ꓟꓲ ꓠꓯ ꓢꓷꓸ ꓠꓲꓹ ꓬꓳꓸ ꓚꓵꓹ ꓟ ( Dialogue with Culture)

ꓪꓴ-ꓢ ꓶꓽ ꓓꓳ ꓫꓱꓸ ꓓꓳꓽ ꓠꓬ ꓡꓲꓽ ꓒꓲꓼ ꓐꓰ ꓫꓸ ꓕꓱꓹ ꓕꓯ ꓟꓲ ꓠꓯ ꓢꓷꓸ ꓠꓲꓹ ꓠꓬ ꓬꓳꓸ ꓚꓵˍ ꓡꓳ= ꓪꓴ-ꓢ ꓶꓽ ꓓꓳꓽ ꓫꓱꓸ ꓓꓳꓽ ꓠꓯꓸꓼ ꓗꓪ ꓡꓲꓽ ꓒꓲꓼ ꓐꓰ ꓫꓸ ꓕꓱꓹ ꓟ ꓔꓯ ꓪꓴꓽ ꓡ ꓟꓴ ꓡ ꓠꓹ ꓟ ꓐꓱ ꓶ ꓟꓲ ꓠꓯ ꓙꓽ ꓜꓲꓼ ꓠꓲꓹ ꓢꓷ ꓠꓲꓹ ꓠꓬ ꓬꓳꓸ ꓚꓵˍ ꓡꓳ ꓐꓰ ꓰꓚꓚꓡꓰꓚꓲꓮꓡ ꓲꓠ ꓮꓢꓲꓮ ꓐꓯ ꓟ ꓗꓪ ꓐꓯ ꓔ ꓐꓶ= ꓟꓲ ꓠꓯ ꓢꓷ ꓠꓲꓹ ꓠꓬ ꓤꓼ ꓠꓱ ꓐꓴ ꓔꓯ ꓓꓵꓽ ꓙꓽ ꓗꓴꓸ ꓢꓷꓸ ꓗꓴꓸ ꓢꓲ ꓞꓳ ꓪꓴꓽ ꓞꓳ ꓔꓲ ꓒꓬꓱ ꓡ ꓠꓹ ꓗꓪ ꓛꓲ ꓚ ꓚꓱꓹ ꓧꓳꓽ ꓟꓳꓸ ꓖꓶ ꓐ ꓡˍ ꓡꓳ= 

 ꓪꓴ-ꓢ ꓶꓽ ꓓꓳꓽ ꓫꓱꓸ ꓓꓳꓽ ꓠꓯꓸꓼ ꓗꓪ ꓡꓲꓽ ꓒꓲꓼ ꓐꓰ ꓫꓸ ꓕꓱꓹ ꓟ ꓚꓱꓹ ꓔꓯ ꓬꓰ ꓐ ꓡ ꓠꓹ ꓟ ꓐꓱ ꓶ ꓢꓷ ꓠꓲꓹ ꓠꓬ ꓕꓲ ꓦꓲ ꓡ ꓞꓳ ꓘꓴꓽ ꓗꓪ ꓐꓰ ꓬꓲ ꓪꓴꓸ ꓔꓴˍ ꓡꓳ= ꓤꓼ ꓠꓱ ꓟ ꓞꓲ ꓐꓴ ꓐꓱ ꓶ ꓟꓽ ꓓ ꓬꓳꓸ ꓚꓵˍ ꓟ ꓙꓽ ꓜꓲꓼ ꓠꓲꓹ ꓢꓷ ꓠꓲꓹ ꓠꓬ ꓕꓲ ꓦꓲ ꓡꓽ ꓞꓳ ꓘꓴꓽ ꓗꓪ ꓟ ꓟꓲ ꓠꓯ ꓢꓷꓸ ꓠꓲꓹ ꓗꓪ ꓐꓰ ꓓꓽ ꓪꓴꓸ ꓕꓴˍ ꓡꓳ= ꓖꓳ ꓟ ꓪꓴꓸ ꓠꓬꓲ  ꓕꓲꓽ ꓦꓲ ꓡꓽ ꓞꓳ ꓘꓴꓽ ꓗꓪ ꓐꓰ ꓓꓽ ꓪꓴꓸ ꓔꓴꓹ ꓟ ꓠꓬ ꓟꓽ ꓓ ꓙꓲ ꓖꓴ ꓡꓰꓹ ꓟ ꓥˍ ꓡꓳ=

