ꓟꓲ ꓠꓯ ꓞꓳ ꓤꓽ ꓕꓲꓽ ꓡꓲꓸꓼ ꓪ ꓙꓵꓽ ꓪꓽ ꓙꓳˍ ꓟ ꓚꓱꓹ ( Dialogue with the Poor)

ꓟꓲ ꓠꓯ ꓞꓳ ꓤꓽ ꓕꓲ ꓡꓲꓼ ꓪ ꓙꓵꓽ ꓪꓽ ꓙꓳˍ ꓟ ꓚꓱꓹ

ꓟꓲ ꓠꓯ ꓞꓳ ꓤꓽ ꓕꓲꓽ ꓣꓳ ꓡꓰ ꓕꓲ ꓣꓳ ꓪ ꓙꓵꓽ ꓪꓽ ꓪꓽ ꓡꓯꓽ ꓘꓳ ꓫꓱꓹ ꓡꓯ ꓽ ꓘꓳ(ꓰQꓴꓮꓡꓲꓔꓬ) ꓐꓯꓹ ꓟ ꓠꓬ ꓞꓳ ꓤꓽ ꓮ ꓙꓵꓽ ꓕꓲꓽ ꓫꓵꓺ ꓗꓷ ꓡꓰ ꓠ ꓐꓯꓹ ꓟ ꓬꓲ ꓟꓸ ꓟꓲꓽ ꓟ ꓥ= ꓞꓳ ꓤꓽ ꓕꓲꓽ ꓣꓳ ꓡꓰ ꓕꓲꓽ ꓣꓳ ꓠꓯꓸꓼ ꓗꓪ ꓟꓽ ꓪꓽ ꓡꓯꓽ ꓘꓳ ꓟꓽ ꓫꓱꓹ ꓡꓯ ꓘꓳꓹ ꓟ ꓙꓵꓽ ꓪꓽ ꓐꓯˍ ꓟ ꓙꓳ ꓢꓰˍ ꓡꓳ= ꓬꓲ ꓠꓯꓸꓼ ꓗꓪ ꓪꓴꓽ ꓡ ꓟꓴ ꓡꓹ ꓟ꓾ ꓒꓴ ꓤ ꓫꓵ ꓤ ꓙꓳ ꓟ꓾ ꓢꓷꓸ ꓠꓲꓹ ꓢꓷꓸ ꓔ ꓟ ꓕꓱ ꓡꓰꓳ ꓫꓵꓽ ꓗꓪ ꓐꓰ ꓟꓽ ꓪꓽ ꓡꓯ ꓘꓳ ꓟꓽ ꓫꓱꓹ ꓡꓯꓽ ꓘꓳˍ ꓟ ꓙꓳˍ ꓡꓳ= ꓖꓳ ꓡꓱ ꓥˍ ꓟꓲ ꓪꓽ ꓡꓯꓽ ꓘꓳ ꓫꓱꓹ ꓡꓯ ꓘꓳꓹ ꓟ ꓙꓵꓽ ꓪꓽ ꓐꓯꓹ ꓠꓬ ꓤꓽ ꓑ ꓤꓼ ꓐꓰ ꓤ ꓟꓼ ꓤꓼ ꓐꓯꓹ ꓟ ꓞꓳ ꓤꓽ ꓟꓬꓱ ꓓꓳꓽ ꓔꓯ ꓬꓲ ꓚꓰ ꓔꓶ ꓢꓲ ꓐꓯ ꓠꓲꓹ ꓫꓵꓹ ꓟ ꓥˍ ꓡꓳ= ꓖꓳ ꓟ ꓔꓯ ꓞꓳ ꓤꓽ ꓐꓱ ꓶꓽ ꓬꓲ ꓚꓱꓺ ꓐꓲ ꓐꓯ ꓠꓲꓹ ꓫꓵˍ ꓡꓳ= ꓪ ꓙꓵꓽ ꓪꓽ ꓙꓳꓹ ꓟ ꓠꓬ ꓞꓳ ꓤ ꓕꓲ ꓣꓳ ꓐꓱ ꓶꓽ ꓬꓲ ꓚꓰꓺ ꓔꓶ ꓔ ꓟ ꓥˍ ꓡꓳ= ꓞꓳ ꓤꓽ ꓟꓬꓱ ꓓꓳꓽ ꓐꓯꓹ ꓟ ꓠꓬ ꓟꓵꓽ ꓗꓳꓹ ꓓꓵ ꓓꓵ ꓗꓪ ꓟꓽ ꓓ ꓪꓴ ꓖꓴ ꓡꓰꓹ ꓟ ꓟꓴ ꓖꓴ ꓡꓰꓹ ꓟ ꓟꓬꓱ ꓓꓳꓽ ꓙꓳ ꓟ ꓔꓯ ꓐꓯ ꓠꓲꓹ ꓫꓵꓹ ꓟ ꓥ ꓪ= ꓖꓳ ꓟ ꓑꓶ ꓓꓴ ꓠꓲ ꓞꓳ ꓤ ꓟꓬꓱ ꓓꓳ ꓽ ꓠꓯꓸꓼ ꓗꓪ ꓕꓲ ꓡꓰꓼ ꓪ ꓙꓵꓽ ꓪꓽ ꓙꓳ ꓥꓺ ꓐꓯꓹ ꓠꓬ ꓫ ꓢꓴ ꓥˍ ꓟꓲ ꓢꓷꓸ ꓠꓲꓹ ꓢꓷ ꓢꓴ ꓥˍ ꓟꓲ ꓙꓵꓽ ꓪꓽ ꓙꓳ ꓢꓴ ꓥˍ ꓟꓲ ꓞꓳ ꓙꓶ ꓟꓽ ꓘꓶꓽ ꓘꓶꓽ ꓤ ꓑꓸ ꓤꓼ ꓤ ꓟꓶꓼ ꓤꓼ ꓟꓽ ꓘꓶꓽ ꓘꓶꓽ ꓮꓽ ꓙꓵ ꓕꓲ ꓡꓰꓼ ꓪ ꓙꓵꓽ ꓪꓽ ꓙꓳꓹ ꓟ ꓔꓯ ꓐꓯ ꓠꓲꓹ ꓫꓵꓹ ꓟ ꓥ ꓪ=

