯꓼ ꓪꓽ ꓙꓳꓹꓟ ꓢ ꓫꓵꓽ ꓕꓲꓽ ꓫꓵꓽ ꓠꓬ ꓔꓱ ꓚꓵꓹ ꓟ ꓔꓯ ꓢꓲ ꓐ ꓡꓹ ꓟ ꓢꓯꓼ ꓪꓽ ꓐꓯ ꓢꓲ ꓕꓱ ꓡꓰ ꓢ ꓫꓵꓽ ꓙꓳ ꓐꓶ= ꓕꓱ ꓟ ꓢ ꓫꓵꓽ ꓠꓬ ꓪꓴ-ꓢ ꓡꓰ ꓖꓶ ꓔ ꓟ ꓢꓯꓼ ꓪꓽ ꓥ ꓢꓲ ꓔꓱ ꓚꓵꓹ ꓟ ꓔꓯ ꓧꓪ ꓟꓶ ꓐ ꓡꓹ ꓟ ꓛꓳ ꓐ ꓡꓹ ꓟ ꓒꓬꓱꓼ ꓡ ꓝꓲˍ ꓡꓳ= ꓪꓴ-ꓢ ꓠꓬ ꓞꓳ ꓤꓽ ꓬꓲ ꓪꓴꓸ ꓬꓲ ꓚꓰ ꓥ ꓢꓲ ꓬꓲ ꓟꓶꓽ ꓥˍ ꓟꓲ ꓥˍ ꓡꓳ=
ꓟꓲ ꓠꓯ ꓡꓽ ꓞꓳ ꓠꓯꓸꓼ ꓗꓪ ꓪꓴ-ꓢ ꓢꓯꓼ ꓟꓬ ꓐꓰ ꓔꓱ ꓚꓵꓹ ꓟ ꓬꓲ ꓒꓵꓽ ꓙꓳ ꓟ ꓔꓯ ꓣꓳ ꓔꓳ ꓜꓳꓽ ꓐ ꓡꓹ ꓡꓳ꓾ ꓧꓪ ꓟꓶ ꓐ ꓡꓹ ꓡꓳ= ꓔꓱ ꓚꓵꓹ ꓟ ꓗꓪ ꓐꓰ ꓞꓳ ꓤꓽ ꓔꓶ ꓐꓬꓱꓽ ꓠꓯꓸꓼ ꓗꓪ ꓟꓽ ꓓ ꓟꓴ ꓖꓴ ꓡꓰꓹ ꓟ ꓗꓪ ꓛꓲ ꓠꓹ ꓟ ꓐꓱ ꓶ ꓣꓳꓽ ꓔꓯ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓪꓴ-ꓢ ꓠꓬ ꓘꓴ ꓔꓬꓹ ꓡꓳ= ꓖꓳ ꓡꓰ ꓪꓴ-ꓢ ꓡꓰ ꓘꓴꓹ ꓟ ꓢꓯꓼ ꓪ ꓔꓯ ꓔꓱ ꓚꓵꓹ ꓟ ꓘꓴꓹ ꓟ ꓢꓯꓼ ꓪꓽ ꓔꓯ ꓣꓳ ꓬꓲ ꓟꓸ ꓟꓲꓽ ꓒꓶ ꓟꓸ ꓖꓶ ꓐ ꓡ ꓠꓹ ꓟ ꓡꓯꓽ ꓔꓯꓽ ꓐ ꓡ ꓠꓹ ꓟ ꓐꓱ ꓶ ꓠꓬ ꓠꓲꓹ ꓟ ꓠꓯꓸꓼ ꓗꓪ ꓢꓯꓼ ꓪꓽ ꓙꓳ ꓠꓬꓲ ꓔ ꓥ= ꓓꓵꓽ ꓙꓽ ꓗꓴ ꓔ ꓟ ꓢꓯꓼ ꓪꓽ ꓙꓳ ꓠꓬꓲ ꓔ ꓥ= ꓖꓳ ꓟ ꓢꓯꓼ ꓪꓽ ꓗꓪ ꓐꓰ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓑ ꓙꓽ ꓔꓬ ꓟ ꓥ ꓪ=
ꓔꓯ ꓥꓳꓽ ꓕꓲꓽ ꓟ ꓐꓯ ꓠꓬ ꓞꓳ ꓤꓽ ꓕꓲ ꓣꓳ ꓠꓬ ꓟꓽ ꓔꓱꓹ ꓟ ꓔꓯ ꓕꓱ ꓓꓳ ꓡꓰ ꓠꓬ ꓣꓳ ꓠꓲꓹ ꓟ ꓠꓯꓸꓼ ꓗꓪ ꓟꓽ ꓗꓹ ꓛꓲ꓾ ꓟꓽ ꓢꓲꓽ ꓟꓽ ꓫꓬꓹ ꓟ ꓬꓰ ꓗꓷꓳ ꓐꓰ ꓕꓱ ꓡꓰ ꓓꓵꓽ ꓙˍ ꓡꓳ= ꓖꓳ ꓟ ꓠꓬ ꓠꓲꓹ ꓟ ꓠꓯꓸꓼ ꓗꓪ ꓐꓰ ꓔꓱ ꓚꓵ_ ꓟ ꓐꓯꓹ ꓟ ꓪꓴ-ꓢ ꓡꓰ ꓘꓴ ꓔ ꓟ ꓢꓯꓼ ꓪꓽ ꓥˍ ꓡꓳ= ꓟꓽ ꓙꓲꓹ ꓟ ꓔꓯ ꓬꓰ ꓠꓬ ꓠꓲꓹ ꓟ ꓟ ꓢ ꓡꓰ ꓝꓲꓹ ꓟ ꓬꓲ ꓓꓳꓽ ꓔꓯ ꓑ ꓙꓽ ꓝꓲˍꓡꓳ= ꓖꓳ ꓡꓰ ꓞꓳ ꓤꓽ ꓕꓲꓽ ꓣꓳ ꓔꓱ ꓚꓵˍ ꓟ ꓐꓰ ꓓꓵꓽ ꓙ ꓗꓴꓸ ꓔ ꓟ ꓠꓲꓹ ꓟ ꓗꓪ ꓐꓰ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓪꓴ_ꓢ ꓐꓯ ꓘꓶꓽ ꓔꓯ ꓐ ꓙꓽ ꓔꓬ ꓟ ꓥ ꓪ= ꓖꓳ ꓟ ꓪꓴ-ꓢ ꓡꓰ ꓘꓴ ꓔꓬ ꓟ ꓢꓯꓼ ꓔꓯ ꓑ ꓙꓽ ꓢꓲ꓾ ꓣꓳ ꓠꓬ ꓛꓳ ꓫꓱꓹ ꓟ ꓗꓪ ꓐꓰ ꓔꓱ ꓚꓵꓹ ꓟ ꓐꓯꓹ ꓟ ꓠꓯꓸꓼ ꓗꓪ ꓢꓯꓸ ꓔꓬ ꓟ ꓗꓷ ꓡꓰꓽꓹ ꓓꓴ ꓟ ꓥ ꓪ=
Subscribe
Sign up to our newsletter and get latest news and updates straight to your inbox!
Download RVA App
Add new comment