ꓪꓴ-ꓢ ꓟꓸ ꓟꓲ ꓗꓪ ꓚꓳꓸ ꓡꓲꓽ ꓒꓲ ꓚꓱꓹ ꓔꓯ ꓧꓪꓸ ꓕꓯ ꓟꓬ ꓠꓬꓲ ꓐꓶꓹ ꓠꓬꓲ ꓪꓴ-ꓢ ꓶꓽ ꓓꓳꓽ ꓫꓱꓸ ꓓꓳꓽ ꓔꓯ ꓬꓲ ꓟꓸ ꓟꓲ ꓮ ꓘꓶꓸ ꓠꓯꓸ ꓠ ꓚ ꓐ ꓡ ꓠꓹ ꓟ ꓐꓱ ꓶ ꓟꓲ ꓠꓯ ꓢꓷꓸ ꓠꓲꓹ ꓢꓷꓸ ꓕꓯ ꓢꓲ ꓚ ꓐ ꓡ ꓥ= ꓟꓲ ꓠꓯ ꓢꓷꓸ ꓠꓲꓹ ꓔꓯ ꓓꓽ ꓪꓴꓸ ꓔꓴ ꓕꓯ ꓕꓲꓽ ꓦꓲ ꓡꓽ ꓞꓳ ꓘꓵꓽ ꓗꓪ ꓐꓰ ꓓꓽ ꓪꓴꓸ ꓔꓴ ꓟ ꓠꓬ ꓟꓽ ꓓꓽ ꓬꓳꓸ ꓚꓵˍ ꓟ ꓥˍ ꓪ= ꓮ ꓡꓰꓳ ꓐꓯꓹ ꓠꓬ ꓞꓳ ꓤꓽ ꓕꓲ ꓣꓳ ꓡꓰ ꓕꓲꓽ ꓣꓳ ꓐꓱ ꓶ ꓬꓲ ꓪꓴꓸ ꓬꓲ ꓚꓰ ꓟꓲ ꓠꓯ ꓢꓷꓸ ꓠꓲꓹ ꓠꓬ ꓕꓲꓽ ꓦꓲ ꓡꓽ ꓞꓳ ꓘꓵ ꓗꓪ ꓐꓰ ꓥˍ ꓡꓳ= ꓨꓳ ꓡꓰ ꓥˍ ꓟꓲ ꓕꓲꓽ ꓦꓲ ꓡꓽ ꓞꓳ ꓘꓴꓽ ꓗꓪ ꓫꓵꓽ ꓪꓴ ꓮ ꓟꓬ ꓙꓳꓹ ꓠꓬ ꓕꓱ ꓡꓰ ꓮ ꓘꓶꓸ ꓙꓲꓹ ꓟ ꓟꓲ ꓠꓯ ꓢꓷꓸ ꓠꓲꓹ ꓕꓯ ꓥꓳ ꓡꓳꓸ ꓟꓽ ꓐ ꓡꓹ ꓟ ꓗꓷ ꓡꓰꓹ ꓡꓳ= ꓖꓳ ꓡꓱ ꓠꓬꓲ ꓟꓽ ꓬꓳꓸ ꓚꓵˍ ꓟ ꓠꓬ ꓟꓲ ꓠꓯ ꓢꓷꓸ ꓠꓲꓹ ꓢꓳ ꓦꓲ ꓢꓷꓸ ꓠꓲꓹ ꓟꓸ ꓔꓶꓸ ꓠꓬ ꓟꓽ ꓓ ꓬꓳꓸ ꓚꓵꓹ ꓟ ꓗꓷ ꓡꓰꓳ=