ꓟꓲ ꓠꓯ ꓞꓳ ꓤꓽ ꓠꓯꓸꓼ ꓗꓪ  ꓕꓲ ꓡꓰꓼ ꓪ ꓙꓵꓼ ꓪꓽ ꓐꓯ ꓟ ꓔꓯ ꓟꓸ ꓖꓶ ꓠꓲꓹ ꓫꓵˍ ꓡꓳ= ꓦ ꓕꓲꓽ ꓒꓳꓹ ꓗꓪ ꓚꓳꓸ ꓛꓳ ꓠꓬꓲ ꓠꓬ ꓪꓴ-ꓢ ꓠꓬ ꓟꓲ ꓠꓯ ꓞꓳ ꓤ ꓔꓯ ꓬꓲ ꓐꓬꓱ ꓡꓰ ꓐꓰ ꓚꓰꓼ ꓔ ꓟ ꓡꓰ ꓟꓽ ꓞꓲꓻ ꓕꓲꓽ ꓡꓰꓼ ꓪꓽ ꓡꓯꓽ ꓘꓳ ꓠ ꓚꓰꓼ ꓔ ꓡꓳ= ꓖꓳ ꓟ ꓑꓶ ꓓꓴ ꓠꓲ ꓞꓳ ꓤꓽ ꓮꓽ ꓙꓵꓽ ꓠꓬ ꓪꓴ-ꓢ ꓤꓼ ꓠꓱ ꓪꓴ-ꓢ ꓮ ꓐꓲ ꓮ ꓟꓲꓽ ꓐꓴ ꓥˍ ꓡꓳ= ꓖꓳ ꓡꓰ ꓐꓰ ꓕꓽ ꓡꓰꓺ ꓞꓳ ꓤꓽ ꓮ ꓙꓵꓽ ꓠꓬ ꓕꓲꓽ ꓡꓰꓼ ꓟꓬꓱ ꓓꓳꓽ ꓙꓳˍ ꓟ ꓡꓰ ꓐꓰ ꓕꓲ ꓡꓲꓻ ꓪ ꓙꓵꓽ ꓪꓽ ꓥˍꓟꓲ ꓕꓲ ꓡꓲꓻ ꓙꓳ ꓡꓳ=

ꓢꓲ ꓒ ꓬꓰ-ꓢꓴ ꓠꓬ ꓟꓲ ꓠꓯ ꓞꓳ ꓤꓽ ꓮ ꓙꓵꓽ ꓐꓱ ꓶꓽ ꓡꓯꓼ ꓐꓳ ꓔꓶꓸ ꓓꓴ ꓕꓯꓽ ꓢꓲ ꓗꓪ ꓕꓯꓼ ꓔꓶꓸ ꓫꓵ ꓗꓶ ꓢꓲ ꓣꓳ ꓔꓯ ꓚꓬꓴ ꓙ ꓗꓷꓳ= ꓖꓳ ꓟ ꓠꓬ ꓟꓲ ꓠꓯ ꓞꓳ ꓤꓽ ꓪ ꓙꓵꓽ ꓪꓽ ꓙꓳꓹ ꓟ ꓔꓯ ꓟꓬ ꓠꓬꓲ ꓐꓶꓹ ꓠꓬꓲ ꓕꓲꓽ ꓝꓸ ꓟꓴ ꓡꓰ ꓠ ꓖꓶꓽ ꓡꓹ ꓟ ꓙꓵꓽ ꓪꓽ ꓥ_ ꓡꓳ= ꓞꓳ ꓤꓽ ꓮ ꓙꓵꓽ ꓠꓬ ꓧꓪꓽ ꓗꓳ ꓓꓱꓽ ꓕꓲꓽ ꓡꓲꓼ ꓫꓵꓽ ꓧꓪꓽ ꓕꓲ ꓡꓰꓼ ꓜꓽ ꓠꓬꓲ ꓔ ꓟ ꓥˍ ꓟꓲ ꓕꓲꓽ ꓫꓵꓽ ꓚꓱꓽ ꓟꓳˍ ꓟ ꓥˍ ꓟꓲ ꓕꓲꓽ ꓫꓵꓽ ꓠ ꓡ ꓓꓴ ꓥˍ ꓟꓲ ꓮꓽ ꓟ ꓥˍ ꓟꓲ ꓠ ꓙꓵ ꓮꓽ ꓟ ꓥˍ ꓟꓲ ꓫꓵ ꓙꓵ  ꓮꓽ ꓟ ꓥˍ ꓟꓲ ꓐꓬ ꓡꓰ ꓙꓵ ꓕꓱ ꓡꓰꓳ ꓫꓵꓽ ꓙꓳ ꓟ ꓡꓰ ꓟ ꓞꓲ ꓮꓽ ꓙꓵꓽ ꓠꓬ ꓕꓲꓽ ꓡꓲꓼ ꓦ ꓐꓯꓹ ꓟ ꓙꓳˍ ꓡꓳ= ꓖꓳ ꓟ ꓮꓽ ꓙꓵꓽ ꓠꓬ ꓪꓴ-ꓢ ꓡꓰ ꓚꓰꓼ ꓔ ꓟ ꓐꓯꓹ ꓟ ꓠꓯꓸꓼ ꓗꓪ ꓐꓰ ꓡꓹ ꓟ ꓥˍ ꓡꓳ= ꓖꓳ ꓟ ꓑꓶꓸ ꓓꓴ ꓠꓲ ꓞꓳ ꓤꓽ ꓮꓽ ꓙꓵꓽ ꓠꓬ ꓟꓬꓱ ꓓꓳꓽ ꓠꓯꓸꓼ ꓗꓪ ꓕꓲꓽ ꓡꓰꓼ ꓙꓳ ꓟ ꓡꓰꓽ ꓐꓰ ꓕꓲ ꓡꓰ ꓪ ꓙꓵꓽ ꓪꓽ ꓥˍ ꓟꓲ ꓕꓲꓽ ꓡꓲꓼ ꓙꓳˍ ꓡꓳ= ꓖꓳ ꓟ ꓡꓰꓽ ꓐꓰ ꓕꓲꓽ ꓡꓲꓼ ꓣꓳ ꓟꓯ ꓠꓬꓲ ꓔ ꓟ ꓪꓴ-ꓢ ꓡꓰ ꓖꓶꓽ ꓡꓹ ꓟ ꓟꓬꓱꓽ ꓥˍ ꓟꓲ ꓕꓲꓽ ꓡꓲꓼ ꓥˍ ꓡꓳ=

Add new comment

16 + 1 =